Central Council of Tibetan Medicine

གསར་གནས།

སྨན་པ་ཚེ་རིང་མཚམས་གཅོད་ལགས་སུ་ཕེབས་སྐྱེལ་གསོལ་སྟོན་བཤམས་པ།

ཕྱི་ལོ་༢༠༢༢ ཟླ་༡༢ ཚེས་༢ དགོང་མོར་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཚོགས་གཙོ་ཟུར་པ་སྨན་པ་ཚེ་རིང་མཚམས་གཅོད་ལགས་སུ་ལྷན་ཚོགས་ནས་སྔ་སྲོལ་བཞིན་ཕེབས་སྐྱེལ་གསོལ་སྟོན་ཞིག་གོ་སྒྲིག་ཞུས། སྨན་པ་ཚེ་རིང་མཚམས་གཅོད་ལགས་ནི་སྐབས་གསུམ་པ་ནས་བཟུང་ད་བར་ལོ་ངོ་བཅུ་གསུམ་ལྷག་བོད་ཀྱི་གསོ་བ་རིག་པའི་ལྷན་ཚོགས་འདིར་སྐུ་ངལ་འཛེམས་མེད་ཀྱིས་ཞབས་ཞུ་སྒྲུབ་ཡོད། དེ་ཡང་སྐབས་བབ་ཚོགས་གཙོ་མཆོག་གིས་སྨན་པ་ཚེ་རིང་མཚམས་གཅོད་ལགས་ཀྱི་ད་བར་ལས་དོན་བྱས་ཕྱོགས་ཐད་ལ་བསྔགས་བརྗོད་ཞུ་བཞིན་ལྷན་ཚོགས་ཀྱིས་ངོས་ནས་སྨན་བླའི་སྐུ་ཐང་དང་མཇལ་དར་གསོལ་སྩལ་གནང་ཡོད། དེ་ཡང་སྨན་པ་ཚེ་རིང་མཚམས་གཅོད་ལགས་ནི་སྐབས་དྲུག་པའི་ཚོགས་གཙོའི་འགན་ཡང་བཞེས་ཡོད། སྐབས་དེར་གནས་བཞུགས་༧སྐུ་བཅར་སྨན་པ་ཚེ་དབང་རྟ་མགྲིན་མཆོག་དང་སྐབས་བདུན་པའི་ཚོགས་གཙོ་སྨན་རམས་པ་ཚེ་རིང་ཐག་གཅོད་དྲུང་འཚོ་མཆོག ལྷན་ཚོགས་ཀྱི་འཛིན་སྐྱོང་ཚོགས་མི་སྨན་རམས་པ་ངག་དབང་བཟོད་པ་མཆོག ཕྱི་ལུགས་སྨན་པ་ཨོ་རྒྱན་རྒྱ་མཚོ་ལགས། ལྷན་ཚོགས་ཀྱི་རྩིས་པ་ཀ་རྨ་སྒྲོལ་མ་ལགས། བོད་ཀྱི་གསོ་བ་རིག་པའི་ལྷན་ཚོགས་ཀྱི་ལས་དྲུང་ཚེ་རིང་གཡུ་སྒྲོན་ལགས་དང་དེ་བཞིན་ལྷན་ཚོགས་ཀྱི་ཆེད་ལས་སྨན་པ་གསར་བཞུགས་ཐུབ་བསྟན་ཀུན་འཕེལ་བཅས་ལྷན་འཛོམས་ཐོག་ཕེབས་སྐྱེལ་ཞུས་ཡོད།

