Today, ie 25th of Feb. 2018, on this historic event of inaugural session of the 3rd International Conference on Tibetan Medicine (Sowa-Rigpa) Dr. (Prof.) Lobsang Tenzin Rakdho, Chairman of Central Council of Tibetan Medicine presents a greeting scarf to Dr.…
༸རྒྱལ་བའི་བླ་སྨན་ཟུར་པ་ཡེ་ཤེས་དོན་ལྡན་མཆོག་ལ་གཟེངས་རྟགས་འབུལ་བ།
ད་ཉིན་བོད་རྒྱལ་ལོ་༢༡༤༤ རྒྱལ་ཟླ་བའི་ཡར་ངོའི་ཚེས་༡༠ ཕྱི་ལོ་༢༠༡༨ ཟླ་༡ ཚེས་༢༦ རྒྱ་གར་འཕགས་པའི་ཡུལ་འདིར་མང་གཙོ་དབུ་བརྙེས་ནས་ལོ་ངོ་༦༩ འཁོར་བའི་རྟེན་འབྲེལ་གྱི་དུས་བཟང་དེའི་ཐོག་༸རྒྱལ་བའི་བླ་སྨན་ཟུར་པ་རྔོག་རིགས་དགེ་སློང་ཡེ་ཤེས་དོན་ལྡན་མཆོག་ལ་རྒྱ་གར་དབུས་གཞུང་ནས་པདྨ་ཤྲི་གཟེངས་བསྟོད་རྟགས་མ་འབུལ་རྒྱུའི་མཚན་འདོན་གནང་བར་བོད་ཕྱི་ནང་གཉིས་ནང་གནས་བཞུགས་འཚོ་བྱེད་སྨན་པ་ཡོངས་ནས་འཚམས་འདྲིའི་བཀྲ་ཤིས་བདེ་ལེགས་ཞུ་བ་དང་ཆབས་ཅིག བླ་སྨན་པ་མཆོག་སྐུ་ཉིད་ནས་སྐུ་ཚེ་ཧྲིལ་པོ་བོད་ཀྱི་གསོ་བ་རིག་པའི་བསྟན་དོན་སྤྱི་དང་ཡང་སྒོས་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་དགོངས་བཞིན་ཉམས་ཐག་པའི་འགྲོ་བ་ནད་པའི་ཚེ་སྲོག་སྐྱབས་པའི་ཞབས་འདེབས་བླ་ལྷག་ཞུས་གནང་མཛད་པར་ངོས་སྨན་པ་ཡོངས་ནས་བཀའ་དྲིན་ཆེ་ཆེ་ཞེས་ཞུ། པདྨ་ཤྲི་གཟེངས་རྟགས་འདི་ནི་རྒྱ་གར་གཞུང་ནས་ཆེས་གཟེངས་སུ་ཐོན་པའི་མཛད་རྗེས་གནང་མཁན་རྣམས་ངོས་འཛིན་ཆེད་རྟགས་མ་ཕུལ་བཞིན་ཡོད་ལ་འདི་ནི་བྷཱ་ར་ཏ་རཏྣའི་རྗེས་ཀྱི་གཟེངས་རྟགས་མཐོ་ཤོས་བཞི་པ་དེ་ཆགས་ཀྱི་ཡོད། ད་ལན་༸རྒྱལ་བའི་བླ་སྨན་ཟུར་པ་ཡེ་ཤེས་དོན་ལྡན་མཆོག་ལ་པདྨ་ཤྲི་གཟེངས་བསྟོད་རྟགས་མ་འབུལ་གནང་བ་འདིས་གསོ་བ་རིག་པའི་ལོ་རྒྱུས་ཐོག་ཆེས་གཟི་བརྗིད་དང་རྗེས་འཛིན་སྨན་པ་ཡོངས་ལ་གདེངས་སྤོབ་སྐྱེ་འོས་ཀྱི་གཞིར་གྱུར་ཡོད་ན་ངོས་སྨན་མིང་འཛིན་ཡོངས་ནས་༸རྒྱལ་བའི་བླ་སྨན་ཟུར་པ་མཆོག་སྐུ་ཉིད་དང་ལྷག་པར་རྒྱ་གར་དབུས་གཞུང་དང་འབྲེལ་ཡོད་ཨཱ་ཡུ་ཤའི་བློན་ཆེན་ལས་ཁུངས་ནས་ད་ལན་གཟེངས་རྟགས་འདི་འབུལ་བ་བརྒྱུད་གསོ་བ་རིག་པར་ཆེ་མཐོང་དར་སྤེལ་གནང་བར་ཐུགས་རྗེ་ཆེ་ཆེ་ཞེས་ཞུ།། ༸རྒྱལ་བའི་བླ་སྨན་ཟུར་པ་ཡེ་ཤེས་དོན་ལྡན་མཆོག་གི་ལོ་རྒྱུས་སྙིང་བསྡུས།། ཕྱི་ལོ་༢༠༡༨ ཟླ་༡ ཚེས་༢༨ ཉིན་ལྷན་ཚོགས་ཀྱི་ཚོགས་གཞོན་སྨན་པ་ཨོ་ཤོད་བསོད་ནམས་སྒྲོལ་དཀར་ལགས་དང་དྲུང་ཆེ་སྨན་པ་ཚེ་རིང་མཚམས་གཅོད་གཉིས་༸སྐུའི་བླ་སྨན་ཟུར་པ་མཆོག་ལ་འཚམས་འདྲིའི་མཇལ་དར་དང་ཞུ་ཡིག་དང་བཅས་ཆེད་བཅར་ཞུས།།
