ཕྱི་ལོ་༢༠༡༨ ཟླ་༧ ཚེས་༤ ཉིན་དཔལ་སྤུངས་རིག་གནས་མཐོ་སློབ་དོན་གཉིས་ནོར་བུའི་དགའ་ཚལ་ནས་དེ་གའི་ གསོ་རིག་སློབ་གཉེར་ཁང་དེ་བོད་ཀྱི་གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོང་བའི་ཞུ་སྙན་གནང་འབྱོར་བྱུང་བར་ལྷན་ཚོགས་ཚོགས་ཐེངས་༣༠ པའི་ཐོག་རྟོགས་ཞིབ་ཚོགས་མི་དང་རྟོགས་ཞིབ་དུས་ཚེས་གཏན་འབེབས་ཀྱིས་ ད་ཉིན་ཕྱི་ལོ་༢༠༡༨ ཟླ་༡༠ ཚེས་༡༩ ཉིན་དངོས་སུ་རྟོགས་ཞིབ་ཆེད་ཕེབས་གནང་ཡོད། རྟོགས་ཞིབ་ལས་རིམ་ནང་གསལ་ཐོག་མར་རྟོགས་ཞིབ་ཚོགས་ཆུང་གི་གཙོ་སྐྱོང་ལྷན་ཚོགས་ཀྱི་དྲུང་ཆེ་སྨན་པ་ཚེ་རིང་མཚམས་གཅོད་ནས་རྟོགས་ཞིབ་ཚོགས་མི་རྣམས་ངོ་སྤྲོད་དང་རྟོགས་ཞིབ་ཀྱི་རྒྱབ་ལྗོངས་དང་ལས་དོན་ངོ་སྤྲོད་ ཞུས། དེ་རྗེས་དཔལ་སྤུངས་རིག་གནས་མཐོ་སློབ་ཀྱི་སློབ་སྤྱི་སྨན་རྩིས་རབ་འབྱམས་པ་ཨེ་པ་བསོད་ནམས་རིན་ཆེན་ལགས་ནས་དཔལ་སྤུངས་རིག་གནས་མཐོ་སློབ་ཁང་གི་དམིགས་ཡུལ་དང་འབྲེལ་ཡོད་དགེ་ལས་རྣམས་ངོ་སྤྲོད་གནང་། ཚོགས་ཆུང་གི་ཚོགས་མི་རྣམས་ནས་དེབ་སྐྱེལ་སྒྲིག་གཞི་དང་དེ་བཞིན་ཞུ་སྙན་ནང་གསལ་ཡིག་ཆ་ངོ་མར་གཟིགས་ཞིབ་དང་དོགས་འདྲི་ཡོད་པར་དྲི་བ་ལན་འདེབས་གནང་། དེ་རྗེས་སློབ་ཁང་དུ་དངོས་སུ་རྟོགས་ཞིབ་གནང་བའི་ནང་མཐོ་སློབ་ཡིག་ཚང། རིག་དངོས་འགྲེམས་སྟོན་ཁང། གཡུ་ཐོག་མཆོད་ཁང་དང་དཔེ་མཛོད། སློབ་མའི་འཛིན་ཁང་དང་ཉལ་ཁང། དེ་བཞིན་བརྟག་དཔྱད་སྨན་ཁང་དང་འཇམ་དཔྱད་ཁང། སྨན་སྦྱོར་ཁང་དང་གཡོས་སྦྱོར་ཁང། ཡིད་འཕྲོག་སྨན་གྱི་ལྡུམ་ར་བཅས་ལ་དངོས་སུ་གཟིགས་རྟོགས་གནང་མཐར་ཚོགས་ཆུང་ཚོགས་མི་ཚང་འཛོམས་ཀྱིས་སློབ་ཁང་གི་འཛིན་སྐྱོང་དང་དེ་བཞིན་ཤེས་ཡོན་དང་འབྲེལ་བའི་ཐོག་དོགས་འདྲི་དང་སློབ་ཁང་གི་སློབ་མ་གཉིས་ཟུར་དུ་ཐུགས་ཕྲད་ཀྱིས་སློབ་ཁང་གི་སློབ་འཁྲིད་སློབ་ཚན་དང་སློབ་འཁྲིད་གནང་སྟངས་སོགས་ཤེས་ཡོན་སྤྱི་དང་། ཡང་སྒོས་འཛིན་སྐྱོང་ནས་ཟུར་བལྟའི་དཔེ་དེབ་དང་ཉལ་ཁང་ལ་སོགས་ཀྱི་ཆ་རྐྱེན་གནང་སྟངས་གང་ཅིར་དྲི་བ་ཞུས་རྗེས་མཐར་ཚོགས་ཆུང་གི་སྙན་ཐོ་དང་ཚོགས་མི་སོ་སོའི་དགོངས་འཆར་སྙན་ཤོག་བཅས་བཀང་། ད་ལན་རྟོགས་ཞིབ་འདི་དང་འབྲེལ་ནས་སློབ་ཁང་ནས་༸བྱམས་མགོན་རྡོ་ཆེ་འཆང་མཆོག་སྐུའི་དམིགས་བསལ་མཇལ་ཁ་གོ་སྒྲིག་གནང་བཞིན་༸བྱམས་མགོན་ཏཱའི་སི་ཏུ་རིན་པོ་ཆེ་མཆོག་ནས་དེ་སྔ་བོད་ནང་དཔལ་སྤུངས་རིག་གནས་མཐོ་ སློབ་ཁང་གི་བྱུང་བ་ལོ་རྒྱུས་དང་བོད་དུ་དུས་འགྱུར་བྱུང་རྐྱེན་བཙན་བྱོལ་དུ་བྲོས་བྱོལ་གྱིས་རྒྱ་གར་ནང་དཔལ་སྤུངས་རིག་གནས་མཐོ་སློབ་འདི་གསར་འཛུགས་ཀྱི་དམིགས་ཡུལ་དང་ལས་དོན་གནང་སྒོ་ཁག འབྱུང་འགྱུར་གསོ་རྩིས་རིག་པ་གཙོས་བོད་ཀྱི་རིག་གནས་མི་ཉམས་གོང་སྤེལ་གནང་རྒྱུའི་ལས་འཆར་སོགས་དུས་ཡུན་ཆུ་ཚོད་གཅིག་ཙམ་རིང་བཀའ་སློབ་གནང་། ད་ལན་རྟོགས་ཞིབ་ཚོགས་ཆུང་ནས་རྟོགས་ཞིབ་གནང་བའི་རྟོགས་ཞིབ་ལས་བསྡོམས་སྙན་ཐོ་དང་རྒྱབ་གཉེར། ཟུར་སྦྱར་ཡིག་ཆ་ཁག་བཅས་ལྷན་ཚོགས་ཀྱི་རྗེས་མའི་ཚོགས་འདུའི་ཐོག་གྲོས་བསྡུར་ཐག་ གཅོད་གནང་རྒྱུ་ཡིན་པ་བཅས་རྟོགས་ཞིབ་ལས་བསྡོམས་སྙིང་བསྡུས་སུ་བོད་ཀྱི་གསོ་བ་རིག་པའི་ལྷན་ཚོགས་ནས་ཕྱི་ལོ་༢༠༡༨ ཟླ་༡༠ ཚེས་༢༠ ལ།། …
Inspection to PUBS
As of registration application received from Palpung University of Buddhist Studies (PUBS), an inspection team consisting of four members, Dr. Tsering Tsamchoe and Dr. Tsering Palmo an executive member of CCTM and Bir Tibetan Settlement Officer Mrs. Dolma Tsering and…
གལ་ཆེའི་གསལ་བསྒྲགས།
༄༅། །བོད་ཀྱི་གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོད་པའི་གསོ་རིག་སློབ་གཉེར་ཁང་དང་དེབ་སྐྱེལ་ སྨན་པ་ཡོངས་ལ། ཆེད་ཞུ། བོད་ཀྱི་གསོ་བ་རིག་པའི་ལྷན་ཚོགས་ནས་གསལ་བསྒྲགས་ཞུ་སྙིང་། ཕྱི་ལོ་༢༠༡༨ ཟླ་༤ ཚེས་༥ ཉིན་རྒྱ་གར་ དབུས་གཞུང་གི་གཞུང་འབྲེལ་ (The Gazette of India) གསལ་བསྒྲགས་སྤེལ་བའི་ནང་གསོ་རིག་སློབ་གཉེར་ ཁང་བཞི་སྟེ།༡། བོད་ཀྱི་སྨན་རྩིས་མཐོ་སློབ་ཁང། ༢།ལྕགས་པོ་རི་དྲན་རྟེན་བོད་སྨན་སློབ་གཉེར་ཁང་། ༣།ལ་དྭགས་ དབུས་གཞུང་ནང་པའི་མཐོ་རིམ་སློབ་གཉེར་ཁང་གི་གསོ་བ་རིག་པའི་སྡེ་ཚན། ༤།ཝཱ་ཎ་བོད་ཀྱི་གཙུག་ལག་སློབ་ གཉེར་ཁང་གི་གསོ་བ་རིག་པའི་སྡེ་ཚན་བཅས་བཞི་ནས་སོ་སོའི་སློབ་ཁང་སྒོ་འཛུགས་ནས་ཕྱི་ལོ་༢༠༡༧ བར་གྱི་ སློབ་ཐོན་སྨན་པ་རྣམས་ཀྱི་ལག་འཁྱེར་རྣམས་རྒྱ་གར་དབུས་སྨན་གྱི་ལྷན་ཚོགས་ཀྱི་ཁྲིམས་ཡིག་ཟུར་འཛར་གཉིས་པའི་ནང་བསྐྱར་བཅོས་གཏན་འབེབས་ཀྱིས་གོང་གསལ་ནང་ཚུད་སྨན་པ་རྣམས་ད་ཆ་དྲ་ཐོག་ནས་དེབ་སྐྱེལ་གནང་སྒོ་ཚུགས་ཟིན་ཡོད་པ་དེ་དོན་འབྲེལ་ཡོད་ནས་མཁྱེན་རྟོགས་ཡོང་བ་ཞུ། དེབ་སྐྱེལ་གནང་སྟངས་དང་དགོས་ངེས་ ཡིག་ཆ། དེབ་སྐྱེལ་དོད་སོགས་ཞིབ་ཕྲའི་གནས་ཚུལ་རྒྱ་གར་དབུས་སྨན་གྱི་ལྷན་ཚོགས་ཀྱི་དྲ་རྒྱའི་ཁ་བྱང་འདིའི་ ཐོག་<https://www.ccimindia.org/institution/PractitionersInstructions.html> གཟིགས་གནང་ཡོང་བ་དང་ ཡང་དེབ་སྐྱེལ་དང་འབྲེལ་བའི་ཐོག་དོགས་འདྲི་ཡོད་ཚེ་འབྲེལ་ཡོད་ལས་ཁུངས་ཀྱི་གློག་འཕྲིན་ཁ་བྱང་<helpdesk@ ccimindia.org> དང་ཁ་པར་ཨང་གྲངས་ ༩༦༥༤༤༠༡༧༢༦ ཡང་ན་༩༦༥༤༤༠༡༧༦༣ འདིའི་ཐོག་འབྲེལ་བ་ གནང་དགོས་འདུག་པ་དེ་དོན་དགོངས་འཇགས་ཞུ། གོང་གསལ་དེབ་སྐྱེལ་གནང་སྟངས་དང་དགོས་ངེས་ཡིག་ཆ། དེ་བཞིན་དེབ་སྐྱེལ་དོད་སོགས་གནད་དོན་མདོར་ བསྡུས་ཤིག་(བོད་ཡིག་)ཁ་ཡིག་འདི་མཉམ་ལམ་སྟོན་ཚུལ་ཟུར་སྦྱར་ཞུས་པ་དེ་དོན་གཟིགས་རྟོགས་ཡོང་བ་ཞུ་རྒྱུ་བཅས་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་༢༠༡༨ ཟླ་༡༠…
Important Announcement
Important announcement regarding registration of Sowa-Rigpa Practitioner under CCIM. Click here for the Sowa-Rigpa Degree Recognition published in The Gazette of India dated 5th April 2018. Click here for Registration guidelines in Tibetan.