འགྲོ་ཕན་སྨན་རྩིས་ཁང་གི་སྨན་སྦྱོར་ཁང་དུ་རྟོག་ཞིབ་གནང་བ།

བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་ ༢༠༢༢ ཟླ་ ༡༠ ཚེས་ ༢༧ ཉིན་ལྷན་ཚོགས་ནས་རྟོག་ཞིབ་ཚོགས་ཆུང་ཟུར་འཛུགས་ཀྱིས་ཚོགས་ཆུང་གི་ཚོགས་མི་རྣམས་རྡ་ས་འགྲོ་ཕན་སྨན་རྩིས་མཐོ་སློབ་ཁང་དང་ནད་གསོ་ཁང་། དེ་བཞིན་གསོ་རིག་སྨན་སྦྱོང་ཁང་དུ་རྟོག་ཞིབ་ཆེད་ཕེབས་གནང་། རྟོག་ཞིབ་ལས་དོན་གྱི་ཐོག་མར་ཚོགས་ཆུང་གི་ཚོགས་མི་༼ལྷན་ཚོགས་ཀྱི་འཛིན་སྐྱོང་ཚོགས་མི་སྨན་པ་ཐོགས་མེད་ལགས་དང་ཕྱི་ལུགས་སྨན་པ་ཨོ་ རྒྱན་རྒྱ་མཚོ་ལགས། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་དྲུང་ལས་ཚེ་རིང་ལགས་དང། རྡ་ས་ས་ གནས་འགོ་འཛིན་ནས་དྲུང་ལས་རྣམ་རྒྱལ་དོན་འགྲུབ་ལགས་བཅས་༽རྣམས་ལྷན་ཚོགས་ཡིག་ཚང་དུ་ཚང་འཛོམས་ཐོག་ལྷན་ཚོགས་ཀྱི་ཚོགས་གཙོས་རྟོག་ཞིབ་ཀྱི་རྒྱབ་ལྗོངས་དང་ལས་དོན་རྣམས་ངོ་སྤྲོད་ཞུས། དེ་རྗེས་ཚོགས་ཆུང་གི་ཚོགས་མི་རྣམས་འགྲོ་ཕན་སྨན་རྩིས་མཐོ་སློབ་ཡིག་ཚང་དུ་སྣེ་ལེན་དང་སྦྲགས་མཐོ་སློབ་སློབ་སྤྱི་མཆོག་ནས་དེ་གའི་སློབ་ཁང་གི་ངོ་སྤྲོད་དང་འབྲེལ་ད་ཡོད་སྨན་སློབ་དང་། འགྲོ་བཞིན་པའི་ཐོན་རྒྱུགས་ཆེན་མོའི་འགྲོ་ལུགས། སློབ་ཁང་གི་ནད་གསོ་དང་བརྟག་དཔྱད་སྨན་ཁང་། དཔེ་མཛོད་ཁང་དང་འཛིིན་ཁང་སོགས་རེ་རེ་མིག་སྟོན་ངོ་སྤྲོད་གནང་། དེ་རྗེས་རྟོགས་ཞིབ་ཚོགས་མི་རྣམས་འགྲོ་ཕན་སྨན་རྩིས་ཁང་གི་སྨན་སྦྱོར་ཁང་དུ་རྟོགས་ཞིབ་གནང་བའི་ཐོག་མར་སྨན་ སྦྱོར་སྨན་པ་རྡོ་རྗེ་ཚེ་རིང་ལགས་ནས་སྨན་སྦྱོར་ཁང་གི་ལས་དོན་ངོ་སྤྲོད་དང་སྦྲགས་སྦྱོར་བཟོ་བཞིན་པའི་སྨན་སྦྱོར་སྣེ་ གྲངས། སྨན་རྒྱུའི་སྤུས་ཚད་བཏང་འཛིན། སྨན་སྦྱོར་བཟོས་ཟིན་པ་རྣམས་ཉར་ཚགས་དང་ཚོང་འགྲེམས། སྨན་སྦྱོར་ཆེད་ལས་སྨན་པ་དང་ལས་མི་རྣམ་པའི་ཆ་རྐྱེན། སྨན་སྦྱོར་གསར་པའི་རིགས་སྦྱོར་བཟོ་གནང་མིན། གཞན་ཡང་བཙོ་ཐལ་ལག་ལེན་སོགས་ལ་རྟོག་ཞིབ་གནང་། བོད་ཀྱི་གསོ་བ་རིག་པའི་སྨན་དང་སྨན་སྦྱོར་ཚད་ལྡན་གྱི་རྩ་འཛིན་སྒྲིག་གཞི་ དགོངས་དོན་རྟོག་ཞིབ་ཚོགས་ཆུང་ནས་རྟོག་ཞིབ་སྙན་ཐོ་དང་འགེངས་ཤོག་བཅས་ལྷན་ཚོགས་སུ་གནང་། ཕྱི་ལོ་ ༢༠༢༢ ཟླ་ ༡༠ ཚེས་ ༣༡ སྔ་དྲོ་ལྷན་ཚོགས་ནས་རྟོག་ཞིབ་ཡིག་ཆ་ཁག་ལ་གྲོས་བསྡུར་ལེགས་པ་བྱས་རྗེས་བོད་ཀྱི་སྨན་རྩིས་ཁང་གི་སྨན་སྦྱོར་ཁང་དུ་སྨན་སྦྱོར་སྨན་པ་གཅིག་ལྷན་ཚོགས་འོག་དེབ་སྐྱེལ་མེད་པས་དེབ་སྐྱེལ་ཞུ་ གནང་དགོས་པ་དང་། གཞན་ཡང་སྨན་སྦྱོར་ཁང་དུ་མེ་གསོད་འཕྲུལ་ཆས་དགོས་གནད་ཆེ་བའི་དགོངས་ཚུལ་ཁག་ཅིག་ཕུལ་བ་དང་སྦྲགས་བོད་ཀྱི་སྨན་རྩིས་ཁང་གི་སྨན་སྦྱོར་ཁང་དེ་བཞིན་ལོ་གསུམ་སྟེ་ཕྱི་ལོ་ ༢༠༢༢ ཟླ་ ༧ ཚེས་…

