Under the clause 9.b of the Tibetan Medical Council act. 2003 of Central Tibetan Administration, the Central Council of Tibetan Medicine has prepared a rules and regulation for the registration of Tibetan Pharmaceutical Company / Unit. In exercise of this…
འཛམ་གླིང་འཕྲོད་བསྟེན་ཉིན་མོ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་གོ་སྒྲིག་འོག་ཕྱི་ལོ་༢༠༡༨ ཟླ་༤ ཚེས་༧ ཉིན་འཛམ་གླིང་འཕྲོད་ བསྟེན་ཉིན་དང་བསྟུན་ལྷན་ཚོགས་ཀྱི་ཚོགས་མི་སྨན་པ་ཚེ་རིང་མཚམས་གཅོད་ཀྱིས་རྡ་ཤོད་བོད་ཁྱིམ་ སློབ་གྲྭའི་སློབ་མ་རྣམས་ལ་གསོ་བ་རིག་པའི་ངོ་སྤྲོད་དང་མདུན་ལམ། དེ་བཞིན་སྤྱི་བཏང་ཟས་སྤྱོད་ འཕྲོད་བསྟེན་སྐོར་གཏམ་བཤད་དང། དེ་བཞིན་སྨན་པ་ཚེ་རིང་དཔལ་མོ་ལགས་ནས་དབུས་གཞུང་ནང་ པའི་མཐོ་སློབ་ཁང་གི་སློབ་མ་དང་བཙུན་མ་རྣམས་ལ་སེམས་ཁམས་འཕྲོད་བསྟེན་སྐོར། དེ་བཞིན་སྨན་པ་ རབ་དགའ་ལགས་ནས་སཱ་ལུ་སྒ་རར་དཔལ་ལྡན་སྲད་རྒྱུད་གྲྭ་ཚང་དུ་ཆུ་ཚོད་གཉིས་ཀྱི་རིང་གསོ་བ་རིག་པ་ངོ་སྤྲོད་དང་ཟས་སྤྱོད་འཕྲོད་བསྟེན་སྐོར་གཏམ་བཤད་གནང་བ་དང། ཡང་ལྷན་ཚོགས་ཀྱི་རྒྱ་གར་ལྷོ་ ཕྱོགས་ཁུལ་གྱི་ས་གནས་འབྲེལ་མཐུད་སྨན་པ་ཉི་མ་རྒྱལ་མཚན་ལགས་ནས་མོན་གྷོ་གཏན་སློབ་ཀྱི་སློབ་ མ་རྣམས་ལ་ཕོ་བ་དང་ཆམས་རིམ་ནད་གཞི་སྔོན་འགོག་ཐོག་གཏམ་བཤད་དང་སྨན་པ་སྐྱིད་འཛོམས་ ལགས་ནས་མོན་གྷོ་གཏན་སློབ་ཀྱི་བུ་མོ་རྣམས་ལ་མོ་ནད་ངོ་སྤྲོད་དང་སྔོན་འགོག་བྱེད་ཚུལ། ཡང་སྨན་པ་ རྟ་ར་ངག་དབང་བློ་གྲོས་ལགས་ནས་སྦེལ་ཀོབ་གཏན་སློབ་ཀྱི་སློབ་ཕྲུག་རྣམས་ལ་རྒྱུན་དུ་ཟས་སྤྱོད་འཕྲོད་པར་བསྟེན་ཚུལ་སྐོར་གཏམ་བཤད་དང་སྨན་པ་སྐྱིད་ལུས་ལགས་ནས་ཅོན་ཏ་ར་སློབ་གྲྭའི་སློབ་མ་རྣམས་ཟས་སྤྱོད་ཚུལ་བཞིན་བསྟེན་པའི་སྒོ་ནས་ནད་གཞི་སྔོན་འགོག་བྱེད་ཚུལ་སྐོར་བཅས་གཏམ་བཤད་དང་ དྲི་བ་དྲི་ལན་གནང། ཇི་ལྟར་ལྷན་ཚོགས་ནས་རེ་འདུན་ཞུས་པ་ལྟར་གོང་གསལ་ས་གནས་སྨན་པ་རྣམས་ ནས་སོ་སོའི་ས་གནས་ཀྱི་སློབ་གྲྭ་དང་གྲྭ་བཙུན་ཁག་ལ་འཕྲོད་བསྟེན་གོ་རྟོགས་ཀྱི་གཏམ་བཤད་གནང་ བར་ལྷན་ཚོགས་ཀྱི་ཚོགས་མི་ཡོངས་ཀྱི་ཚབ་ཞུས་ཏེ་ཐུགས་རྗེ་ཆེ་ཞེ་ཞུ་རྒྱུ་ཡིན།།
World Health Day