Dr. Yeshi Dhondhen honored with Padma Shri Award
The Central Council of Tibetan Medicine (CCTM) today congratulated Dr. Yeshi Dhondhen, former personal physician to His Holiness the Dalai Lama for being nominated as one of the 73 recipients of this year’s Padma Shri Award by the Govt. of…
ཚོགས་མི་གསར་བསྐོས།
བོད་ཀྱི་གསོ་བ་རིག་པའི་ལྷན་ཚགས་ཀྱི་ཁྲིམས་ཡིག་བསྐྱར་བཅོས་༼༧༽དགོངས་དོན་ལ་དྭགས་དབུས་གཞུང་ནང་པའི་མཐོ་རིམ་སློབ་གཉེར་ཁང་གི་གསོ་རིག་སྡེ་ཚན་འགན་འཛིན་སྨན་རམས་པ་འཕྲིན་ལས་གཡང་འབྱོར་ལགས་དང་ལྕགས་པོ་རི་དྲན་རྟེན་བོད་སྨན་སློབ་གཉེར་ཁང་དུ་ཕྱག་ལས་གནང་བཞིན་པ་སྨན་པ་རབ་དགའ་ལགས་གཉིས་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཚོགས་མིར་བསྐོས་གཞག་སོང་ཡོད། ཞིབ་ཕྲའི་ཁྲིམས་ཡིག་བསྐྱར་བཅོས་ཀྱི་ནང་དོན་ལྷན་ཚོགས་ཀྱི་དྲ་རྒྱའི་ཁ་བྱང་འདི་ཐོག་ནས་གཟིགས་ཀློག་ཡོང་བ་ཞུ།། ༡། སྨན་རམས་པ་འཕྲིན་ལས་གཡང་འབྱོར། ལོ་རྒྱུས་མདོར་བསྡུས། ༢། སྨན་པ་རབ་དགའ། ལོ་རྒྱུས་མདོར་བསྡུས།
Council New Members
This is to inform all the members that Dr. Thinles Yangjor, Head of Sowa Rigpa Department, Central Institute of Buddhist Studies, Leh Ladakh and Dr. Rabga Bhutia, currently working at Chagpori Tibetan Medical Institute has been appointed as an executive…
ཚོགས་ཆེན་གྱི་གསལ་བསྒྲགས།
རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་གསུམ་པའི་གལ་ཆེའི་གསལ་བསྒྲགས། མཁྱེན་གསལ་བཞིན་རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་གསུམ་པ་འདི་བཞིན་ཕྱི་ལོ་༢༠༡༨ ཟླ་༢ ཚེས་༢༥ ནས་ཕྱི་ལོ་༢༠༡༨ ཟླ་༣ ཚེས་༡ བར་རྒྱ་གར་གནས་མཆོག་ཝཱ་ར་ ཎཱ་སི་དབུས་བོད་ཀྱི་གཙུག་ལག་སློབ་གཉེར་ཁང་དུ་འཚོག་གཏན་འཁེལ་བ་བཞིན་ཚོགས་ཆེན་གྱི་ གོ་སྒྲིག་ཚོགས་ཆུང་ནས་གསལ་བསྒྲགས་ཞུ་སྙིང། ཚོགས་ཆེན་འདིར་བོེད་རིགས་དང་རྒྱ་དཀར་ནག