ལྷན་ཚོགས་སྐབས་དྲུག་པ་བདུན་པའི་ཚོགས་མིའི་རྩིས་སྤྲོད་རྩིས་ལེན་མཛད་སྒོ།

མགྲོན་ཤོག / ཚོགས་བརྡ། མཛད་རིམ་ཆེད་འདིར་བསྣུན། ༄༅། །བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༢༢ ཟླ་༡༠ ཚེས་༣༡ ཉིན་ལྷན་ཚོགས་སྐབས་ དྲུག་པའི་ལས་ཡུན་གཙང་སྟེ་ལྷན་ཚོགས་སྐབས་བདུན་པའི་ཚོགས་མིར་རྩིས་སྤྲོད་རྩིས་ལེན་གྱི་མཛད་སྒོ་ཞིག་འགྲོ་ཕན་སྨན་རྩིས་ མཐོ་སློབ་ཚོགས་ཁང་དུ་བསྐོང་ཚོགས་གནང་ཡོད། དེ་ཉིན་སྔ་དྲོ་ལྷན་ཚོགས་སྐབས་བདུན་པའི་ཚོགས་མི་རྣམས་ལྷན་ཚོགས་ཡིག་ ཚང་དུ་སྣེ་ལེན་དང་གསོལ་ཇ་འདེགས་འབུལ་ཞུས་རྗེས་ལྷན་ཚོགས་སྐབས་བདུན་པའི་འོས་བསྡུ་ཚོགས་ཆུང་གི་ཚོགས་མི་ཚང་འཛོམས་ཐོག་ཚོགས་གཙོ་ཚོགས་གཞོན་དྲུང་ཆེའི་འོས་བསྡུས་གནང་། ཚོགས་འདུར་དངོས་སུ་ཚོགས་བཅར་མ་ཐུབ་པའི་ཚོགས་མི་ རྣམས་ནས་གློག་འཕྲིན་བརྒྱུད་ཚོགས་གཙོ་ཚོགས་གཞོན་དྲུང་ཆེའི་འོས་བསྡུས་གནང་ཡོད། ཉིན་རྒྱབ་ཆུ་ཚོད་གཉིས་པའི་ཐོག་མཛད་སྒོའི་དངོས་གཞི་བསྐོང་ཚོགས་གནང་བས་མཛད་སྒོའི་ཐོག་མར་སྐུ་མགྲོན་གཙོ་བོ་དཔལ་ ལྡན་འཕྲོད་བསྟེན་དྲུང་འཕར་མཆོག་ནས་༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་མཇལ་དར་སྒྲོན་རྗེས་ཚོགས་བཅར་བ་རྣམས་ ནས་གཡུ་ཐོག་གསོལ་འདེབས་འདོན། དེ་རྗེས་ལྷན་ཚོགས་སྐབས་ལྔ་པའི་ཚོགས་གཙོ་སྨན་པ་ཚེ་རིང་མཚམས་གཅོད་ནས་མཛད་ སྒོའི་ངོ་སྤྲོད་དང་སྦྲགས་འདས་པའི་ལོ་གསུམ་གྱི་ལས་བསྡོམས་སྙན་སྒྲོན་ཞུས། དེ་རྗེས་ལྷན་ཚོགས་སྐབས་བདུན་པའི་འོས་བསྡུའི་ ཚོགས་ཆུང་ནས་འོས་བསྡུའི་ལས་རིམ་དང་འོས་འདེམས་བྱུང་བའི་ཚོགས་མིའི་མཚ་ན་གཞུང་གསལ་བསྒྲགས་དང་སྦྲགས་ལྷན་ཚོགས་སྐབས་བདུན་པའི་ཚོགས་གཙོར་སྨན་རམས་པ་ཚེ་རིང་ཐག་གཅོད་དྲུང་འཚོ། ཚོགས་གཞོན་སྨན་དགེ་རྡོ་རྗེ་དགྲ་འདུལ་དང་དྲུང་ཆེ་སྨན་པ་པ་སངས་སྟོབས་ཆེན་བཅས་འོས་འདེམས་བྱུང་བའི་གསལ་བསྒྲགས་གནང་། སྐུ་མགྲོན་གཙོ་བོ་མཆོག་ནས་ལྷན་ཚོགས་སྐབས་བདུན་པའི་ཚོགས་མི་རྣམས་ལ་འཚམས་འདྲིའི་མཇལ་དར་དང་འཕོ་བཞིན་པའི་སྐབས་དྲུག་པའི་ཚོགས་མི་རྣམས་ལ་ཐུགས་རྗེ་ལེགས་གསོལ་ཕྱག་འཁྱེར་གནང་། ལྷན་ཚོགས་སྐབས་བདུན་པའི་ཚོགས་གཙོ་མཆོག་ནས་ གསོ་བ་རིག་པའི་ལྷན་ཚོགས་ཀྱི་སྒྲོམ་གཞི་བརྟན་པོ་དགོས་རྒྱུ་གལ་ཆེ་བའི་སྐོར་གསུང་བཤད་གནང་བ་དང་། དེ་རྗེས་སྐུ་མགྲོན་གཙོ་བོ་དཔལ་ལྡན་འཕྲོད་བསྟེན་དྲུང་འཕར་མཆོག་ནས་གསོ་བ་རིག་པའི་ལྷན་ཚོགས་འདི་བོད་མི་མང་སྤྱི་འཐུས་ལྷན་ ཚོགས་ནས་ཁྲིམས་ཡིག་གཏན་ལ་འབེབས་པའི་འོག་ཆེད་འཛུགས་གནང་བའི་ལྷན་ཚོགས་གལ་ཆེ་ཞིག་ཡིན་པས་ཁྱབ་ཁོངས་སྨན་པ་དང་རིག་གཞུང་བསྟི་ཁང་ཚང་མས་འཕྱར་གྲུ་མཉམ་འདེགས་གནང་དགོས་པ་དང་། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་ཀྱང་གང་ཐུབ་མཐུན་འགྱུར་རྒྱབ་སྐྱོར་ཞུ་རྒྱུ་ཡིན་པའི་གསུང་བཤད་གནང་། མཛད་སྒོའི་མཐའ་མར་ལྷན་ཚོགས་ཀྱི་ཚོགས་མི་སྨན་པ་ཐོགས་མེད་ལགས་ནས་ལྷན་ཚོགས་ཀྱི་ལས་དོན་ཆེད་ད་བར་མཐུན་འགྱུར་ རྒྱབ་སྐྱོར་གནང་མཁན་ཚང་མར་ཐུགས་རྗེ་ཆེ་ཞུ་དང་སྐབས་བདུན་པའི་རྒྱུན་ལས་རྣམ་པར་མུ་མཐུད་རྒྱབ་སྐྱོར་གནང་སྐྱོང་ཡོང་བ་ཞུས་རྗེས་ཚོགས་བཅར་བ་རྣམས་ནས་སྨན་རྩིས་བསྟན་རྒྱས་འདོན་པ་དང་སྦྲགས་མཛད་སྒོ་ལེགས་པར་གྲུབ། ཕྱི་ཚེས་༣༡ ཉིན་ལྷན་ཚོགས་ཡིག་ཚང་དུ་ཚོགས་མི་གསར་རྙིང་དབར་ཡིག་ཆ་དང་ལས་དམ། ལས་ཁུངས་ཀྱི་འཛིན་ཆས་དང་དངུལ་ཁང་ལག་དེབ་སོགས་རྩིས་སྤྲོད་རྩིས་ལེན་གནང་ཡོད་པ་གནས་ཚུལ་སྙིང་བསྡུས་སུ་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས།། ལས་བསྡོམས་སྙིང་བསྡུས་ཆེད་འདིར་བསྣུན།  

