བོད་ཀྱི་གསོ་བ་རིག་པའི་ལྷན་ཚོགས་ནས་གཏན་འབེབས་གནང་བའི་བོད་ཀྱི་གསོ་བ་རིག་པའི་དཀའ་བཅུ་པའི་སློབ་གཉེར་ཁང་ངོས་ལེན་བྱེད་ཕྱོགས་ཀྱི་རྩ་འཛིན་སྒྲིག་གཞི་དགོངས་དོན་ཕྱི་ལོ་༢༠༠༦ ལོར་ལྕགས་པོ་རི་དྲན་རྟེན་བོད་སྨན་སློབ་གཉེར་ཁང་དེ་བཞིན་བོད་ཀྱི་གསོ་བ་རིག་པའི་དཀའ་བཅུ་པའི་སློབ་གཉེར་ཁང་ཚད་ལྡན་ཞིག་ཏུ་ཕྲལ་སེལ་ངོས་ལེན་དེབ་སྐྱེལ་གནང་ཞིང་ཕྱི་ལོ་༢༠༡༢ ལོར་གོང་གསལ་སྒྲིག་གཞི་དགོངས་དོན་ཆེད་བསྐོས་རྟོགས་ཞིབ་ཚོགས་ཆུང་ནས་རྟོགས་ཞིབ་ཀྱིས་དེ་གའི་སློབ་ཁང་དེ་བཞིན་བོད་ཀྱི་གསོ་བ་རིག་པའི་དཀའ་བཅུ་པའི་སློབ་གཉེར་ཁང་ཚད་ལྡན་ཞིག་ཏུ་གཏན་འཇགས་ངོས་ལེན་དེབ་སྐྱེལ་གནང་། ལྕགས་པོ་རི་དྲན་རྟེན་བོད་སྨན་སློབ་གཉེར་ཁང་འདི་ནི་ཐོག་མར་ཕྱི་ལོ་༡༩༩༢ ལོར་༸སྐྱབས་རྗེ་ཁྲོ་དགའ་བོ་རིན་པོ་ཆེ་མཆོག་ནས་དེ་སྔ་ཕྱི་ལོ་༡༦༩༦ ལོར་༸གོང་ས་སྐུ་འཕྲེང་ལྔ་པ་ཆེན་པོ་མཆོག་གི་དགོངས་གཞི་ལྟར་སྡེ་སྲིད་སངས་རྒྱས་རྒྱ་མཚོས་ཆེད་བཙུགས་གནང་བའི་ལྕགས་པོ་བོད་སྨན་སློབ་གཉེར་ཁང་དེ་ཕྱི་ལོ་༡༩༥༩ ལོར་རྒྱ་དམར་གྱིས་རྩ་གཏོར་བཏང་བ་དེའི་དྲན་རྟེན་དུ་རྒྱ་གར་ནུབ་སྦེང་གཱལ་མངའ་སྡེའི་རྡོ་རྗེ་གླིང་དུ་ལྕགས་པོ་རི་དྲན་རྟེན་བོད་སྨན་སློབ་གཉེར་ཁང་འདི་ཆེད་བཙུགས་གནང་བ་ཞིག་ཆགས་ཡོད། སློབ་ཁང་དེ་ནས་ད་བར་སློབ་ཐེངས་གྲངས་དྲུག་ནང་ཁྱོན་སྨན་པ་གྲངས་༥༨ དཀའ་བཅུ་པའི་སློབ་ཐོན་ཟིན་ཡོད། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༡༨ ཟླ་༧ ཚེས་༣༠ ཉིན་རྟོགས་ཞིབ་གཙོ་སྐྱོང་ལྷན་ཚོགས་ཀྱི་དྲུང་ཆེ་སྨན་པ་ཚེ་རིང་མཚམས་གཅོད་དང་རྟོགས་ཞིབ་ཚོགས་མི་རྡོར་གླིང་ས་གནས་འགོ་འཛིན་སྐུ་ངོ་མིག་དམར་རྡོ་རྗེ་ལགས། དེ་བཞིན་ས་གནས་སྨན་པ་བློ་བཟང་དོན་འགྲུབ་ལགས་བཅས་ཚོགས་མི་གསུམ་ལས་གྲུབ་པའི་རྟོགས་ཞིབ་ཚོགས་ཆུང་གི་ཚོགས་མི་རྣམས་དེ་གའི་སློབ་ཁང་དུ་སྤྱི་བཏང་རྟོགས་ཞིབ་ཆེད་ཕེབས་གནང་ཡོད། རྟོགས་ཞིབ་རྒྱུད་རིམ་ནང་དེ་གའི་སློབ་ཁང་དུ་ལྷན་ཚོགས་ནས་གཏན་འབེབས་གནང་བའི་རྩ་འཛིན་སྒྲིག་གཞི་རྣམས་སྒྲིག་མཐུན་གནང་མིན། གཞན་ཡང་སློབ་ཁང་དེར་དགོས་ངེས་ཆ་རྐྱེན་རྣམས་ཚང་མིན། འཛིན་སྐྱོང་དང་ཁོར་ཡུག་སོགས་སྤྱི་ཡོངས་ཀྱི་གནས་སྟངས་ཐོག་རྟོགས་ཞིབ་གནང་ཡོད། རྟོགས་ཞིབ་བརྒྱུད་རིམ་ལས་ད་ལྟའི་འཆར་མཐོ་སློབ་དེར་སྨན་དགེ་གྲངས་གསུམ་དང་རིག་དགེ་དང་རྩིས་དགེ་གཅིག་ལྕོག་གཅིག་བཅས་སློབ་འཁྲིད་དགེ་རྒན་བཞིའི་འོག་སྨན་སློབ་སྐབས་བདུན་པ་དང་བརྒྱད་པ་བཅས་ཁྱོན་སྨན་སློབ་གྲངས་༢༢ སློབ་སྦྱོང་གནང་བཞིན་ཡོད་འདུག སློབ་ཁང་དེ་བཞིན་ཐོག་མར་ཕྱི་ལོ་༡༩༩༤ ལོར་ཡུལ་ཁྲིམས་དང་མཐུན་པར་ཚོགས་པ་དེབ་སྐྱེལ་གནང་ཞིང་འཛིན་སྐྱོང་ཚོགས་མིར་འགན་འཛིན་ལྷན་ཚོགས་ཚོགས་མི་གྲངས་བདུན་དང་དེ་བཞིན་འཛིན་སྐྱོང་ལས་བྱེད་དང་སྨན་སྦྱོར་སྨན་པ། བརྟག་དཔྱད་སྨན་པ་བཅས་ལས་མི་གྲངས་༢༠ ཙམ་རྒྱུན་དུ་ ཕྱག་ལས་འགན་འཁུར་གནང་བཞིན་འདུག སྒྲིག་གསལ་བཞིན་མཐོ་སློབ་དེར་སློབ་འཁྲིད་གཙོ་བོ་རྒྱུད་བཞི་དང་དེ་མིན་ཡན་ལག་སློབ་ཚན་ཁག་རྩ་འཛིན་དགོངས་དོན་གནང་བཞིན་འདུག་པ་དང་། སློབ་སྦྱོང་གི་ཆ་རྐྱེན་དུ་འཛིན་ཁང་དང་དཔེ་མཛོད་ཁང་། སློབ་མའི་ཉལ་ཁང། སྨན་སྦྱོར་ཁང་དང་བརྟག་དཔྱད་སྨན་ཁང་བཅས་མཐོ་སློབ་གཅིག་ལ་ངེས་པར་ཚང་དགོས་ཀྱི་ཆ་རྐྱེན་ཕལ་ཆེར་ཚང་ཡོད། ཚོགས་ཆུང་གི་ལས་བསྡོམས་སྙན་ཐོ་དེ་བཞིན་ལྷན་ཚོགས་ཚོགས་ཐེངས་རྗེས་མའི་ནང་སྙན་གསན་གྲོས་བསྡུར་གནང་རྒྱུ་ཡིན་པ་བཅས་རྟོགས་ཞིབ་ལས་བསྡོམས་སྙིང་བསྡུས་སུ།།
སྨན་པ་དེབ་སྐྱེལ་དང་འབྲེལ་བའི་གལ་ཆེའི་གསལ་བསྒྲགས།