དེ་བཞིན་བལ་ཡུལ་དང་འབྲུག སོག་པོ་དང་ཨུ་རུ་སུ། དེ་བཞིན་ནུབ་ཕྱོགས་ནས་མཁས་དབང་ བཅས་ཁྱོན་མཁས་དབང་གྲངས་༢༥ ཙམ་གདན་ཞུ་གནང་ཐོག་རྒྱ་དཀར་ནག་སྟོད་ཕྱོགས་བོད་ ཅེས་སྨན་གྱི་ལུགས་ཆེན་གསུམ་གཞིར་བཞག་གི་བརྗོད་གཞི་འདྲ་མིན་ཐོག་གཏམ་བཤད་བགྲོ་གླེང་གནང་གཏན་འཁེལ། དེ་སྔ་གསལ་བསྒྲགས་སྤེལ་དོན་བཞིན་བོད་ཀྱི་གསོ་བ་རིག་པ་དང་འབྲེལ་ བའི་བརྗོད་གཞིའི་ཐོག་དཔྱད་རྩོམ་གྲངས་༢༠ ཙམ་འབྱོར་ཡོད་ནའང་དེའི་ནང་ནས་དཔྱད་རྩོམ་ གྲངས་༡༢ དྲག་འདེམས་ཀྱིས་སྒྲོག་སྦྱང་གོ་སྐབས་འབུལ་གཏན་འཁེལ་བ་བཞིན་གནང་རྒྱུར་ངེས། ཚོགས་ཆེན་འདིར་ཚོགས་བཞུགས་ཚོགས་བཅར་བ་རྣམས་ལ་བཞུགས་སའི་མགྲོན་ཁང་གླ་རོགས་ དགོས་ཚེ་གོ་སྒྲིག་ཚོགས་ཆུང་གི་གློག་འསཕྲིན་ཁ་བྱང་<2018ictm@gmail.com>འདི་ཐོག་ འབྲེལ་བ་གནང་རོགས་ཞུ། དེ་སྔ་ཡོངས་ཁྱབ་གསལ་བསྒྲགས་སྤེལ་དོན་བཞིན་ཚོགས་ཆེན་འདིར་ ཚོགས་བཞུགས་ཆེད་ཐོ་འགོད་དེབ་སྐྱེལ་ངེས་པར་གནང་དགོས་ཅིང་ཐོ་འགོད་དེབ་སྐྱེལ་སྔ་མ་དེ་ ཕྱི་ལོ་༢༠༡༧ ཟླ་༡༢ ཚེས་༣༠ བར་ཡིན་པ་དང་དེ་རྗེས་དུས་བཀག་བར་མ་དེ་༢༠༡༨ ཟླ་༢ ཚེས་༡༥ དང་དེ་ནས་ཚོགས་ཐོག་དེབ་སྐྱེལ་ཅེས་རིམ་པ་གསུམ་ཙམ་ཡོད་ན་ད་ཆ་ཐོ་འགོད་དེབ་སྐྱེལ་སྔ་མའི་དུས་ཚེས་དེ་ཟིན་ཉེ་བས་ཚོགས་བཅར་དོན་གཉེར་བ་དེབ་སྐྱེལ་གནང་རྒྱུ་ཡིན་པ་རྣམས་ལ་དེ་དོན་དྲན་སྐུལ་དུ་ཞུ། ཚོགས་ཆེན་ཐོག་གསུང་བཤད་གནང་མཁན་མཁས་དབང་དང་ཁོང་རྣམ་པའི་ལོ་རྒྱུས་སྙིང་བསྡུས་བཅས་ཚོགས་བཅར་བ་ཡོངས་ལ་མཁྱེན་རྟོགས་སླད་ད་ལན་དྲ་ཐོག་ཏུ་སྤེལ་བཞིན་ཡོད། ཚོགས་ ཆེན་དང་འབྲེལ་བར་དོགས་འདྲི་ཅི་མཆིས་གློག་འཕྲིན་ཁ་བྱང་འདི་ ཐོག་<2018ictm@gmail.com>གཏོང་གནང་ཡོང་བ་ཞུ། ཚོགས་ཆེན་གྱི་གོ་སྒྲིག་ཚོགས་ ཆུང་ནས་ཕྱི་ལོ་༢༠༡༧…
ICTM Update
This is to inform you all that the 3rd International Conference on Tibetan Medicine is scheduled to held at Central Institute of Higher Tibetan Studies, Sarnath, Varanasi, India from 25th Feb. – 1st of March 2018. The organizing committee would like to…
