ཇི་ལྟར་བོད་ཀྱི་གསོ་བ་རིག་པའི་ལྷན་ཚོགས་ནས་སྔ་རྗེས་ལན་གྲངས་དུ་མ་གསོལ་འདེབས་ཞུས་པ་ལས། ཁྱབ་བདག་འཁོར་ལོའི་མགོན་པོ་ ༸ བྱམས་མགོན་རྡོ་རྗེ་འཆང་མཆོག་གི་ཞལ་སྔ་ནས་འཕགས་ཡུལ་གདན་ས་དཔལ་སྤུངས་ཤེས་རབ་རྣམ་པར་གླིང་དུ་བོད་ཀྱི་གསོ་བ་རིག་པའི་ལྷན་ཚོགས་ཀྱི་དབུ་ལས་སྨན་པ་རྣམས་དང་། གདན་སའི་རིག་གནས་མཐོ་སློབ་ཀྱི་དགེ་ལས་སློབ་ཕྲུག་བཅས་ལ་བདེ་གཤེགས་སྨན་བླ་མི་གཟུགས་སུ་བྱོན་པ་འཚོ་མཛད་གྲུབ་པའི་དབང་ཕྱུག་གཡུ་ཐོག་ཡོན་ཏན་མགོན་པོའི་དགོངས་པའི་ཀློང་ནས་རང་བྱུང་དུ་བརྡོལ་ཅིང་བརྒྱུད་འཛིན་གཙོ་བོ་སུམ་སྟོན་ཡེ་ཤེས་གཟུངས་ལ་ཆིག་བརྒྱུད་དུ་བསྩལ་པའི་བླ་སྒྲུབ་སྡུག་བསྔལ་མུན་སེལ་གྱི་དབང་ལུང་ཁྲིད་གསུམ་བུམ་པ་གང་བྱོའི་ཚུལ་གྱིས་སྐུ་དྲིན་སྩལ་གནང་མཛད་པ་སྟེ། ཕྱི་ལོ་ ༢༠༢༢ ཟླ་ ༤ ཚེས་ ༨ དང་ ༩ ཉིན་གཉིས་རིང་གདམས་ཟབ་བཀའ་ཡི་གཉེར་གཏད་དང་བཅས་རྩ་བའི་དབང་བསྐུར་རྒྱས་པ་དང་། དོན་དབང་མདོར་བསྡུས། བཀྲ་ཤིས་ཚེ་དབང་། ཕུར་པའི་གཏོར་དབང་། སྨན་བླའི་དབང་ཆོག་སོགས་རིག་གཏད་དང་རྗེས་གནང་ཆ་ལག་དང་བཅས་པ་བསྩལ་གནང་མཛད་པ་དང་། ཕྱི་ཚེས་ ༡༠ དང་ ༡༡ ཉིན་གཉིས་རིང་ཕྱི་ནང་གསང་བའི་སྒྲུབ་ཐབས་སོ་སོའི་སྔོན་འགྲོ་གསག་སྦྱོང་གི་རིམ་པ། དངོས་གཞི་སྒོམ་བཟླས་ཀྱི་ཡན་ལག རྗེས་འཕྲིན་ལས་ཀྱི་སྦྱོར་བ་སོགས་བསྐྱེད་རྫོགས་ལམ་གྱི་རིམ་པ་དག་ལ་ཇི་ལྟར་སློབ་ཚུལ་གྱི་ལག་ལེན་དམར་ཁྲིད་མཛད་པའི་ཁར་བླ་སྒྲུབ་ཀྱི་སྒྲུབ་ཁོག་དང་འདོན་ཆ་ཡོངས་རྫོགས་ཀྱི་ལྗགས་ལུང་བསྩལ་གནང་མཛད་ཅིང་རྗེ་བླ་མ་མཆོག་ནས་བོད་ཀྱི་སྐད་ཡིག་གཙོས་པའི་བཅུ་ཕྲག་རིག་གནས་སྤྱི་དང་། ལྷག་ཏུ་བོད་ཀྱི་གསོ་བ་རིག་པའི་བསྟན་པ་རྒྱུན་འཛིན་དར་སྤེལ་ཆེད་སྒོ་ཀུན་ནས་འབད་འབུངས་དགོས་ཤིང་། དེ་ཡང་སློབ་བཤད་དང་སྨན་དཔྱད་ལག་ལེན་ཙམ་གྱིས་མི་ཆོག་པར་གསོ་རིག་ཆོས་སྐོར་གྱི་དབང་ལུང་མན་ངག་དང་སྒོམ་སྒྲུབ་ཉམས་ལེན་གྱི་རྒྱབ་རྟེན་ཤིན་ཏུ་གལ་ཆེ་ཚུལ་སོགས་གནད་ལ་སྨིན་པའི་ལམ་སྟོན་བཀའ་སློབ་རྒྱ་ཆེར་སྐུ་དྲིན་བསྩལ་གནང་མཛད། དེ་ལྟར་གཡུ་ཐོག་སྙིང་ཐིག་བླ་སྒྲུབ་ཀྱི་དབང་ལུང་ཁྲིད་རྒྱུན་ཐོབ་རྗེས་ཉིན་གཉིས་ཀྱི་རིང་གེགས་སེལ་རིམ་གྲོ་གནད་སྨིན་ཟབ་སྒྲུབ་ཞུས་ཏེ། ཕྱི་ལོ་ ༢༠༢༢ ཟླ་ ༤ ཚེས་ ༡༥ ཉིན་བོད་ཀྱི་གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོད་པའི་སྨན་པ་འདུན་པ་ཅན་ངོ་གྲངས་༡༡ དང་དེ་བཞིན་བསྒྲུབ་དཔོན་དང་དབུ་མཛད། མཆོད་དཔོན་དང་མཆོད་གཡོག་བཅས་གདན་ས་དཔལ་སྤུངས་ཤངས་པ་སྒྲུབ་ཁང་དུ་སྨན་རྒྱལ་རྗེ་བཙུན་གཡུ་ཐོག་པ་ཆེན་པོའི་སྙིང་ཐིག་ཕྱི་ནང་གསང་གསུམ་ཀྱི་བླ་སྒྲུབ་ཞག་བརྒྱའི་བསྙེན་མཚམས་བཅད་རྒྱ་ཡོངས་སུ་བསྡམས་ནས་ཉམས་ལེན་དངོས་གཞི་སྒོ་འཛུགས་གནང་། གཡུ་ཐོག་སྙིང་ཐིག་བླ་སྒྲུབ་ཀྱི་ལས་རིམ་འདི་བཞིན་བོད་ཀྱི་གསོ་བ་རིག་པའི་ལྷན་ཚོགས་ནས་རེ་འདུན་ཞུས་དོན་གདན་ས་དཔལ་སྤུངས་ཤེས་རབ་གླིང་གི་སྨན་རྩིས་རིག་གནས་མཐོ་སློབ་ནས་གཙོ་འགན་བཞེས་ཐོག་གདན་ས་དབུས་ནས་མཐུན་འགྱུར་ཆ་ཚང་སྦྱར་བ་ལས་གོ་སྒྲིག་ཞུས་ཅིང་། ལས་རིམ་འདི་བཞིན་ཕྱི་ལོ་༢༠༢༢ ཟླ་༤…
Yuthog Nyingtig Ladrup Program
Central Council of Tibetan Medicine with the collaboration of Palpung University of Buddhist Science (PUBS) has organized a 100 days Yuthog Nyingtig Ladrup program for the Sowa-Rigpa practitioners at PUBS, Sherabling monastic seat, Himachal Pradesh, India. On 6th April 2022,…
ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་གསོ་རིག་སྡེ་ཚན་དུ་རྟོགས་ཞིབ་གནང་བ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༢༢ ཟླ་༢ ཚེས་༢༡་་༢༢ ཉིན་གཉིས་རིང་ཝཱ་ཎ་བོད་ཀྱི་གཙུག་ལག་སློབ་གཉེར་ཁང་གི་གསོ་རིག་སྡེ་ཚན་དུ་རྟོགས་ཞིབ་ཆེད་བསྐྱོད་གནང་། ཚོགས་ཆུང་གི་ཚོགས་མིར་ལྷན་ཚོགས་ཀྱི་ཚོགས་གཙོ་སྨན་པ་ཚེ་རིང་མཚམས་གཅོད་དང་ཚོགས་མི་སྨན་རམས་པ་བསྟན་འཛིན་བདེ་བྱེད་དཀར་ཚང་བཅས་གཉིས་ནས་ཐོག་མར་དེ་གའི་སྡེ་ཚན་འགའ་འཛིན་དང་རིག་སྡེ་འགན་འཛིན་བཅས་དབུ་བཞུགས་ཐོག་རྟོགས་ཞིབ་ལས་དོན་ཁག་ངོ་སྤྲོད་ཞུས། དེ་རྗེས་རིག་སྡེ་འགན་འཛིན་སྨན་དགེ་དབོན་པོ་རྡོ་རྗེ་དགྲ་འདུལ་ལགས་ནས་གསོ་རིག་སྡེ་ ཚན་གྱི་འདས་པའི་ལས་དོན་དང་ད་ཆ་འགྲོ་བཞིན་པའི་སློབ་དུས། མ་འོངས་ལས་འཆར་བཅས་འགྲེལ་བརྗོད་གནང་རྗེས་དེ་ གའི་སློབ་ཁང་གི་འཛིན་ཁང་དང་། དཔེ་མཛོད་ཁང་། བརྟག་དཔྱད་སྨན་ཁང་དང་ནད་གསོ་ཁང་། སྨན་སྦྱོར་ཁང་། དུས་འཁོར་སྨན་གྱི་སྐྱེ་ཚལ། ཉམས་ཞིབ་དང་ཕྱི་བཅོས་ཁང་བཅས་ནང་རྟོགས་ཞིབ་གནང་། རྟོགས་ཞིབ་སྟབས་བསྟུན་དེ་གའི་ སློབ་ཁང་དུ་གསོ་བ་རིག་པའི་འབུམ་རམས་པའི་སློབ་མ་རྣམས་ཐུགས་ཕྲད་དང་། དེ་གའི་སློབ་ཁང་གི་ཉེ་བའི་རིགས་བདག་འགན་འཁུར་སློབ་དཔོན་དབང་ཕྱུག་རྡོ་རྗེ་མཆོག་དང་མཇལ་ཕྲད་ཀྱིས་གསོ་བ་རིག་པའི་ལས་དོན་དང་མ་འོངས་ མཉམ་འབྲེལ་ལས་དོན་བྱེད་ཕྱོགས་ཐད་བཀའ་བསྡུར་ཞུས། རྟོགས་ཞིབ་ལས་དོན་ཀྱི་མཐའ་མར་དེ་གའི་སྨན་སློབ་རྣམས་ཐུགས་ཕྲད་ཀྱིས་སྨན་རམས་པ་བསྟན་འཛིན་བྱེད་ལགས་ནས་ལོ་མང་བརྟག་དཔྱད་སྨན་པའི་ཁྱད་ལས་ཀྱི་ཉམས་མྱོང་གསུང་བཤད་གནང་བ་དང་། ལྷན་ཚོགས་ཀྱི་ཚོགས་གཙོས་བོད་ཀྱི་གསོ་བ་རིག་པའི་ལྷན་ཚོགས་ཀྱི་ལས་དོན་ངོ་སྤྲོད་དང་གསོ་བ་རིག་པའི་མདུན་ལམ་མདུན་བསྐྱོད་ཐོག་ལམ་སྟོན་གནང་། ད་ལན་རྟོགས་ཞིབ་འདི་བཞིན་སྤྱི་བཏང་རྟོགས་ཞིབ་ཞིག་ཡིན་པས་དམིགས་བསལ་རྒྱབ་གཉེར་ཞུ་གནང་དགོས་པ་གང་ཡང་མེད་ཀྱང་། རྟོགས་ཞིབ་ཚོགས་ཆུང་གི་ལས་བསྡོམས་དང་མཉམ་སྦྱར་ཡིག་ཆ་ཁག་༼སྡེ་ཚན་གྱི་ངོ་སྤྲོད། སློབ་འཁྲིད་གཞུང་ཚད་དང་ཆ་བགོས་སློབ་ཚན། སློབ་ཐོན་སྨན་པ་དང་ད་ཡོད་སྨན་སློབ། སློབ་འཇུག་འཆར་གཞི་ཡིག་ཆ། དེ་གའི་སློབ་ཁང་ནས་གསོ་བ་རིག་པ་དང་འབྲེལ་རྒྱ་གར་དབུས་སའི་གཞུང་དང་འབྲེལ་བའི་ལས་དོན་བཅས།༽ བཅས་ལྷན་ཚོགས་ཚོགས་ཐེངས་རྗེས་མའི་ནང་གཟིགས་ཞིབ་གྲོས་བསྡུར་གྱིས་སྒྲིག་གསལ་རྟོགས་ཞིབ་ཀྱི་གྲུབ་ཐོན་ཟླ་གཅིག་ནང་ཚུད་དེ་གའི་སློབ་ཁང་དུ་འབུལ་རྒྱུ་ཡིན། ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་གསོ་རིག་སྡེ་ཚན་དེ་བཞིན་ཕྱི་ལོ་༡༩༩༣ ལོར་དངོས་སུ་འགོ་འཛུགས་ ཀྱིས་ད་བར་སློབ་ཐེངས་༡༤ ནང་ཁྱོན་དཀའ་བཅུ་སྨན་པ་གྲངས་༥༢ སྨན་པ་རབ་འབྱམས་པ་གྲངས་༨ བཅས་སློར་མཐར་སོན་ཡོད། ད་ཆ་དཀའ་བཅུ་སྨན་སློབ་གྲངས་༧༦ དང་འབུམ་རམས་པ་སློབ་མ་གྲངས་༦ དགེ་ལས་བསྡོམས་གྲངས་༤༨ བཅས་ཡོད་པ་ཡིན། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་དེ་གའི་སློབ་ཁང་གི་གསོ་རིག་ སྡེ་ཚན་དེ་བཞིན་ཕྱི་ལོ་༢༠༠༦ ལོར་བོད་ཀྱི་གསོ་བ་རིག་པའི་སྨན་པ་དཀའ་བཅུ་པའི་སློབ་གཉེར་ཁང་ཞིག་ཏུ་ངོས་ལེན་དེབ་སྐྱེལ་གནང་ཡོད་པ་བཅས་ངོ་སྤྲོད་སྙིང་བསྡུས་སུ།།
Inspection to Sowa-Rigpa Dept. CIHTS
An inspection team consists of member – Dr. Tsering Tsamchoe, Chairperson; CCTM along with a member Dr. Tenzin Deche Kartsang has officially paid visit to Dept. of Sowa-Rigpa, Central Institute of Higher Tibetan Studies for general inspection. Member has visited…
གསལ་བསྒྲགས། གཡུ་ཐོག་སྙིང་ཐིག་སྔོན་འགྲོ།
༄༅། །བོད་ཀྱི་གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོད་པའི་གསོ་རིག་སྨན་པ་ཡོངས་ཀྱི་སྙན་ལམ་དུ། བོད་ཀྱི་གསོ་བ་རིག་པའི་ལྷན་ཚོགས་ནས་གསལ་བསྒྲགས་ཞུ་སྙིང་། གསོ་རིག་བསྟན་པ་སྤྱི་དང་བྱེ་བྲག་བོད་ཀྱི་གསོ་བ་རིག་པའི་སྨན་པ་རྣམས་ནས་ལག་ལེན་མྱོང་ཐོག་ཏུ་གསོ་རིག་རྒྱུད་ཀྱི་ཟབ་དོན་གཡུ་ཐོག་སྙིང་ ཐིག་གི་དབང་ལུང་ཁྲིད་གསུམ་དང་དེ་འབྲེལ་སྒྲུབ་པ་ཉམས་ལེན་གྱི་རྒྱུན་དག་མི་ཉམས་རྒྱུན་འཛིན་བྱ་རྒྱུ་གལ་ཆེར་དམིགས་ནས་བསྟན་པའི་བདག་པོ་༸བྱམས་མགོན་ཀྭན་ཏིང་ཏཱའི་སི་ཏུ་རིན་པོ་ཆེ་པདྨ་དོན་ཡོད་གྲུབ་པ་མཆོག་གི་ ཞབས་པད་དུ། རང་ཅག་དོན་གཉེར་ཅན་གྱི་གསོ་རིག་སྨན་པ་རྣམས་ལ་གཡུ་ཐོག་སྙིང་ཐིག་གི་དབང་ལུང་ཁྲིད་གསུམ་དང་དམིགས་བཀར་བླ་སྒྲུབ་ཀྱི་ཉམས་ལེན་བསྙེན་མཚམས་དང་བཅས་པའི་གདམས་པ་ཟབ་མོ་བསྩལ་གནང་ཡོང་བའི་གསོལ་བ་ཕུར་ཚུགས་སུ་བཏབས་པར། རིན་པོ་ཆེ་མཆོག་ནས་གསོ་རིག་བསྟན་པ་དང་དེ་འཛིན་སྨན་པ་རྣམས་ལ་ཐུགས་བརྩེས་དགོངས་ནས་ཞལ་བཞེས་བཀའ་བཟང་ཕེབས་པ་ནི་གསོ་བ་རིག་པའི་བསྟན་པ་སྤྱི་དང་ལྷག་པར་གསོ་ རིག་རྒྱུད་པ་འཛིན་པ་རྣམས་ལ་སྐལ་བཟང་གྱི་དུས་ཚེས་ཞིག་ཡིན་པ་གོར་མ་ཆག