གསོ་བ་རིག་པའི་ཉིན་མོ་སྲུང་བརྩི་ཐེངས་བཞི་པ།

ཕྱི་ལོ་༢༠༢༢ ཟླ་༩ ཚེས་༡༡ ཉིན་བོད་ཀྱི་གསོ་བ་རིག་པའི་ལྷན་ཚོགས་ནས་གསོ་བ་རིག་པའི་ཉིན་མོ་སྲུང་ རྩི་ཐེངས་བཞི་པ་དེ་རྡ་ས་འགྲོ་ཕན་སྨན་རྩིས་མཐོ་སློབ་ཚོགས་ཁང་དུ་བསྐོང་ཚོགས་ཞུས་ཅིང་མཛད་སྒོའི་སྐུ་མགྲོན་གཙོ་བོར་དཔལ་ལྡན་འཕྲོད་བསྟེན་དྲུང་ཆེ་མཆོག་དང་དམིགས་བསལ་སྐུ་མགྲོན་ཀངྒ་ར་རྫོང་གི་ཨཱ་ཡུ་ཤའི་ངེས་སྟོན་པ་གཞོན་པ་ Dr. Anil Kumar Garg མཆོག་གཙོས་༸སྐུའི་བླ་སྨན་པ་དང་༧སྐུ་བཅར་སྨན་ པ། གཞན་ཡང་གསོ་བ་རིག་པའི་སྨན་པ་དང་སྨན་སློབ་བཅས་མི་གྲངས་སུམ་ཅུ་ཙམ་ཚོགས་འཛོམས་ཐོག་ མཛད་སྒོ་སྲུང་བརྩི་ཞུས། མཛད་སྒོའི་ཐོག་ལྷན་ཚོགས་ཀྱི་ཚོགས་གཙོ་སྨན་པ་ཚེ་རིང་མཚམས་གཅོད་ ནས་གསོ་བ་རིག་པའི་ཉིན་མོར་བོད་ཀྱི་གསོ་རིག་མེས་པ་རྣམས་དང་། ལྷག་པར་༸སྤྱི་ནོར་༸གོང་ས་ སྐྱབས་མགོན་ཆེན་པོ་མཆོག་ནས་བཙན་བྱོལ་དུ་གསོ་རིག་བསྟན་པ་སླར་གསོའི་མཛད་རྗེས་བཀའ་དྲིན་ བསྐྱངས་པའི་སྐུ་དྲིན་དྲན་པའི་སྒོ་ནས་གསོ་བ་རིག་པའི་ཉིན་མོར་གསོ་རིག་རྗེས་འཛིན་སྨན་པ་ཡོངས་ལ་ འཚམས་འདྲི་བཀྲ་ཤིས་བདེ་ལེགས་ཞུས། ཉིན་མོ་སྲུང་བརྩི་འདིར་བོད་ཀྱིཆོས་རྒྱལ་རིམ་བྱོན་དང་གསོ་ རིག་མེས་པོ་གོང་མ་རྣམས་དང་། གསོ་རིག་སྨྲ་བའི་དབང་པོ་རྣམས་ཀྱི་བཀའ་དྲིན་དྲན་པ་ཙམ་མིན་པར་ གསོ་རིག་མཁས་པའི་གསུང་རྩོམ་ལ་བསླབ་པ་སློབ་གཉེར་དང་དངོས་ཐོག་ལག་ལེན་དུ་འཁེལ་ཐབས་བྱ་རྒྱུ་གལ་ཆེ་བ་དང་། ལྷག་པར་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་སྔ་རྗེས་བཀའ་སློབ་ལམ་ སྟོན་གནང་བར་ཡང་ནས་ཡང་དུ་ལྟ་ཀློག་དང་ལག་ལེན་འཁེལ་མིན་བསམ་བློ་གཏོང་རྒྱུའི་ཉིན་མོ་ཞིག་ཀྱང་ཆགས་ཀྱི་ཡོད་པ་གསུངས། ཉིན་མོ་སྲུང་བརྩི་བསྟུན་ད་བར་གསོ་རིག་བསྟན་དོན་ཆེད་ཞབས་འདེགས་ བསྒྲུབ་མཁན་རྣམས་ལ་ཐུགས་རྗེ་བཀའ་དྲིན་ཆེ་ཞེས་ཞུས། དེ་རྗེས་དམིགས་བསལ་སྐུ་མགྲོན་མཆོག་ནས་གསོ་བ་རིག་པ་འདི་སྲོལ་རྒྱུན་སྨན་ལུགས་ཤིག་ཡིན་པས་ དེ་ནི་ལོ་ངོ་སྟོང་ཕྲག་སྔོན་ནས་ཉམས་མྱོང་ལ་གཞི་རྐང་བཞག་ནས་སྨན་བཅོས་ལྟ་གྲུབ་དང་ལག་ལེན་ཚད་ ལྡན་ཞིག་ཡོད་ཀྱང་། དུས་དང་བསྟུན་ནས་སྲོལ་རྒྱུན་སྨན་ལུགས་དག་ཚན་རིག་དང་མཐུན་པའི་སྒོ་ནས་ ཉམས་ཞིབ་བྱ་རྒྱུ་ཤིན་ཏུ་གལ་ཆེ་ཡིན་པས་གསོ་བ་རིག་པའི་སྨན་ལུགས་འདི་ཡང་ཚན་རིག་དང་མཐུན་ པའི་ཉམས་ཞིབ་བྱེད་ནས་དར་སྤེལ་གནང་རྒྱུ་ཤིན་ཏུ་གལ་ཆེ་བའི་བཀའ་སློབ་གནང་། དེ་རྗེས་སྐུ་མགྲོན་ གཙོ་བོ་དཔལ་ལྡན་འཕྲོད་བསྟེན་དྲུང་ཆེ་མཆོག་ནས་ད་ཉིན་བོད་ཀྱིག་གསོ་བ་རིག་པའི་ལྷན་ཚོགས་ནས་ གསོ་བ་རིག་པའི་ཉིན་མོ་སྲུང་བརྩི་ཞུ་བཞིན་པ་འདི་གཙོ་བོ་དྲན་གསོའི་ཉིན་མོ་ཞིག་ཆགས་ཡོད། དེ་ཡང་ ཕྱི་ལོ་ ༡༩༥༩ བར་བོད་ཀྱི་ཆོས་རྒྱལ་དང་རྒྱལ་དབང་རིམ་བྱོན་གྱི་སྐུ་དྲིན་ལ་རྟེན་ནས་བསླབ་པ་སློབ་…