སྨན་སྦྱོར་ཁང་དུ་རྟོགས་ཞིབ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༡༤ ལོར་རྡ་ས་ཁུལ་དུ་ཡོད་པའི་གཡུ་ཐོག་སྙིང་ཐིག་གསོ་རིག་སྨན་སྦྱོར་ཁང་དེ་བཞིིན་བོད་ཀྱི་གསོ་བ་རིག་པའི་སྨན་སྦྱོར་སྡེ་ཚན་ཚད་ལྡན་ཞིག་ཏུ་ལོ་གསུམ་གྱི་ཕྲལ་སེལ་ངོས་ལེན་དེབ་སྐྱེལ་གནང་ཞིང་སྔ་ལོ་ ཟླ་༡༡ ནང་སྤྱི་བཏང་ལོ་འཁོར་རྟོགས་ཞིབ་ཆེད་ཕེབས་གནང། གོང་གསལ་ཕྲལ་སེལ་དེབ་སྐྱེལ་དུས་བཀག་དེ་བཞིན་ཕྱི་ལོ་༢༠༡༧ ཟླ་༡༢ ཚེས་༡༩ ནས་གཙང་བཞིན་ཡོད་པར་བོད་ཀྱི་གསོ་བ་རིག་པའི་སྨན་དང་སྨན་སྦྱོར་ཚད་ལྡན་གྱི་རྩ་འཛིན་སྒྲིག་གཞི་དགོངས་དོན་ཕྱི་ལོ་༢༠༡༧ ཟླ་༡༡ ཚེས་༢༠ ཉིན་ལྷན་ཚོགས་ཀྱི་ཚོགས་མི་༸རྒྱལ་བའི་སྐུ་བཅར་སྨན་རམས་པ་སྤེན་པ་ཚེ་རིང་ལགས་ཀྱི་གཙོ་སྐྱོང་འོག་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་སྐུ་ཚབ་ཚོགས་མི་སྐུ་ཞབས་བསོད་ནམས་སྟོབས་རྒྱལ་ལགས་དང་རྡ་ས་ས་གནས་འགོ་འཛིན་སྐུ་ཞབས་ཟླ་བ་རིན་ཆེན་ལགས་བཅས་ཚོགས་མི་གསུམ་ལས་གྲུབ་པའི་རྟོགས་ཞིབ་ཚོགས་ཆུང་གི་ཚོགས་མི་རྣམས་གོང་གསལ་སྨན་སྦྱོར་ཁང་དུ་རྟོགས་ཞིབ་ཆེད་ཕེབས་གནང་ཡོད། སྒྲིག་མཐུན་ཚོགས་ཆུང་གི་ལས་བསྡོམས་སྙན་ཐོ་དང་ཡིག་ཆ་ཁག་བཅས་ཟླ་གཅིག་ནང་ཚུད་ལྷན་ཚོགས་སུ་འབྱོར་དགོས་པ་དེ་དག་འབྱོར་མཚམས་ལྷན་ཚོགས་ཀྱི་འཛིན་སྐྱོང་ཚོགས་འདུའི་ཐོག་རྟོགས་ཞིབ་ལས་བསྡོམས་དང་ཡིག་ཆ་ཁག་ལ་གཟིགས་ཞིབ་གྲོས་བསྡུར་གྱིས་ཐག་གཅོད་གནང་རྒྱུ་ཡིན་པ་དེ་དོན་གནས་ཚུལ་དུ།།
Inspection to YNSM
As of CCTM Legal Act and Regulation, an inspection team consist of one CCTM executive member Dr. Penpa Tsering la, member from Dept. of Health, CTA Mr. Sonam Topgyal la and Mr. Dawa Rinchen la, Dharamsala Tibetan Settlement Office has…
སྨན་པ་དེབ་སྐྱེལ།
ཕྱི་ལོ་༢༠༠༦ ལོར་བོད་ཀྱི་གསོ་བ་རིག་པའི་ལྷན་ཚོགས་ནས་གསོ་རིག་སྨན་པ་རྣམས་དེབ་སྐྱེལ་བྱེད་ཕྱོགས་ཀྱི་རྩ་འཛིན་སྒྲིག་གཞི་དགོངས་དོན་ཝཱ་ཎ་བོད་ཀྱི་གཙུག་ལག་སློབ་གཉེར་ཁང་གི་གསོ་རིག་སྡེ་ཚན་ནས་སློབ་ཐོན་སྨན་པ་ཚེ་དབང་བུམ་ཆོག་གུ་རུང་ལགས་དང་སྨན་པ་ཚེ་རིང་གཡུ་སྒྲོན་གཡས་རུ་ཚང། སྨན་པ་ཚེ་དབང་བཟང་མོ་གུ་རུང་གསུམ་ཚད་ལྡན་སྨན་པའི་ཁོངས་དེབ་སྐྱེལ་གནང་བ་ལས་ད་བར་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་འོག་གསོ་རིག་སྨན་པ་གྲངས་༤༦༧ ཁྲིམས་མཐུན་དེབ་སྐྱེལ་གནང་ཟིན་ཡོད།