World Health Day is celebrated on April 7 every year to mark the anniversary of the founding of the World Health Organization (WHO).The theme of this year’s World health day is “Universal Health Coverage: Everyone-Everywhere – 2018”. Series of Health…
Notice: CCTM Telephone
This is to inform all the concern that the CCTM office, currently located at Dept. of Health building, CTA, Gangkyi is under reconstruction and both the Telephone and Telefax wire is cut off. For any official purpose, kindly send an…
ལྷན་ཚོགས་ཀྱི་འབྲེལ་མཐུད་ཁ་པར་ཐོག་གསལ་བརྡ།
ད་ལྟའི་ཆར་བོད་ཀྱི་གསོ་བ་རིག་པའི་ལྷན་ཚོགས་ཀྱི་ལས་ཁུངས་ཆགས་སའི་ཁང་པར་བཟོ་བཅོས་འགྲོ་བཞིན་པའི་རྐྱེན་གྱིས་ལྷན་ཚོགས་ཀྱི་འབྲེལ་མཐུད་ཁ་པར་གཉིས་ཀའི་ཏར་སྐུད་བཅད་དགོས་བྱུང་བ་དང་ཏར་སྐུད་འཐུས་ཚང་སྒྲིག་སྦྱོར་མ་བྱུང་བར་ལྷན་ཚོགས་སུ་འབྲེལ་བ་གནང་དགོས་བྱུང་ཚེ་ལྷན་ཚོགས་ཀྱི་གློག་འཕྲིན་ཁ་བྱང་cctm2004@gmail.com / chethoe@yahoo.com གཉིས་ཐོག་འབྲེལ་བ་གནང་རོགས་ཞུ། ཐུགས་རྗེ་ཆེ།
ལྷན་ཚོགས་ཚོགས་ཐེངས་ཉེར་དགུ་པ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ལྷན་ཚོགས་ཚོགས་ཐེངས་༢༩ པ་དེ་བཞིན་རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་གསུམ་པ་བསྐོང་ཚོགས་བསྟུན་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་གསོ་བ་རིག་པའི་སྡེ་ཚན་དུ་བསྐོང་ཚོགས་གནང་ཡོད། ཚོགས་འདུའི་ཐོག་གྲོས་བསྡུར་བྱུང་བའི་གྲོས་གཞི་གཤམ་གསལ། རྒྱ་གར་མངའ་སྡེའི་ཨཱ་ཡུ་ཤའི་སྨན་ཁང་ནང་གསོ་བ་རིག་པའི་སྒོ་བསྟེན་སྨན་ཁང་འཛུག་འཆར། ལྷན་ཚོགས་སུ་སློབ་སྟོན་པ་དང་ས་གནས་འབྲེལ་མཐུད་པ་འཕར་འགྱངས་དང་གསར་བསྐོ། རྒྱ་གར་གཙུག་ལག་སློབ་གཉེར་ཁང་དུ་གསོ་བ་རིག་པའི་སྡེ་ཚན་འཛུག་འཆར། ལྷན་ཚོགས་ཀྱི་ལས་དོན་བྱེད་ཕྱོགས་ཀྱི་རྩ་འཛིན་སྒྲིག་གཞིར་བསྐྱར་ཞིབ། རྒྱལ་སྤྱིའི་ཚོགས་ཆེན་ཐེངས་གསུམ་པ་བསྟུན་ཆེད་ལས་ཚོགས་འདུ་བསྐོང་ཚོགས་གནང་བའི་ཚོགས་འདུའི་ཚིག་ཐོར་བསྐྱར་ཞིབ་ལག་བསྟར། ནད་གཞི་སྔོན་འགོག་གི་ལས་འཆར། ལྷན་ཚོགས་ཀྱི་དམིགས་བསལ་ཚོགས་འདུ་བསྐོང་འཚོག་གནང་འཆར་གྱི་གྲོས་གཞི་གཏན་འབེབ། ལྷན་ཚོགས་ཀྱི་དཔལ་འབྱོར