ལྷན་ཚོགས་སྐབས་བདུན་པའི་ཚོགས་མིའི་འོས་བསྡུའི་གསལ་བསྒྲགས།

བོད་ཀྱི་གསོ་བ་རིག་པའི་ལྷན་ཚོགས་ཀྱི་སྐབས་བདུན་པའི་ཚོགས་མིའི་འོས་བསྡུའི་གསལ་བསྒྲགས། ༡།   སྔོན་གླེང་། བོད་ཀྱི་གསོ་བ་རིག་པའི་སྨན་པ་དང་སྨན་སྦྱོར་ལག་ལེན་སོགས་ཚུལ་མཐུན་ཡོང་རྒྱུའི་ཆེད་ཕྱི་ལོ་ ༢༠༠༤ ལོར་བཙན་བྱོལ་བོད་མིའི་བཅའ་ཁྲིམས་དོན་ཚན་ ༡༨ པའི་འོག་ ” བཙན་བྱོལ་བོད་མིའི་བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ཀྱི་ཁྲིམས་ཡིག ” ཅེས་ཁྲིམས་ཡིག་གཏན་འབེབས་ཀྱིས་ལྷན་ཚོགས་འདི་ཆེད་འཛུགས་གནང་བ་ཞིག་ཡིན། ལྷན་ཚོགས་འདིའི་འོག་ད་བར་སྨན་པ་གྲངས་ ༥༦༣ གསོ་བ་རིག་པའི་སློབ་གཉེར་ཁང་གྲངས་ ༦ གསོ་བ་རིག་པའི་སྨན་སྦྱོར་ཁང་གྲངས་ ༥༮༮༯༯ བཅས་ཁྲིམས་མཐུན་ངོས་ལེན་དེབ་སྐྱེལ་ཞུས་ཟིན་པ་ཡིན། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དོན་ཚན་བརྒྱད་པའི་དགོངས་དོན་བཞིན་ལྷན་ཚོགས་ཀྱི་ཚོགས་མིའི་ལས་འཁུར་དུས་ཡུན་ལོ་གསུམ་རེ་དང་ཁྲིམས་ཡིག་དོན་ཚན་དྲུག་པ་ཚོགས་མིའི་ཡོང་ཁུངས་ཐོག་བསྐྱར་བཅོས་གཏན་འབེབས་ལག་བསྟར་གྱིས་ད་ཡོད་བོད་ཀྱི་གསོ་བ་རིག་པའི་ལྷན་ཚོགས་སྐབས་ ༦ པའི་ཚོགས་མིའི་ལས་འཁུར་དུས་ཡུན་གཙང་བཞིན་ཡོད་ན། སྐབས་བདུན་པའི་ཚོགས་མི་འོས་འདེམས་བྱ་དགོས་པར་བརྟེན། ལྷན་ཚོགས་འདིའི་འོག་དེབ་སྐྱེལ་ཡོད་པའི་སྨན་པ་ཡོངས་ནས་ཐུགས་ཁུར་ཆེ་བཞེས་ཀྱིས་དུས་བཀག་ནང་ཚུད་འོས་འཕེན་གནང་གལ་ཆེ།   ༢།   ཚོགས་མིའི་ཡོངས་ཁུངས།    བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དོན་ཚན་དྲུག་པའི་དགོངས་དོན་བཞིན། ཀ    ༸གོང་ས་༸སྐྱབས་མགོན་ཆེན་པོའི་བོད་ཀྱི་གསོ་བ་རིག་པའི་༸སྐུའི་བླ་སྨན་པ་བགྲེས་པའམ་བླ་སྨན་ཞབས་     ཞུ་བ་བགྲེས་པ་གཅིག་དགའ་ལྡན་ཕོ་བྲང་ཡིག་ཚང་ནས་བསྐོ་བཞག་གནང་རྒྱུ། ཁ    བོད་ཀྱི་སྨན་རྩིས་ཁང་གི་སྒྲིག་ཁོངས་ཚོགས་མི། ༤ བོད་ཀྱི་སྨན་རྩིས་ཁང་གི་རིག་གཞུང་འགན་འཛིན་དང་། སྨན་རྩིས་མཐོ་སློབ་ཀྱི་སློབ་སྤྱི་སྨན་པ་ཡིན་ཚེ་སྨོས་མེད་ཐོགགཞན་སྨན་རྩིས་ཁང་ཁྱབ་ཁོངས་སྨན་པ་རྣམས་ཀྱིས་འོས་འདེམས་བྱེད་དགོས། ག    གཞན་ཡོང་ཁུངས་ནས་ཚོགས་མི། ༦ ༡།  …

དམིགས་བསལ་ཚོགས་འདུ།

  ༄༅། །བོད་ཀྱི་གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོད་པའི་གསོ་རིག་སྨན་པ་ཡོངས་ལ། ཆེད་དོན། དགོངས་གསལ་བཞིན་བོད་ཀྱི་གསོ་བ་རིག་པའི་ལྷན་ཚོགས་ནི་ཕྱི་ལོ་ ༢༠༠༤ ལོར་བཙན་བྱོལ་བོད་མིའི་བཅའ་ཁྲིམས་དགོངས་དོན་ཆེད་འཛུགས་གནང་བའི་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་ཁྱབ་ཁོངས་རང་སྐྱོང་ཚན་པའམ་ལྷན་ཚོགས་ཤིག་ཆགས་ཀྱི་ཡོད་ན་འདས་པའི་ལོ་ ༡༨ ལྷག་ཙམ་རིང་སྐབས་སོ་སོའི་ཚོགས་མི་ནས་ལྷན་ཚོགས་ཀྱི་ཁྲིམས་སྒྲིག་དགོངས་དོན་སྒྲིག་གཞི་གཏན་འབེབས་འོག་བོད་ཀྱི་གསོ་བ་རིག་པའི་སློབ་གཉེར་ཁང་དང་སློབ་ཐོན་སྨན་པ། སྨན་སྦྱོར་ཁང་བཅས་དེབ་སྐྱེལ་དང་དུས་དུས་སུ་རྟོགས་ ཞིབ་སྟངས་འཛིན་ཞུས་དང་ཞུ་མུས་ཡིན། སྐབས་བབ་ཞུ་སྙིང་། ལྷན་ཚོགས་་ཀྱི་གནས་བབ་དང་ལས་དོན་བྱེད་ཕྱོགས། དེ་བཞིན་སྨན་པ་དང་བརྟག་དཔྱད་སྨན་ཁང་། སྨན་སྦྱོར་ཁང་དང་སྨན་སྦྱོར་ཐོན་བསྐྱེད། འབྱུང་འགྱུར་གསོ་རིག་སྨན་རྒྱུའི་གནས་བབ་ཐོག་གསོ་བ་རིག་པའི་ལྷན་ཚོགས་ནས་གཙོ་འགན་འཁུར་བའི་ཐོག་ཚོགས་འདུ་ཞིག་བསྐོང་འཚོག་གནང་གལ་ཆེ་དོན་དཔལ་ལྡན་སྲིད་སྐྱོང་མཆོག་ནས་བཀའ་སློབ་ལམ་སྟོན་ཕེབས་སོང་ན་གོང་གསལ་ ཚོགས་འདུ་དེ་བཞིན་ཕྱི་ལོ་༢༠༢༢ ཟླ་ ༧ ཚེས་ ༡༡་་༡༢ ཉིན་གཉིས་རིང་རྡ་ས་སྣེ་ལེན་ཁང་འཛིན་སྐྱོང་སྦྱོང་བརྡར་བསྟི་གནས་ཁང་དུ་བསྐོང་འཚོག་གནང་གཏན་འཁེལ་ཡོད་ན་དེབ་སྐྱེལ་ཡོད་པའི་གསོ་རིག་སྨན་པ་རྣམས་ནས་གོང་གསལ་ཚོགས་འདུའི་གྲོས་གཞིའི་ཐོག་དགོངས་འཆར་དང་། ལྷག་པར་གསོ་རིག་བསྟན་པ་སྤྱི་དང་ཡང་སྒོས་ལྷན་ཚོགས་ཀྱི་ཁྲིམས་སྒྲིག་དང་ལས་དོན་བྱེད་ཕྱོགས་ཐད་དགོངས་ཚུལ་ཡོད་ཚེ་ཕྱི་ལོ་ ༢༠༢༢ ཟླ་ ༧ ཚེས་ ༥ གོང་ལྷན་ཚོགས་སུ་ཡིག་ཐོག་ནས་འབུལ་གནང་ཡོང་བ་ཞུ། གོང་གསལ་བརྗོད་གཞི་དང་འབྲེལ་ས་གནས་འབྲེལ་མཐུད་(༦)མཉམ་དྲ་ཐོག་གྲོས་བསྡུར་བྱུང་སོང་ན་ས་གནས་སྨན་པ་རྣམས་ནས་དགོངས་འཆར་རྣམས་ས་གནས་འབྲེལ་མཐུད་བརྒྱུད་བསྐུར་ནའང་འགྲིག་འཐུས་ཞུ་རྒྱུ་བཅས་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་ ༢༠༢༢ ཟླ་ ༦ ཚེས་ ༢༠ ལ་ཕུལ།།

