༄༅། །རྒྱ་ཆེའི་བོད་ཀྱི་གསོ་བ་རིག་པའི་རྒྱུད་འཛིན་འཚོ་བྱེད་སྨན་པ་ཡོངས་ཀྱི་སྙན་ལམ་དུ། ཞུ་གསོལ། ཕྱི་ལོ་༢༠༡༩ ཟླ་༤ ཚེས་༨ ནས་ཚེས་༡༡ བར་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཚོགས་ཐེངས་༣༡ པ་དེ་ བསྐོང་ཚོགས་ཀྱིས་ཚོགས་འདུའི་གྲོས་ཆོད་དོན་ཚན་༣།ཀ ནང་གསལ་ཕྱི་ལོ་༢༠༡༩ ཟླ་༩ ཚེས་༡༡ ཉིན་བོད་ཀྱི་ གསོ་བ་རིག་པའི་ལྷན་ཚོགས་ནས་གསོ་བ་རིག་པའི་ཉིན་མོ་སྲུང་རྩི་ཞུ་རྒྱུ་ཡིན་པའི་ཉིན་མོ་དེའི་ཐོག་གསོ་རིག་ལྷན་ ཚོགས་ནས་༸སྤྱི་ནོར་༸གོང་ས་སྐྱབས་མགོན་༸སྐུ་འཕྲེང་བཅུ་བཞི་པ་ཆེན་པོ་མཆོག་ལ་བོད་ཀྱི་གསོ་བ་རིག་པའི་ བསྟན་པའི་མེ་རོ་རྨང་ནས་གསོས་གནང་མཛད་ཅིང་བོད་ཀྱི་གསོ་བ་རིག་པའི་བསྟན་པ་འདི་ཉིད་མི་ཉམས་དར་སྤེལ་ལ་བཀའ་དྲིན་འཇལ་ཐབས་བྲལ་བའི་སྐུ་དྲིན་རྗེས་དྲན་ཞུ་བ་དང་། དམིགས་བཀར་མགོན་པོ་གང་ཉིད་འདི་ལོ་དགུང་ ཀེག་དངོས་གཞིའི་ཚུལ་བསྟན་སྐུ་གེགས་ཀྱི་མཚན་མ་ཅི་མཆིས་རྨེག་མེད་དུ་ཞི་ནས་སྐུ་ཚེ་༸རྒྱལ་བ་ཚེ་མཐའ་ཡས་པའི་ངོ་བོར་བརྟན་པ་དང་ཐུགས་ཀྱི་བཞེད་དགོངས་མཐའ་དག་གེགས་མེད་ལྷུན་གྱིས་འགྲུབ་པའི་ཆེད་དུ་རང་རེ་བོད་ཀྱི་གསོ་བ་རིག་པའི་འཚོ་བྱེད་སྨན་པ་རྣམས་ནས་སངས་རྒྱས་སྨན་བླའི་གཟུངས་སྔགས་གྲངས་གསོག་དང་དེ་བཞིན་ཁྱབ་ཁོངས་སྨན་པ་རྣམས་ཀྱི་ཚབ་ཞུས་ཏེ་ལྷན་ཚོགས་ནས་དཔལ་ལྡན་དགའ་ལྡན་ཕོ་བྲང་བརྒྱུད་ནས་༸གོང་ས་ ༸སྐྱབས་མགོན་ཆེན་པོ་མཆོག་ལ་སངས་རྒྱས་སྨན་བླའི་སྐུ་བརྙན་འབུལ་བའི་སྒོ་ནས་བརྟན་བཞུགས་བསྟར་འབུལ་ གྱི་མནྜལ་རྟེན་དོད་བཅས་འབུལ་གཏན་འཁེལ་ཡོད་ན་འབྲེལ་ཡོད་སྨན་པ་རྣམས་ནས་སངས་རྒྱས་སྨན་བླའི་ གཟུངས་སྔགས་གྲངས་གསོག་གིས་གྲངས་ཐོ་དང་སྨན་པ་ངོ་རེ་ནས་སེར་སྣ་དང་གཏམ་དོན་སོགས་ཀྱི་དྲི་མས་མ་ གོས་པར་བསམ་པ་རྣམ་དག་གིས་བློས་བཅད་ཞལ་འདེབས་བཅས་ལྷན་ཚོགས་ཀྱི་ལས་ཁུངས་སམ་ཡང་ན་ཁྱབ་ ཁོངས་ས་གནས་འབྲེལ་མཐུད་པ་བརྒྱུད་ནས་ཕྱི་ལོ་༢༠༡༩ ཟླ་༨ ཚེས་༡༥ འགྱངས་མེད་བསྐུར་གནང་ཡོང་བའི་ ཡོངས་ཁྱབ་གསལ་བསྒྲགས་སུ། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་༢༠༡༩ ཟླ་༤ ཚེས་༣༠ ལ་ཕུལ།།
Announcement – Long Life Offering and Medicine Buddha Mantra Accumulation
With the recent resolution passed during the 31st Board Meeting of Central Council of Tibetan Medicine, we are here to announce that we as a Sowa-Rigpa practitioners, will ever remain indebted to His Holiness the XIVth Dalai Lama for the…