དགོངས་གསལ་བཞིན་ཕྱི་ལོ་༢༠༡༠ ལོར་གསོ་བ་རིག་པ་རྒྱ་གར་གཞུང་ཁྲིམས་ནས་ངོས་ལེན་གནང་བ་ལས་རིམ་པས་གསོ་རིག་སློབ་གཉེར་ཁང་དང་དེ་ནས་སློབ་ཐོན་སྨན་པ་རྣམས་རྒྱ་གར་དབུས་སྨན་གྱི་ལྷན་ཚོགས་ཀྱི་ཁྲིམས་སྒྲིག་འོག་དེབ་སྐྱེལ་གནང་དགོས་ཆགས་རྒྱུ་ཡིན་ནའང་བོད་ཀྱི་གསོ་བ་རིག་པའི་ལྷན་ཚོགས་འདི་ནི་བཙན་བྱོལ་བོད་མིའི་བཅའ་ཁྲིམས་དགོངས་དོན་ཆེད་འཛུགས་གནང་བའི་ཚོགས་པ་གལ་ཆེ་ཞིག་ཡིན་པ་དང་ལྷན་ཚོགས་འདི་དོན་མཐུན་སྲ་བརྟན་རྒྱུན་གནས་དགོས་རྒྱུ་ཤིན་ཏུ་གལ་ཆེ་བར་སོང་ལྷན་ཚོགས་ནས་ཕྱི་ལོ་༢༠༡༨ ཟླ་༥ ཚེས་༡༨ ཉིན་དམིགས་བསལ་ཚོགས་འདུ་ཞིག་བསྐོང་ཚོགས་གནང་བའི་ཚོགས་འདུའི་ཐོག་གྲོས་ཆོད་བྱུང་དོན། གསོ་བ་རིག་པའི་སློབ་ཐོན་སྨན་པ་རྣམས་ནས་བཙན་བྱོལ་བོད་མིའི་བཅའ་ཁྲིམས་དང་ལྷག་པར་བོད་ཀྱི་གསོ་བ་རིག་པའི་ལྷན་ཚོགས་འདིའི་ཁྲིམས་ཡིག་ལ་བརྩི་བཀུར་ཞུས་པའི་ཐོག་སྒྲིག་མཐུན་སློབ་གཉེར་ཐོན་ནས་ལོ་གཅིག་གི་ནང་ཚུད་ལྷན་ཚོགས་འོག་སྨན་པའི་ཐོ་འགོད་དེབ་སྐྱེལ་གནང་དགོས་པ་དང་དེབ་སྐྱེལ་མེད་པའི་སྨན་པ་རྣམས་ལྷན་ཚོགས་ཀྱི་ཁྲིམས་ཡིག་དོན་ཚན་༡༠།༥ དགོངས་དོན་བོད་མིའི་སྒྲིག་འཛུགས་ནས་གཞུང་འབྲེལ་ངོས་ལེན་མེད་ཅེས་གསལ་ཡོད་ན་འདས་པའི་ལོ་༡༤ ལྷག་ཙམ་རིང་ཁྱོན་གསོ་བ་རིག་པའི་སྨན་པ་གྲངས་༤༩༡ ཙམ་ལྷན་ཚོགས་འདིའི་འོག་སྨན་པའི་ཐོ་འགོད་དེབ་སྐྱེལ་གནང་ཡོད་པ་དང་འབྱུང་འགྱུར་རྒྱ་གར་དབུས་སྨན་གྱི་ལྷན་ཚོགས་ནས་སྨན་པའི་དེབ་སྐྱེལ་སྒོ་འཛུགས་རྗེས་སུའང་ལྷན་ཚོགས་འདི་མུ་མཐུད་ ནས་གནས་རྒྱུར་སོང་སློབ་ཐོན་སྨན་པ་རྣམས་ངེས་པར་དུ་ལྷན་ཚོགས་འདིའི་སྨན་པའི་ཐོ་འགོད་དེབ་སྐྱེལ་གནང་དགོས་པ་དེ་དོན་ གལ་ཆེའི་གསལ་བསྒྲགས་སུ་ཞུ།། གཞུང་འབྲེལ་གསལ་བསྒྲགས་ཡིག་ཆ་འདིར་བསྣུན་ན་གཟིགས་ཀློག་ཐུབ།