མཁྱེན་ཆུབ་བཞིན་བོད་ཀྱི་གསོ་བ་རིག་པ་ནི་ཚན་རིག་ཙམ་མིན་པར་ཟབ་མོ་ནང་ཆོས་དང་འབྲེལ་ནས་ སྨན་རྣམས་སྔགས་དང་ཏིང་འཛིན་ཕྱག་རྒྱས་བྱིན་རླབས་པ་དང་སྨན་པ་རང་ཉིད་ཚེ་གཅིག་རིག་འཛིན་སྒྲུབ་པ་ལ་དབང་འབྱོར་བ་སོགས་ཐུན་མོང་མ་ཡིན་པའི་ཁྱད་ཆོས་དུ་མ་ལྡན་ཅིང་། ལྷག་པར་དེང་གི་གསོ་རིག་སྨན་པ་རྣམས་ལ་སྔོན་བྱོན་ མེས་པོ་རྣམས་ཀྱི་ཕྱག་རྒྱུན་དང་། དབང་ལུང་མན་ངག་དང་ཆོ་ག་ཕྱག་ལེན་ཆ་ཚང་ཚད་དང་ལྡན་པ་ཐོབ་རྒྱུ་ནི་ཤིན་ཏུ་ནས་གལ་ཆེ་བར་རྟེན་ད་ལན་ལྷན་ཚོགས་ནས་གཡུ་ཐོག་སྙིང་ཐིག་གྱི་ཉམས་ལེན་བསྙེན་མཚམས་ཀྱི་ལས་རིམ་འདི་གོ་སྒྲིག་ཞུས་ཡོད་ན་གཤམ་གསལ་ཆ་རྐྱེན་ཚང་ཞིང་ཟབ་ཆོས་བླ་སྒྲུབ་ཉམས་ལེན་གནང་འདོད་ཡོད་པ་རྣམས་ནས་ཕྱི་ལོ་ ༢༠༢༢ ཟླ་ ༡ ཚེས་༣༠ འགྱངས་མེད་ལྷན་ཚོགས་སུ་མཚན་ཐོ་འབུལ་གནང་ཡོང་བའི་གསལ་བསྒྲགས་སུ། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་༢༠༢༡ ཟླ་༡༢ ཚེས་ ༨ ལྷག་དཀར་དགེ་བའི་ཉིན་ཕུལ། ཐུགས་སྣང་།: ༡། བསྙེན་མཚམས་ཀྱི་དུས་ཚེས། ཕྱི་ལོ་ ༢༠༢༢ ཟླ་ ༤་ ༥་ ༦་ ༧ རབ་གནས་ཆུ་སྟག བོད་ཟླ་ ༢་ ༣་ ༤་…
Announcement – Yuthog Nyingtik bLadrup
CCTM is pleased to announce here the Yuthog Nyingtig bLadrup Program for our registered members. Kindly see detail announcement in Tibetan PAGE 1 / PAGE 2 Any interested participant are requested to enroll their name on or before 30th…
གསོ་རིག་སྨན་སྦྱོར་ཁང་དུ་རྟོགས་ཞིབ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༢༡ ཟླ་༡༢ ཚེས་༢ ཉིན་ལྷན་ཚོགས་ནས་ཆེད་བསྐོས་རྟོགས་ཞིབ་ཚོགས་ཆུང་གི་ཚོགས་མི་རྣམས་ཀུན་བདེ་ཁང་གསར་བོད་སྨན་བཟོ་གྲྭར་རྟོགས་ཞིབ་ཆེད་བསྐྱོད་གནང་། ཚོགས་ཆུང་གི་ཚོགས་མིར་ལྷན་ཚོགས་ནས་སྨན་པ་ཐོགས་མེད་ལགས། བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ནས་ཟུང་དྲུང་ལྷག་པ་སྒྲོལ་མ་ལགས། རྡ་ས་ས་གནས་འགོ་འཛིན་སྐུ་ཞབས་ཀུན་དགའ་ལགས་བཅས་ཚོགས་མི་གསུམ་གྱིས་དེ་གའི་སྨན་སྦྱོར་ཁང་གི་སྨན་རྒྱུ་དང་། མཛོད་ཁང་། སྨན་སྦྱོར་བཟོས་ཟིན་པ་