་འདུ་འགོད། གལ་ཆེའི་གྲོས་གཞི་གཞན། ལྷན་ཚོགས་ཀྱི་ཁྲིམས་ཡིག་བསྐྱར་བཅོས་དགོངས་དོན་ཚོགས་ཐེངས་འདིའི་ཐོག་ལྷན་ཚོགས་སུ་གསར་དུ་འདེམས་བསྐོས་བྱུང་བའི་ཚོགས་མི་སྨན་རམས་པ་འཕྲིན་ལས་གཡང་འབྱོར་དང་སྨན་པ་རབ་དགའ་ལགས་གཉིས་ལ་འཚམས་འདྲི་ཞུས་གནང་ཡོད། བོད་ཀྱི་གསོ་བ་རིག་པའི་ལྷན་ཚོགས་སུ་འཛིན་སྐྱོང་ཚོགས་མི་༡༣ ཡོད་པ་ལས་ད་ལན་ཚོགས་ཐེངས་འདིར་ཚོགས་མི་བཞི་དགོངས་ཞུས་ཀྱིས་ཚོགས་མི་གྲངས་༩ མཉམ་བཞུགས་གནང་ཐུབ་ཡོད། ལྷན་ཚོགས་ཀྱི་ཚོགས་ཐེངས་༢༠ པ་དེ་བཞིན་ཕྱི་ལོ་༢༠༡༨ ཟླ་༩ ཚེས་༣ ནས་ཚེས་༧ བར་བཞུགས་སྒར་རྡ་རམ་སཱ་ལཱར་བསྐོང་འཚོག་གནང་གཏན་འཁེལ་བ་བཅས་གོང་གསལ་ཚོགས་ཐེངས་༢༩ པའི་གལ་ཆེའི་གྲོས་གཞི་གྲོས་ཆོད་ཁག་ལྷན་ཚོགས་ཀྱི་གསོ་རིག་གསར་འཕྲིན་ནང་འདོན་སྤེལ་བྱ་རྒྱུ་ཡིན་པ་བཅས།།
CCTM 29th Board Meeting
As of CCTM (General) Regulation, the 29th Board Meeting of CCTM was held at Dept. of Sowa-Rigpa, Central Institute of Higher Tibetan Studies, Sarnath, Varanasi from 1st – 3rd March 2018. Following were the main agendas discussed in the Board…
རྒྱ་གར་དབུས་སྨན་གྱི་ལྷན་ཚོགས་ཀྱི་ཚོགས་མི་གསར་པར་འཚམས་འདྲི་ཞུས་པ།
ད་ཉིན་ཕྱི་ལོ་༢༠༡༨ ཟླ་༢ ཚེས་༢༥ ལོ་རྒྱུས་རང་བཞིན་ལྡན་པའི་རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་གསུམ་པའི་དབུ་འབྱེད་མཛད་སྒོའི་ཐོག་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཚོགས་གཙོ་སློབ་དཔོན་རག་རྡོ་བློ་བཟང་བསྟན་འཛིན་མཆོག་ནས་རྒྱ་གར་དབུས་སྨན་གྱི་ལྷན་ཚོགས་ཀྱི་ཚོགས་མི་གསར་པ་སྨན་རམས་པ་པད་མ་འགྱུར་མེད་མཆོག་ལ་འཚམས་འདྲིའི་མཇལ་དར་ཕུལ་གནང་ཡོད། སྨན་རམས་པ་པད་མ་འགྱུར་མེད་ནི་བོད་ཀྱི་གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོད་པའི་གསོ་བ་རིག་པའི་ཚད་ལྡན་སྨན་པ་ཞིག་ཡིན་པ་དང་ཁོང་ཉིད་ཉེ་ཆར་རྒྱ་གར་དབུས་སྨན་གྱི་ལྷན་ཚོགས་ཀྱི་ཁྲིམས་ཡིག་དོན་ཚན། ༣༼༡༽ག འོག་དེ་གའི་གསོ་བ་རིག་པའི་ཚོགས་མིར་ཐད་ཀར་བསྐོས་གཞག་གནང་ཡོད། ལྷན་ཚོགས་ཀྱི་ཚོགས་མི་ཡོངས་ཀྱི་ཚབ་ཞུས་ཏེ་འདི་གའི་དྲུང་ཆེ་ལས་ཐོག་སྨན་པ་ཚེ་རིང་མཚམས་གཅོད་ནས་ཁོང་ལ་འཚམས་འདྲི་བཀྲ་ཤིས་བདེ་ལེགས་ཞུས་གནང་ཡོད།།