Important announcement regarding Registration of Sowa-Rigpa Practitioner
As we all aware that the Sowa-Rigpa system of medicine has been legalized by the Govt. of India in the year 2010, thus sooner or later all the medical colleges, institution and practitioner have to register under the CCIM act…
ཟབ་སྦྱོང་གསལ་བསྒྲགས།
བོད་ཀྱི་གསོ་བ་རིག་པའི་ལྷན་ཚོགས་ཀྱི་གོ་སྒྲིག་འོག་ཕྱི་ལོ་༢༠༡༨ ཟླ་༩ ཚེས་༣ ནས་ཚེས་༨ བར་ཉིན་གྲངས་དྲུག་རིང་བཞུགས་སྒར་རྡ་རམ་སཱ་ལཱར་གསོ་རིག་སྨན་པའི་ཤེས་ཡོན་གོང་སྤེལ་ཟབ་འཁྲིད་ཐེངས་དྲུག་པ་དེ་བསྐོང་འཚོག་གནང་གཏན་འཁེལ་ཡོད། ཟབ་འཁྲིད་འདི་ བཞིན་རྒྱ་གར་དབུས་གཞུང་ཨཱ་ཡུ་ཤའི་བློན་ཆེན་ལས་ཁུངས་(AYUSH schemes)ནས་རོགས་དངུལ་ཞུས་ཐོབ་བྱུང་བ་ཞིག་ཡིན་པས་དེ་གའི་ལམ་སྟོན་ནང་གསལ་ཟབ་འཁྲིད་འདིར་སྨན་པ་གྲངས་༣༠ ལས་གོ་སྐབས་མེད་པས་ལྷན་ཚོགས་འོག་དེབ་སྐྱེལ་ཡོད་པའི་སྨན་པ་རྣམས་ནས་ཟབ་འཁྲིད་འདིར་བཅར་འདོད་ཡོད་ཚེ་ཕྱི་ལོ་༢༠༡༨ ཟླ་༨ ཚེས་༢༠ འགྱངས་མེད་ལྷན་ཚོགས་སུ་ཚོགས་བཅར་ཐོ་འགོད་གནང་རོགས་ཞུ། ལམ་སྟོན་ཡིག་ཆ་ནང་གསལ་ཟབ་འཁྲིད་འདིར་སྨན་པ་གྲངས་༣༠ ལས་མང་བ་ཐོ་འགོད་ གནང་ཚེ་དེ་སྔ་ལྷན་ཚོགས་ནས་གོ་སྒྲིག་ཞུས་པའི་ཟབ་འཁྲིད་ཞུས་ཐོབ་མ་བྱུང་བ་རྣམས་ལ་གོ་སྐབས་དང་པོ་འབུལ་རྒྱུ་ཡིན། ཟབ་འཁྲིད་འདིར་བཞུགས་མཁན་སྨན་པ་རྣམས་ཀྱི་ལམ་གྲོན་(མེ་འཁོར་ཨང་གཉིས་AC-II Tier པའི་རིན་གོང་ནང་ཚུད་འགྲོ་གྲོན།)དང་ཟབ་སྦྱོང་ཉིན་དྲུག་རིང་གི་བཞུགས་ཡུལ་མགྲོན་ཁང་དང་སྔ་དགོང་ལྟོ་དོད། ཉིན་དགུང་ཞལ་ལག་བཅས་ལམ་སྟོན་ཡིག་ཆ་ནང་གསལ་འབུལ་རྒྱུ་ཡིན། ཟབ་འཁྲིད་ཀྱི་གསལ་བསྒྲགས་དང་ལས་རིམ་རགས་ཟིན་བཅས་གཤམ་དུ་གཟིགས་གནང་ཡོང་བ་ཞུ། གསོ་རིག་སྨན་པའི་ཤེས་ཡོན་གོང་སྤེལ་ཟབ་འཁྲིད་ཀྱི་གསལ་བསྒྲགས། གསོ་རིག་སྨན་པའི་ཤེས་ཡོན་གོང་སྤེལ་གྱི་ཟབ་འཁྲིད་ལས་རིམ།
CME for Doctors
CCTM is pleased to announce here the 6 days CME program for the Sowa-Rigpa practitioners. This program is fully funded by the Ministry of AYUSH, GoI under the Central Sector Schemes and the program will held at Dharamsala from 3rd…
སྨན་སྦྱོར་དེབ་སྐྱེལ་དང་འབྲེལ་བའི་གསལ་བསྒྲགས།
༄༅། །མཁྱེན་ཡངས་བོད་ཀྱི་གསོ་བ་རིག་པའི་སྨན་སྦྱོར་ཆེད་གཉེར་སྨན་པ་རྣམས་ཀྱི་སྙན་ལམ་དུ།། ཆེད་ཞུ། དགོངས་གསལ་བཞིན་བོད་ཀྱི་གསོ་བ་རིག་པའི་ལྷན་ཚོགས་ནི་ཕྱི་ལོ་༢༠༠༤ ལོར་ཆེད་འཛུགས་གནང་ཞིང་འདས་པའི་ལོ་བཅུ་བཞི་ལྷག་ཙམ་རིང་ལྷན་ཚོགས་ཀྱི་ཁྲིམས་དང་སྒྲིག་གཞི་དགོངས་དོན་གསོ་བ་རིག་པའི་སློབ་གཉེར་ཁང་དང་སློབ་ཐོན་སྨན་པ། དེ་བཞིན་གསོ་རིག་སྨན་དང་སྨན་སྦྱོར་ཁང་བཅས་ཚད་འཛིན་ངོས་ལེན་གྱིས་དེབ་སྐྱེལ་གནང་དང་གནང་མུས་ཡིན། ལྷན་ཚོགས་ཚོགས་ཐེངས་རིམ་པའི་ནང་ལྷན་ཚོགས་ཀྱི་ཁྲིམས་ཡིག་དང་སྒྲིག་གཞིར་བསྐྱར་ཞིབ་ཀྱིས་བསྐྱར་བཅོས་དགོས་རིགས་ལ་བསྐྱར་བཅོས་གཏན་འབེབས་གནང་བཞིན་ཉེ་བའི་ལྷན་ཚོགས་ཚོགས་ཐེངས་༢༨ པའི་ཐོག་བོད་ཀྱི་གསོ་བ་རིག་པའི་སྨན་དང་སྨན་སྦྱོར་ཚད་ལྡན་གྱི་རྩ་འཛིན་སྒྲིག་གཞིར་བསྐྱར་ཞིབ་ཀྱིས་སྒྲིག་གཞི་དོན་ཚན་ཁག་ཅིག་ལ་བསྐྱར་བཅོས་སོང་ཁོངས་སྒྲིག་གཞི་དོན་ཚན་༡༡ པ་སྨན་སྦྱོར་སྡེ་ཚན་གྱི་དབྱེ་བ། ག་༽པར་སྨན་སྦྱོར་སྡེ་ཚན་གང་ཞིག་སོ་སོའི་བརྟག་དཔྱད་སྨན་ཁང་དུ་བསྟེན་གཏུགས་ནད་པའི་ཆེད་སྨན་སྦྱོར་བཟོ་བྱེད་བཞིན་པ་རྣམས་ཀྱང་ལྷན་ཚོགས་འོག་དེབ་སྐྱེལ་གནང་རྒྱུའི་ཆ་རྐྱེན་བསྐྲུན་ཡོད་ན་འབྲེལ་ཡོད་གསོ་རིག་སྨན་སྦྱོར་ཆེད་གཉེར་བ་རྣམས་ནས་སྒྲིག་གཞི་བསྐྱར་བཅོས་ལ་གཟིགས་ཞིབ་ཀྱིས་ལྷན་ཚོགས་འོག་སྨན་སྦྱོར་དེབ་སྐྱེལ་ངེས་པར་གནང་དགོས་པའི་གསལ་བསྒྲགས་ཞུ། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་༢༠༡༨ ཟླ་༧ ཚེས་༢ ལ་ཕུལ།། གསལ་བསྒྲགས་དང་སྨན་སྦྱོར་སྒྲིག་གཞི་བསྐྱར་བཅོས་སོང་བ་རྣམས་འདིར་བསྣུན་ན་གཟིགས་ཀློག་ཐུབ།
Announcement
Announcement regarding Registration of Sorig Pharmacy Unit Click here for detail Announcement in Tibetan: Click here to read the detail amendments in Tibetan
དེབ་སྐྱེལ་འཕར་འགྱངས་ཀྱི་གསལ་བསྒྲགས།
༄༅། །བོད་ཀྱི་གསོ་རིག་པའི་ལྷན་ཚོགས་འོག་དེབ་སྐྱེལ་ཡོད་པའི་གསོ་རིག་སྨན་པ་རྣམས་ལ། ཆེད་ཞུ། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དོན་ཚན་དགུ་པ་དང་བཅུ་པའི་དགོངས་དོན་གསོ་རིག་སློབ་གཉེར་ཁང་ནས་སློབ་ཐོན་སྨན་པ་རྣམས་ལོ་གཅིག་ནང་ཚུད་ལྷན་ཚོགས་འོག་སྨན་པའི་དེབ་སྐྱེལ་གནང་དགོས་པར་ད་བར་ཁྱོན་སྨན་པ་གྲངས་༤༩༡ ལྷན་ཚོགས་འོག་དེབ་སྐྱེལ་ཞུས་སྤྲོད་ཟིན། དེབ་སྐྱེལ་སྨན་པ་རྣམས་ནས་དགོངས་འཆར་ཕེབས་བཞིན་ཕྱི་ལོ་༢༠༡༡ ལོར་གསོ་རིག་ལྷན་ཚོགས་ནས་སྨན་པའི་དེབ་སྐྱེལ་ལག་འཁྱེར་གསར་པ་སྟབས་བདེ་ཞིག་བཟོས་བསྐྲུན་གྱིས་དེབ་སྐྱེལ་ལག་འཁྱེར་སྟེང་ལོ་གསུམ་རེའི་མཚམས་འཕར་འགྱངས་ཐལ་རྩེ་སྦྱར་དགོས་པས་དེ་སྔ་ཕྱི་ལོ་༢༠༡༥ ལོར་འཕར་འགྱངས་ཐེལ་རྩེ་དེ་བཞིན་ཕྱི་ལོ་༢༠༡༨ ཟླ་༣ ཚེས་༣༡ ནས་དུས་ཚེས་དུས་བཀག་གཙང་བཞིན་ཡོད་ན་ལྷན་ཚོགས་འོག་དེབ་སྐྱེལ་ཡོད་པའི་གསོ་རིག་སྨན་པའི་རྣམས་ནས་འཕར་འགྱངས་ཐེལ་རྩེའི་དོད་ ཧིན་སྒོར་༡༠༠།༠༠ ལྷན་ཚོགས་སུ་འབུལ་ཐོག་དེབ་སྐྱེལ་འཕར་འགྱངས་ཐེལ་རྩེ་བཞེས་གནང་ཡོང་བ་ དེ་དོན་གསལ་བསྒྲགས་ཞུ། ཉེ་འཆར་ཕྱི་ཟླ་བཞི་པ་འདིའི་ནང་དེབ་སྐྱེལ་གནང་བའི་སྨན་པ་རྣམས་ནས་ཐེལ་རྩེ་འདི་ཞུ་མི་དགོས་པ་དེ་དོན་དགོངས་འཇགས་ཞུ། དེབ་སྐྱེལ་ཟིན་པའི་སྨན་པ་རྣམས་ནས་རང་ཉིད་ཀྱི་གནས་ཡུལ་ཁ་བྱང་དང་གློག་འཕྲིན་ཁ་བྱང་། དེ་བཞིན་འབྲེལ་ཡུལ་ཁ་པར་ཨང་གྲངས་ལ་བསྒྱུར་བ་ཕྱིན་ཡོད་ཚེ་ལྷན་ཚོགས་སུ་ངེས་པར་ཁ་བསྐོང་ (update) གནང་དགོས་པ་དང་ཆབས་ཅིག་སོ་སོའི་ཆེད་ལས་ལོ་རྒྱུས་ཐད་ཁ་བསྐོང་གནང་དགོས་མཆིས་ཚེ་ལྷན་ཚོགས་ཀྱི་གློག་འཕྲིན་ཁ་བྱང་འདིའི་ཐོག་(cctm2004@gmail.com)ཐོག་གཏོང་གནང་ཡོང་བ་དེ་དོན་རེ་སྐུལ་ཞུ་རྒྱུ་བཅས་བོད་ཀྱི་གསོ་བ་རིག་པའི་ལྷན་ཚོགས་ནས་ཕྱི་ལོ་༢༠༡༨ ཟླ་༤ ཚེས་༣༠ ལ་ཕུལ།།
Renew your registration and membership
Attention to all the Registered Practitioners: All registered practitioner of CCTM are required to renew their registration as the three years renewal seal of year 2015 is expiring. Renewal is a key process which helps to provide assurance that medical…
གཡུ་ཐོག་སྙིང་ཐིག་གསོ་རིག་སྨན་སྦྱོར་ཁང་གཏན་འཇགས་དེབ་སྐྱེལ་གནང་བ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༡༤ ལོར་རྡ་ས་ཁུལ་དུ་ཡོད་པའི་གཡུ་ ཐོག་སྙིང་ཐིག་གསོ་རིག་སྨན་སྦྱོར་ཁང་དེ་བཞིིན་བོད་ཀྱི་གསོ་བ་རིག་པའི་སྨན་སྦྱོར་སྡེ་ཚན་ཚད་ལྡན་ཞིག་ཏུ་ལོ་ གསུམ་གྱི་ཕྲལ་སེལ་ངོས་ལེན་དེབ་སྐྱེལ་གནང་ཞིང་དེབ་སྐྱེལ་དུས་བཀག་དེ་བཞིན་ཕྱི་ལོ་༢༠༡༧ ཟླ་༡༢ ཚེས་༡༩ ཉིན་གཙང་བཞིན་ཡོད། བོད་ཀྱི་གསོ་བ་རིག་པའི་སྨན་དང་སྨན་སྦྱོར་ཚད་ལྡན་གྱི་རྩ་འཛིན་སྒྲིག་གཞི་དགོངས་དོན་ཕྱི་ལོ་༢༠༡༧ ཟླ་༡༡ ཚེས་༢༠ ཉིན་ལྷན་ཚོགས་ཀྱི་ཚོགས་མི་༸རྒྱལ་བའི་སྐུ་བཅར་སྨན་རམས་པ་སྤེན་པ་ཚེ་རིང་ལགས་ཀྱི་གཙོ་སྐྱོང་ འོག་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་སྐུ་ཚབ་ཚོགས་མི་སྐུ་ཞབས་བསོད་ནམས་སྟོབས་རྒྱལ་ ལགས་དང་རྡ་ས་ས་གནས་འགོ་འཛིན་སྐུ་ཞབས་ཟླ་བ་རིན་ཆེན་ལགས་བཅས་ཚོགས་མི་གསུམ་ལས་གྲུབ་པའི་ རྟོགས་ཞིབ་ཚོགས་ཆུང་གི་ཚོགས་མི་རྣམས་གོང་གསལ་སྨན་སྦྱོར་ཁང་དུ་རྟོགས་ཞིབ་ཆེད་ཕེབས་གནང་། སྒྲིག་ མཐུན་ཚོགས་ཆུང་གི་ལས་བསྡོམས་སྙན་ཐོ་དང་ཡིག་ཆ་ཁག་བཅས་ལྷན་ཚོགས་སུ་འབྱོར་བར་ལྷན་ཚོགས་ཀྱི་ཕྱི་ ལོ་༢༠༡༧ ཟླ་༡༢ ཚེས་༡༧ ཉིན་ཟླ་རེའི་ཚོགས་འདུའི་ཐོག་གོང་གསལ་སྙན་ཐོ་དང་ཡིག་ཆ་ཁག་བཅས་ལ་ཞིབ་ དཔྱད་གྲོས་བསྡུར་ལེགས་པར་བྱས་མཐར་གཡུ་ཐོག་སྙིང་ཐིག་གསོ་རིག་སྨན་སྦྱོར་ཁང་དེ་བཞིན་ཕྱི་ལོ་༢༠༡༧ ཟླ་༡༢ ཚེས་༡༨ ཉིན་ནས་བོད་ཀྱི་གསོ་བ་རིག་པའི་སྨན་སྦྱོར་སྡེ་ཚན་ཚད་ལྡན་ཞིག་ཏུ་གཏན་འཇགས་ངོས་ ལེན་གྱིས་དེབ་སྐྱེལ་གནང་བ་དང་སྒྲིག་གཞི་དགོངས་དོན་ལོ་གསུམ་རེའི་མཚམས་ཆོག་མཆན་འཕར་འགྱངས་ ཞུ་དགོས་པར་རྟེན་གོང་གསལ་སྨན་སྦྱོར་ཁང་དེ་བཞིན་ཕྱི་ལོ་༢༠༡༧ ཟླ་༡༢ ཚེས་༡༨ ནས་ཕྱི་ལོ་༢༠༢༠ ཟླ་༡༢ ཚེས་༡༧ བར་ལོ་གསུམ་གྱི་ཆོག་མཆན་འཕར་འགྱངས་ཞུས། གཏན་འཇགས་དེབ་སྐྱེལ་ལག་འཁྱེར་དེ་བཞིན་ འདི་ལོའི་ཟླ་༢ པའི་ཚེས་༢༨ ཉིན་རྒྱལ་སྤྱིའ་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་གསུམ་པའི་ ཐོག་ཕུལ་རྒྱུར་གཏན་འཁེལ་ཡང་སྐབས་མཚམས་དོན་རྐྱེན་གྱིས་ཕུལ་མ་ཐུབ་པར་ད་ལན་ལྷན་ཚོགས་ཀྱི་ཟླ་བཞི་ པའི་ཟླ་རེའི་ཚོགས་འདུའི་ཐོག་ལྷན་ཚོགས་གཞོན་སྨན་པ་ཨོ་ཤོད་བསོད་ནམས་སྒྲོལ་དཀར་ལགས་ནས་དེབ་སྐྱེལ་ལག་འཁྱེར་ཕུལ་གནང་ཡོད། གཡུ་ཐོག་སྙིང་ཐིག་གསོ་རིག་སྨན་སྦྱོར་ཁང་འདི་ནི་ཕྱི་ལོ་༢༠༡༠ ཟླ་༡…