རྣམས་ཉར་ཚགས་དང་ཚོང་འགྲེམས། ཉེ་འཁོར་ཁོར་ཡུག་དང་གཙང་སྦྲ། ལས་མི་རྣམས་གཟུགས་གཞི་བདེ་ཐང་ཡིན་མིན་སོགས་བོད་ཀྱི་གསོ་བ་རིག་པའི་སྨན་དང་སྨན་སྦྱོར་ཚད་ལྡན་གྱི་རྩ་འཛིན་སྒྲིག་གཞི་དགོངས་དོན་དགོས་ངེས་ཆ་རྐྱེན་རྣམས་ཚང་མིན་རྟོགས་ཞིབ་གནང་ཡོད། སྒྲིག་གསལ་ཚོགས་ཆུང་གི་ཚོགས་མི་རྣམས་ཟླ་བ་གཅིག་ནང་ཚུད་རྟོགས་ཞིབ་སྙན་ཐོ་དང་མཉམ་སྦྱར་ཡིག་ཆ་ཁག་བཅས་ལྷན་ཚོགས་སུ་འབུལ་དགོས་པ་བཅས།།
Inspection to Sorig sMenjorkhang
An Inspection team consists of member from CCTM Dr. Thokmey la, member from Dept. of Health Mrs. Lhakpa Dolma la (Joint Secretary) and Dharamsala Tibetan Settlement Office Mr. Kunga la has inpected the Kundhe Khangsar Tibetan Herbal Product Ltd. located…
ལྷན་ཚོགས་ཀྱི་ཟླ་རེའི་ཚོགས་འདུ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་སྒྲིག་གཞི་དགོངས་དོན་ཕྱི་ལོ་༢༠༢༡ ཟླ་༡༡ ཚེས་༡༨ ཉིན་རྒྱབ་ལྷན་ཚོགས་ཀྱི་ཡིག་ཚང་དུ་འཛིན་སྐྱོང་ཚོགས་མི་རྣམས་ཟླ་རེའི་ཚོགས་འདུ་བསྐོང་ཚོགས་ཞུས་པའི་ཚོགས་འདུའི་གྲོས་གཞི་གཙོ་བོ་ཕྱི་ལོ་༢༠༢༢་་༢༣ ལོའི་ལས་འཆར་དང་སྔོན་རྩིས། ལྷན་ཚོགས་དབུ་བརྙེས་ནས་ལོ་༡༨ འཁོར་བའི་དུས་ཚིགས་སྲུང་བརྩི། གསོ་རིག་སློབ་གཉེར་ཁང་དང་སྨན་སྦྱོར་ཁང་དུ་རྟོགས་ཞིབ། རྒྱ་གར་དབུས་སའི་གཞུང་དང་འབྲེལ་བའི་ལས་དོན། རྩིས་ཞིབ་སྙན་ཐོར་ལན་འདེབས། སྨན་པ་དང་སྨན་རྫུས་བཀག་སྡོམ་དང་འབྲེལ་བའི་གྲོས་གཞིའི་ཐོག་གྲོས་བསྡུར་ཐག་གཅོད་བྱུང་ཡོད། ལྷན་ཚོགས་ཀྱི་ཚོགས་མི་ས་གནས་སུ་ཡོད་པ་རྣམས་ངོ་ཐོག་ཚོགས་བཅར་དང་གཞན་རྣམས་དྲ་ཐོག་ནས་ཚོགས་བཅར་མཉམ་ཞུགས་གནང་ཡོད་པ་བཅས།།
CCTM Monthly Meeting
Members of CCTM held a monthly meeting at CCTM office, Dharamsala on 18th of November 2021. The main agenda of the meeting was to prepare a budget for year 2022-2023, how to stop medical quacks, inspection to Sowa-Rigpa Medial colleges/Institutes…