སྨན་པའི་དེབ་སྐྱེལ་ལག་འཁྱེར་གསར་བཟོ་དང་འབྲེལ་གསལ་བསྒྲགས།

བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་ ༢༠༠༦ ནས་གསོ་རིག་སྨན་པ་ རྣམས་དེབ་སྐྱེལ་ཞུ་སྤྲོད་འགོ་འཛུགས་ཀྱིས་ད་བར་ཁྱོན་སྨན་པ་གྲངས་ ༥༤༨ ལྷན་ཚོགས་འོག་དེབ་ སྐྱེལ་ཞུས་སྤྲོད་ཟིན། ཕྱི་ལོ་ ༢༠༡༥ ལོར་ལྷན་ཚོགས་ཀྱི་ཁྲིམས་ཡིག་བསྐྱར་བཅོས་སོང་བ་ལས་ལྷན་ ཚོགས་ཀྱི་མཚན་བྱང་དེ་སྔ་༼བཙན་བྱོལ་བོད་མིའི་བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ ཚོགས་༽ཅེས་པ་ལས་༼བོད་ཀྱི་གསོ་བ་རིག་པའི་ལྷན་ཚོགས་༽སུ་བསྐྱར་བཅོས་ཕྱིན་ཡོད་ན་ལྷན་ ཚོགས་ཀྱི་ཚོགས་འདུའི་གྲོས་ཆོད་དགོངས་དོན་འདི་ལོ་ནས་སྨན་པའི་དེབ་སྐྱེལ་ལག་འཁྱེར་རྙིང་པའི་ དུས་ཚོད་དེའང་གཙང་བ་བསྟུན་འདི་ནས་དེབ་སྐྱེལ་ལག་འཁྱེར་གསར་པ་བཟོ་གཏན་འཁེལ་བ་བཞིན་ བཟོས་བསྐྲུན་ཟིན་ཡོད་ན་དེབ་སྐྱེལ་སྨན་པ་རྣམས་ནས་དེབ་སྐྱེལ་ལག་འཁྱེར་གསར་པ་དེ་ཕྱི་ལོ་ ༢༠༢༢ ཟླ་ ༧ ཚེས་ ༡ ནང་ཚུད་བཟོ་གནང་ཡོང་བའི་གསལ་བསྒྲགས་ཞུ།། དེབ་སྐྱེལ་ལག་འཁྱེར་གསར་བཟོའི་དོད་སོགས་གཤམ་གསལ་དྲ་རྒྱའི་ཁ་བྱང་ཐོག་གཟིགས་གནང་ཡོང་བ་ཞུ་བ་དང་ལག་འཁྱེར་གསར་བཟོ་དང་འབྲེལ་དོགས་འདྲི་ཡོད་ཚེ་ལྷན་ཚོགས་སུ་ཁ་པར་ ༼༠༡༨༩༢་་་ ༢༢༦༤༦༢༽ དང་གློག་འཕྲིན་བརྒྱུད་འབྲེལ་བ་གནང་སྐྱོང་ཡོང་བ་ཞུ། བོད་ཀྱི་གསོ་བ་རིག་པའི་ལྷན་ ཚོགས་ཀྱི་ཡིག་ཚང་ནས་ཕྱི་ལོ་ ༢༠༢༢ ཟླ་ ༥ ཚེས་ ༢༤ ལ་ཕུལ།། Website link: དེབ་སྐྱེལ་གནང་སྟངས།  