6th CME on Sowa-Rigpa
Under the Central Sector Schemes of Ministry of AYUSH, Govt. of India, CCTM organized the 6th Continuing Medical Education (CME) for Sowa-Rigpa Doctors at Dharamsala, Himachal Pradesh, India from dated 3rd – 8th September 2018. As usual, the opening session…
རྒྱལ་ཡོངས་གསོ་བ་རིག་པའི་ཉིན་མོ་སྲུང་རྩི།
རྒྱལ་ཡོངས་གསོ་བ་རིག་པའི་ཉིན་མོ་བསྲུང་བརྩི། འཇིག་རྟེན་གྱི་ཁམས་ཀྱི་བྱ་བ་དང་དངོས་པོ་ཐམས་ཅད་ཡུལ་དང་དུས་དང་གནས་སྐབས་ཀྱི་གཞན་དབང་ཤ་སྟག་ཡིན། ལོ་རྒྱུས་སུ་གསལ་བའི་བྱ་དངོས་རྣམས་ནི་ད་ལྟ་དངོས་སུ་མིག་སྔར་མི་མངོན་ཡང་གནས་སྐབས་དེར་མངོན་སུམ་ཡིན་ཅིང་། དེ་ནི་ད་ལྟ་དངོས་སུ་ཕན་བདེ་མྱོང་བཞིན་པའི་དུས་དང་བྱ་བ་མཐའ་དག་སྟེར་བ་པོ་རེད། བྱ་དངོས་དེར་སྐྱར་ལོག་གིས་སྤྱོད་ཐབས་མེད་ཀྱང་དེའི་དུས་དང། དུས་དེར་འགྲོ་བ་མི་རིགས་དེ་དང་དེའི་ནམ་ཡང་ཕན་བདེའི་རྩ་བར་གྱུར་བའི་བྱ་བ་དང། དངོས་པོ་བསྒྲུབ་པ་པོའི་སྐྱེས་བུ་ཁྱད་པར་ཅན་དེ་ཉིད་རྗེས་དྲན་བྱེད་པ་ནི་འཛམ་གླིང་འགྲོ་བ་མིའི་སྤྱི་ཚོགས་དང་རྒྱལ་ཁབ་ཀྱི་སྤྱོད་བཟང་ཞིག་ཡིན། དཔེར་ན་སྟོན་པ་ཤཱཀྱ་ཐུབ་པ་དང་ཡེ་ཤུའི་སྟོན་པ་སོགས་ཀྱི་འཁྲུངས་ཚེས་དང་དེ་དག་གི་མཛད་པ་ཁྱད་པར་ཅན་རྣམས་ད་ལྟའང་རྗེས་དྲན་བྱེད་པ་དང། འཛམ་གླིང་འཕྲོད་བསྟེན་དང་། དགེ་རྒན་དང་ཕ་མའི་དུས་སྟོན་དང་། དེ་བཞིན་རྒྱལ་ཁབ་སོ་སོའི་གཞན་དབང་གི་འཆིང་བ་ལས་གྲོལ་ནས་རང་དབང་བདེ་སྐྱིད་ཀྱི་དཔལ་གསར་དུ་ཐོབ་པའི་དུས་ཚེགས་དྲན་གསོ་དང། ཁྱད་པར་དུ་རང་རེ་གདོང་དམར་བོད་མི་རིགས་ཀྱི་རིག་གཞུང་ཁྲོད་དུ་ལོ་རྒྱུས་སུ་གསལ་བའི་ཡུལ་དུས་གནས་སྐབས་རྗེས་དྲན་དང། རླབས་ཆེན་གྱི་མི་སྣ་དེ་དག་ནུབ་པ་མེད་པར་ནམ་ཡང་མིག་སྔར་ཀྲོང་ངེར་གསལ་བའི་དྲན་རྟེན་བཞེངས་པ་སོགས་ལམ་སྲོལ་ཡོད་པ་དཔེར་ན། སྟོན་པ་སངས་རྒྱས་ཀྱིས་མཉན་ཡོད་ཆོ་འཕྲུལ་གྱི་མཛད་པ་རྗེས་སུ་དྲན་པ་ལྷ་ལྡན་ཆོ་འཕྲུལ་སྨོན་ལམ་ཆེན་མོ། བཙན་པོ་ཁྲི་སྲོང་ལྡེའུ་བཙན་གྱི་བློན་ཆེན་སྟག་སྒྲ་ཀླུ་གོང་གི་རྒྱ་ནག་ཐང་གི་རྒྱལ་ས་ཕབས་ཏེ་བོད་ཀྱི་དཔྱ་བསྡུ་བ་སོགས་དཔའ་བོའི་མཛད་པ་རྗེས་དྲན་ཕོ་བྲང་པོ་ཏཱ་ལའི་རྡོ་རིང་སོགས་མཐའ་ཡས་པ་ཞིག་དུས་ད་ལྟའང་བྱེད་པ་མཐོང་རྒྱུ་ཡོད། དེ་ལ་དུས་རབས་ཉི་ཤུ་པར་རྒྱ་ནག་གི་དམག་དཔུང་སྟོབས་ཤུགས་ཀྱིས་བོད་རྒྱལ་ཁབ་ཡོངས་རྫོགས་བཙན་བཟུང་བྱས་ཏེ་བོད་ཀྱི་ཆོས་དང་རིག་གཞུང་མི་རིགས་དང་བཅས་པ་རྩ་མེད་དུ་འགྲོ་བའི་གཉན་འཕྲང་ཡ་ང་བར་གྱུར་ཚེ་༸གོང་ས་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་སྟོན་འཁོར་འགའ་ཞིག་རྒྱ་གར་དུ་བཙན་བྱོལ་དུ་འབྱོར་བར་རྒྱ་གར་གཞུང་དང་མི་དམངས་ཀྱིས་ཐུགས་བརྩེ་བ་ཆེན་པོས་རྗེས་སུ་བཟུང་སྟེ་སྐྱབས་བཅོལ་གཞིས་སྒར་འཛུགས་འཐུས་བཀའ་དྲིན་བསྐྱང་བ་བཞིན། དེ་དག་ཏུ་ཆོས་དང་རིག་གཞུང་གི་བསྟི་གནས་བོད་ཀྱི་གཏན་སློབ་ཁག་དང་། གདན་ས་དང་བཤད་གྲ་དུ་མ་གསར་འཛུགས་བཀའ་དྲིན་བསྐྱངས་པ་དང་། རླབས་ཆེན་གྱི་མཛད་པ་དེ་དག་གི་ཡ་གྱལ་རིས་མེད་སྐྱེ་དགུའི་ཕན་བདེའི་རྩ་ལག་བོད་ཀྱི་ཐུན་མོང་མིན་པའི་སྨན་རྩིས་ཀྱི་རིག་པ་འདི་ཉིད་སྐྱར་གསོའི་སླད་སྐྱབས་བཅོལ་དུ་ཞབས་ཕྱིར་འབྲངས་པའི་སྨན་རྩིས་མཁས་པ་རྣམས་རྡ་རམ་སཱ་ལཱར་བསྡུ་བསྐོང་མཛད་དེ་སྤྱི་ལོ་༡༩༦༡ ཟླ་༩ ཚེས་༡༡ ཉིན་འཕགས་ཡུལ་དུ་བོད་ཀྱི་སྨན་རྩིས་བསྟན་པ་སླར་གསོའི་མཛད་འཆར་བཀའ་དྲིན་བསྐྱང་བ་ཁུངས་ལྡན་གཞུང་འབྲེལ་ཡིག་ཆ་ཁག་ཏུ་གསལ་བ་བཞིན། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཚོགས་ཐེངས་༣༠ པའི་གྲོས་ཆོད་དོན་ཚན་༣ དགོངས་དོན་གོང་གསལ་གྱི་དུས་ཚེས་དེ་རྒྱལ་ཡོངས་གསོ་བ་རིག་པའི་ཉིན་མོར་གཏན་འབེབས་བྱས་པ་དང་། ཉིན་མོ་དེར་འབྲེལ་ཡོད་ཚང་མས་དུས་ཚེགས་སྲུང་རྩིའི་སྒོ་ནས་༸གོང་ས་སྐྱབས་མགོན་ཆེན་པོའི་བཀའ་དྲིན་རྗེས་དྲན་དང་། དུས་ཚེགས་སྲུང་རྩིའི་དགོས་པ་གཙོ་བོ་སྔོན་བྱོན་བོད་ཀྱི་ཡབ་མེས་རྣམས་ཀྱི་རྣམ་ཐར་ལ་རྗེས་སུ་བསླབས་ཏེ་གསོ་བ་རིག་པའི་ལུང་རྟོགས་ཀྱི་བསྟན་པ་འདི་ཉིད་མི་ཉམས་གོང་འཕེལ་སླད་འཁོར་ལོ་གསུམ་གྱི་བྱ་བ་ལྷོད་པ་མེད་པར་སྐྱོང་བ་ཞུ། བོད་ཀྱི་གསོ་བ་རིག་པའི་ལྷན་ཚོགས་ནས་ཕྱི་ལོ་༢༠༡༨ ཟླ་༩ ཚེས་༧ ལ།།
National Sowa-Rigpa Day Celebration
NATIONAL SOWA-RIGPA DAY CELEBRATION All the events and phenomenon of this world are dependent on time, space and the current happenings. Though the historical events are explicitly not perceivable through our naked eyes at the moment but it is obvious…
CCTM Press Release
In exercise of TMCC Act. and Regulations, Central Council of Tibetan Medicine (CCTM) held its 30th Board Meeting at Dharamsala from 3rd – 7th September 2018. During the meeting, Executive members has passed the 7 points resolution in which following…
General Inspection to CTMI
As of TMCC Act and Regulation, an inspection team consist of member from CCTM, Dr. Tsering Tsamchoe along with a member Mr. Migmar Dorjee; Chief representative officer, Darjeeling Tibetan Settlement and Dr. Lobsang Dhondup Bhutia; Director of Youthok Clinic, Kalimpong…