ཐོན་རྒྱུགས་ཆེན་མོར་རྟོགས་ཞིབ་ཆེད་བསྐྱོད།

བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་ཕྱི་ལོ་ ༢༠༢༢ ཟླ་ ༥ ཚེས་ ༢༥ ཉིན་ལྷན་ཚོགས་ཀྱི་ཚོགས་གཙོ་ ཉིན་གྲངས་ཅིག་རིང་གསོ་རིག་འབུམ་བཞིའི་མཐོ་སློབ་སྨན་རིའི་གླིང་དུ་དེ་གའི་སྐབས་གསུམ་པའི་སྨན་སློབ་རྣམས་ཀྱི་ཐོན་རྒྱུགས་ ཆེ་མོར་བལྟ་ཞིབ་ཆེད་དུ་བསྐྱོད། བལྟ་ཞིབ་སྐབས་གཙོ་བོ་མཐོ་སློབ་ཏུ་ཡིག་རྒྱུགས་ཚོགས་ཆུང་ཟུར་དུ་ཡོད་མེད། ཡོད་ཚེ་ཚོགས་ཆུང་གི་ཚོགས་མིའི་མཚན་གཞུང་། ༼ཟུར་འཛར།༡༽ཐོན་རྒྱུགས་ཀྱི་དྲི་ཤོག་བཟོ་མཁན།༼དྲི་ཤོག་ཆ་ཚང། ཟུར་འཛར།༢༽ དཀའ་བཅུ་པའི་གཞུང་ཚད་ནང་གསལ་ སློབ་ཚན་ཆ་ཚང་ཡོད་མེད། ཐོན་རྒྱུགས་ཡིག་རྒྱུགས་མ་འཕྲོད་མཁན་རྣམས་བསྐྱར་རྒྱུགས་གཏོང་ཕྱོགས། ཐོན་རྒྱུགས་སྐབས་རྒྱུད་ གསུམ་ལྟ་བུ་འབུམ་གསུམ་ངག་རྒྱུགས་ཕུལ་སྲོལ་དང་ད་བར་ཕུལ་བ་བྱུང་ཡོད་མེད། གཞན་ཡང་ཐོན་རྒྱུགས་སྐབས་སྲོལ་རྒྱུན་བྱེད་ སྒོ་གཞན་ཡོད་མེད། ཐོན་རྒྱུགས་སྐབས་ཕྱི་མི་གཞན་ གཟིགས་ཞིབ་ལ་ཕེབས་ཀྱི་ཡོད་མེད་སོགས་དྲི་རྩད་རྒྱུད་ལོན་བྱས། སྐབས་ འདིའི་ཐོན་རྒྱུགས་སུ་བཞུགས་མཁན་སྨན་སློབ་གྲངས་བཞི་ཡོད་པ་དང་། ཁྱོན་དྲི་ཤོག་དང་ངག་རྒྱུགས་བཅས་བསྡོམས་གྲངས་ ༡༤ ཐོན་རྒྱུགས་ཀྱི་དྲི་ཤོག་གཅིག་ཕུད་གཞན་རྣམས་བལ་ཡུལ་སྔར་སྲོལ་གསོ་རིག་འབུམ་བཞིའི་སློབ་གྲྭ་ནས་བཟོ་སྒྲིག་གནང་། སློབ་ ཚན་རྩ་འཛིན་སྒྲིག་གཞི་ནང་བསྐྱར་རྒྱུགས་གཏོང་ཕྱོགས་དང་འབྲེལ་དམིགས་བསལ་གསལ་ཁ་མེད་པ་དེ་དོན་མཐོ་སློབ་སྒྲིག་གཞི་ ནང་གསལ་ཁ་སྟོན་གལ་ཆེ་བ་ཞུས། དེ་གའི་སློབ་ཁང་ནས་ད་བར་རྒྱུད་གསུམ་ལྟ་བུ་འབུམ་གསུམ་རྒྱུགས་ཕུལ་མཁན་བྱུང་མེད་ ལུགས་བརྗོད། ཐོན་རྒྱུགས་ཆེན་མོའི་སྐབས་དེ་གའི་འགན་འཛིན་ལྷན་ཚོགས་ཀྱི་ཚོགས་མི་དང་གསོ་རིག་ལྷན་ཚོགས་ཀྱི་ཚོགས་ མི་ཕུད་གཞན་ཕྱི་མི་གཟིགས་ཞིབ་ཏུ་ཕེབས་ཀྱི་མེད་པ་གསུངས། ཡིག་རྒྱུགས་ཀྱི་དུས་ཡུན་མཐོ་སློབ་གཅིག་མཚུངས་ཆུ་ཚོད་ ༣ དགོས་གལ་ཆེ། ཡིག་རྒྱུགས་ལྟ་ཞིབ་རྗེས་མཐོ་སློབ་འགན་འཛིན་དང་སློབ་དགེ་བཅས་མཉམ་བཀའ་བསྡུར་དང་སྦྲགས་དགེ་སློབ་དང་འཛིན་སྐྱོང་ནས་སློབ་མའི་ཤེས་ཡོན་སྤུས་ཚད་གོང་མཐོར་གཏོང་སླད་མཐུན་འགྱུར་དང་དུས་ནས་དུས་སུ་སློབ་སྟོན་གནང་གལ། གཞན་ཡང་མཐོ་སློབ་ ཀྱི་སློབ་དུས་རྫོགས་མཚམས་དགེ་སློབ་རྣམས་རྗེས་ལོའི་སློབ་ཚན་བཀོད་སྒྲིག་དང་སློབ་ཚན་ནང་གསལ་སྨན་སྦྱོར་དང་གཏར་སྲེག་སོགས་དཔྱད་བཅོས་རྣམས་དམར་འཁྲིད་ལག་ལེན་འཁེལ་བ་ཡོང་རྒྱུར་ཆེད་མཁས་གདན་ཞུ་དང་།…

རྩོམ་བསྡུའི་གསལ་བསྒྲགས།

རྩོམ་བསྡུའི་གསལ་བསྒྲགས། དགོངས་གསལ་བཞིན་ཕྱི་ལོ་༢༠༡༩ ནས་ལོ་ལྟར་ཟླ་༩ ཚེས་༡༡ དེ་གསོ་བ་རིག་པའི་ཉིན་མོ་ཞེས་སྲུང་ རྩི་ཞུ་བཞིན་ཡོད་ན་འདི་ལོ་༢༠༢༢ ཟླ་༩ ཚེས་༡༡ དེ་བཞིན་གསོ་བ་རིིག་པའི་ཉིན་མོ་སྲུང་རྩི་ཐེངས་བཞི་ པ་དེ་ཆགས་ཀྱི་ཡོད། ཉིན་མོ་སྲུང་རྩི་དང་འབྲེལ་གསོ་རིག་ལྷན་ཚོགས་ནས་གསོ་རིག་ཆེད་རྩོམ་ཕྱོགས་ བསྡུས་དེབ་རེ་དཔར་བསྐྲུན་འགྲེམས་སྤེལ་ཞུ་བཞིན་ཡོད་ན་རྒྱ་ཆེ་གསོ་བ་རིག་པའི་སྨན་པ་རྣམས་ནས་ གསོ་བ་རིག་པའི་གཞུང་དང་ལག་ལེན། བརྟག་དཔྱད་སྨན་བཅོས། སྨན་རྒྱུ་སྨན་སྦྱོར། གསོ་རིག་ལོ་རྒྱུས། ནད་བཅོས་ཉམས་ཞིབ། གཞན་ཡང་འཕྲོད་བསྟེན་སྤྱི་ཤེས་དང་འབྲེལ་ཆེད་རྩོམ་མམ་དཔྱད་རྩོམ་མཆིས་ཚེ་ ལྷན་ཚོགས་ཀྱི་གློག་འཕྲིན་ཁ་བྱང་འདིའི་<cctm2004@gmail.com>ཐོག་ཕྱི་ལོ་ ༢༠༢༢ ཟླ་ ༨ ཚེས་ ༡༥ འགྱངས་མེེད་བསྐུར་གནང་ཡོང་བའི་གསལ་བསྒྲགས་ཞུ། ཆེད་རྩོམ་མམ་དཔྱད་རྩོམ་སྐད་ཡིག་བོད་ཨིན་གང་རུང་། བོད་ཡིག་སྨོན་ལམ་ཡིག་གཟུགས་ཆེ་ཆུང་ཨང་ ༡༤ ཨིན་ཡིག་ Times Roman 12 ཐོག་བསྐུར་གནང་ཡོང་བ་ཞུ། ལྷན་ཚོགས་ནས་རྩོམ་སྒྲིག་ཚོགས་ཆུང་ ཟུར་འཛུག་གིས་མཐའ་མའི་རྩོམ་འདེམས་སྒྲུག་བྱུང་བ་རྣམས་དོ་བདག་ལ་འབྲེལ་ཞུས་ཀྱིས་འདོན་སྤེལ་ཞུ་རྒྱུ་ཡིན་པ་བཅས་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་༢༠༢༢ ཟླ་༥ ཚེས་༢༤ ལ།།  

ལྷན་ཚོགས་ཚོགས་ཐེངས་༣༦ པ་བསྐོང་ཚོགས་ཞུས་པ།

བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༢༢ ཟླ་༥ ཚེས་༡༡ ནས་ཚེས་༡༣ བར་ཉིན་ གསུམ་རིང་ལྷན་ཚོགས་ཚོགས་ཐེངས་༣༦ པ་དེ་བསྐོང་ཚོགས་ཞུས། ཚོགས་འདུའི་གྲོས་གཞི་གཙོ་བོ་བོད་ཀྱི་གསོ་བ་ རིག་པའི་ལྷན་ཚོགས་ཀྱི་གནས་བབ་དང་། དེ་བཞིན་ཁྲིམས་སྒྲིག་དགོངས་དོན་ལས་དོན་བསྐྱར་ཞིབ། ཁྲིམས་ཡིག་བསྐྱར་ བཅོས་འཆར་འབུལ། གཡུ་ཐོག་གཟེངས་རྟགས་འདེམ་སྒྲུག་ཚོགས་ཆུང་གི་ཚོགས་མི་དང་ལས་རིམ། གསོ་བ་རིག་པའི་ ཉིན་མོ་སྲུང་བརྩི་ཐེངས་བཞི་དང་རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་བཞི་པ་བསྐོང་འཚོག་ དང་འབྲེལ། དཔལ་སྤུངས་རིག་གནས་མཐོ་སློབ་དོན་གཉིས་ནོར་བུའི་དགའ་ཚལ་དུ་རྟོགས་ཞིབ་གནང་བའི་ལས་བསྡོམས་ སྙན་ཐོར་གཟིགས་ཞིབ་ཐག་གཅོད། དེ་བཞིན་ཝཱ་ཎ་བོད་ཀྱི་གཙུག་ལག་སློབ་གཉེར་ཁང་དུ་རྟོགས་ཞིབ་གནང་བའི་ལས་ བསྡོམས་སྙན་ཐོར་གཟིགས་ཞིབ་ཐག་གཅོད། ལྷན་ཚོགས་སྐབས་བདུན་པའི་ཚོགས་མིའི་འོས་བསྡུ་དང་འབྲེལ་ལས་རིམ་ དང་རྩིས་སྤྲོད་རྩིས་ལེན་དུས་ཚེས། གཞན་ཡང་ལྷན་ཚོགས་ཀྱི་ཚོགས་མི་དང་ལས་བྱེད་རྣམ་པའི་འཚོ་སྣོན་དང་ཚོགས་དོད། འགྲུལ་ཁང་གླ་དོད་སོགས་ལས་དོན་བྱེད་ཕྱོགས་ཀྱི་སྒྲིག་གཞིར་བསྐྱར་ཞིབ་བསྐྱར་བཅོས་ཞུས་ཡོད། ལྷན་ཚོགས་ཚོགས་ ཐེངས་༣༦ པ་འདིའི་ཐོག་ལྷན་ཚོགས་ཀྱི་ཚོགས་གཙོ་དང་ཚོགས་གཞོན། མཐོ་སློབ་ཁག་གི་སློབ་སྤྱི། གསོ་རིག་འབུམ་བཞིའི་ སྨན་པའི་སྐུ་ཚབ་དང་བོད་རིགས་མ་ཡིན་པའི་སྨན་པའི་སྐུ་ཚབ་བཅས་ངོ་བཅར་མཉམ་བཞུགས་གནང་ཡོད། ཚོགས་འདུའི་ མཇུག་སྡོམ་དུ་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་དྲུང་ཆེ་མཆོག་དང་བོད་ཀྱི་སྨན་རྩིས་ཁང་གི་འགན་འཛིན་ གདན་ཞུས་ཀྱིས་ལྷན་ཚོགས་ཀྱི་ལས་དོན་སྙན་གསེང་དང་བཀའ་བསྡུར་ཞུ་སྒོ་ཁག་ལ་བཀའ་བསྡུར་ཞུས་པ་བཅས་ལྷན་ཚོགས་ཚོགས་ཐེངས་༣༦ པ་ལེགས་པར་མཇུག་སྒྲིལ།།