ཆོགས་དངུལ་བསྡུ་འབུལ་གསལ་བསྒྲགས།
༄༅། །བོད་ཀྱི་གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོད་པའི་ཚོགས་མི་སྨན་པ་ཡོངས་ལ། ཆེད་ཞུ། བོད་ཀྱི་གསོ་བ་རིག་པའི་ལྷན་ཚོགས་ནས་སྔ་ཕྱིར་རེ་སྐུལ་ཞུས་དོན་ལྷན་ཚོགས་ནས་གཏན་འབེབས་གནང་བའི་ བོད་ཀྱི་གསོ་བ་རིག་པའི་སྨན་པ་རྣམས་ཀྱི་དེབ་སྐྱེལ་ཞུ་སྤྲོད་བྱེད་ཕྱོགས་ཀྱི་སྒྲིག་གཞི་དོན་ཚན་༡༠།ཀ དགོངས་ དོན་ཕྱི་ལོ་༢༠༠༨ ནས་དེབ་སྐྱེལ་ཚོགས་མི་རྣམས་ནས་ཚོགས་དངུལ་མི་ཉུང་བ་རེ་བསྡུ་འབུལ་ཞུ་རྒྱུའི་གྲོས་ཆོད་ བྱུང་ཡོད་ན་འདས་པའི་ལོ་བཅུའི་རིང་ཚོགས་མི་མང་དག་གིས་ཚོགས་དངུལ་དུས་ཐོག་ཕུལ་ཡོད་ན་ཚོགས་མི་ འགའ་རེས་ད་བར་ཚོགས་དངུལ་འབུལ་མེད་པ་དང་འགའ་རེས་ཚོགས་དངུལ་ལོ་ཤས་ཆད་འདུག་ན་ལྷན་ཚོགས་ ནས་གསོ་རིག་གསར་འཕྲིན་དང་དྲ་རྒྱའི་ཐོག་གསལ་བསྒྲགས་སྤེལ་ཡོད་པ་དང་ལྷག་པར་སྔ་ལོ་༢༠༡༧་་༡༨ ལོའི་ ལྷན་ཚོགས་ཀྱི་ལོ་འཁོར་རྩིས་ཞིབ་གནང་བའི་རྩིས་ཞིབ་སྙན་ཐོའི་ནང་དེབ་སྐྱེལ་ཚོགས་མི་རྣམས་ནས་ཚོགས་ དངུལ་ཆད་ལྷག་གི་གནས་སྟངས་གསལ་སྟོན་གནང་ཡོད་ན་ལྷན་ཚོགས་ནས་ད་ལན་སླར་ཡང་དེབ་སྐྱེལ་སྨན་པ་ གང་ཞིག་ཚོགས་དངུལ་འབུལ་མེད་པ་རྣམས་གང་མགྱོགས་ཚོགས་དངུལ་འབུལ་གནང་ཡོང་བའི་རེ་སྐུལ་ཞུ། སྤྱིར་ལོ་འཁོར་རྩིས་ཁྲ་དེ་ཟླ་༣ པའི་ཚེས་༣༡ ནང་མཇུག་སྒྲིལ་བཞིན་ཡོད་ནའང་དེབ་སྐྱེལ་ཚོགས་མི་རྣམས་ནས་ གོང་ཚེས་ནང་ཚུད་འབུལ་ཐུབ་ན་གང་ལེགས་དང་དེ་མིན་དུས་ཚོད་འགྱངས་མེད་ཐོག་ཚོགས་དངུལ་འབུལ་གནང་ཡོང་བའི་རེ་སྐུལ་སླར་ཡང་ཞུ། ཚོགས་དངུལ་ཆད་ལྷག་གནས་སྟངས་དེ་ལྷན་ཚོགས་ཀྱི་གཤམ་གསལ་དྲ་རྒྱའི་ཐོག་ གཟིགས་གནང་ཡོང་བ་ཞུ།། http://tibmedcouncil.org/registered-medical-practitioner/ བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་༢༠༡༩ ཟླ་༣ ཚེས་༢༧ ལ་ཕུལ།།
Notice for renewal of registration and membership
All registered practitioner of CCTM are required to renew their registration as the three years renewal seal of year 2018 is expiring on 31 March 2019. Renewal is a key process which helps to provide assurance that medical practitioners are…
ཆེད་རྩོམ་བསྡུ་སྤེལ་གསལ་བསྒྲགས།
༄༅། །རྒྱ་ཆེ་བོད་ཀྱི་གསོ་བ་རིག་པའི་རྒྱུན་འཛིན་འཚོ་བྱེད་སྨན་པ་ཡོངས་ལ། ཆེད་ཞུ། ཕྱི་ལོ་༢༠༡༨ ཟླ་༩ ཚེས་༧ ཉིན་འདི་ནས་ཡོངས་ཁྱབ་གསར་འགོད་གསལ་བསྒྲགས་སྤེལ་དོན་བཞིན། ལོ་ལྟར་ ཟླ་༩ ཚེས་༡༡ཉིན་རྒྱལ་ཡོངས་གསོ་བ་རིག་པའི་ཉིན་མོ་སྲུང་རྩི་ཞུ་གཏན་འཁེལ་ཡོད་ན་ལྷན་ཚོགས་ནས་ཉིན་མོ་ དེར་༸སྤྱི་ནོར་གོང་ས་སྐྱབས་མགོན་ཆེན་པོ་མཆོག་གིས་རྒྱ་གར་འཕགས་པའི་ཡུལ་དུ་བོད་ཀྱི་གསོ་རྩིས་བསྟན་ པ་སླར་གསོའི་མཛད་འཆར་བཀའ་དྲིན་བསྐྱངས་པར་མགོན་པོ་གང་ཉིད་ཀྱི་སྐུ་དྲིན་དྲན་པའི་ཐོག་དེ་ཉིན་གསོ་བ་ རིག་པའི་ཉིན་མོ་སྲུང་རྩི་ཞུ་རྒྱུ་ལགས་ན་ཉིན་མོ་སྲུང་རྩིའི་ལས་འཆར་འདི་དང་འབྲེལ་གསོ་རིག་ལྷན་ཚོགས་ནས་ བོད་ཀྱི་གསོ་བ་རིག་པའི་ཆེད་རྩོམ་ཕྱོགས་སྒྲིག་༼དང་པོ།༽ཅེས་གསོ་བ་རིག་པའི་ལོ་རྒྱུས་དང་གཞུང་བཤད། ཉམས་ཞིབ་ཡིག་ཆ། ནད་བཅོས་ཉམས་མྱོང། སྨན་རྫས་དང་སྨན་སྦྱོར་ལག་ལེན། ཟས་སྤྱོད་ལམ་སྟོན། དཔྱད་བཅོས་ ལག་ལེན། གསོ་བ་རིག་པའི་བསྟན་པ་འཕེལ་རྒྱས་ཀྱི་ཐབས་ལམ། གཞན་ཡང་གསོ་བ་རིག་པའི་ཉིན་མོ་སྲུང་རྩི་དང་ འབྲེལ་བའི་ཤིས་བརྗོད་སོགས་གསོ་བ་རིག་པའི་བསྟན་པ་སྤྱི་ལ་ཕན་པའི་ཆེད་རྩོམ་ཕྱོགས་སྒྲིག་ཅིག་འདོན་སྤེལ་ཞུ་ རྒྱུ་ཡིན་ན་འབྲེལ་ཡོད་སྨན་པ་རྣམས་ནས་སོ་སོའི་ཆེད་རྩོམ་(སྐད་ཡིག བོད་ཨིན་གང་རུང་།ཡིག་གཟུགས། བོད་ ཡིག་སྨོན་ལམ་ Monlam Uni OuChan2 ཆེ་ཆུང་།Size 16 ཨིན་ཡིག་ Times Roman – 12)དེ་ཕྱི་ལོ་༢༠༡༩ ཟླ་༦ ཚེས་༡ ནང་ཚུད་ལྷན་ཚོགས་སུ་བསྐུར་གནང་ཡོང་བ་ཞུ།…
Send your article for Sorig-Journal
CCTM during the last board meeting has passed a resolution to publish SORIG – JOURNAL on the occasion of Sowa-Rigpa Day Celebration on 11th September 2019. Those interested Sowa-Rigpa practitioner are requested to send their article (Language – Tibetan/English) to…
བཅར་འདྲི་གླེང་མོལ།
རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་གསུམ་པ་བསྐོང་ཚོགས་སྟབས་སྟུན་བོད་ཀྱི་གསོ་བ་རིག་པའི་ལྷན་ཚོགས་ནས་དེབ་སྐྱེལ་ཡོད་པའི་གསོ་རིག་སློབ་གཉེར་ཁང་གི་སྨན་སློབ་དང་ཚོགས་ཆེན་ཐོག་གསུང་བཤད་གནང་མཁན་མཁས་དབང་ཁག་ཅིག་དབར་ཆེད་ལས་ལོ་རྒྱུས་དང་ཉམས་མྱོང་། མ་འོངས་གདོང་ལེན་བྱེད་ཕྱོགས་ཐོག་བཅར་འདྲི་གླེང་མོལ་གི་ལས་རིམ་ཞིག་ཟུར་དུ་གོ་སྒྲིག་ཞུས་པའི་གླེང་མོལ་རྣམས་ཕྱོགས་སྒྲིག་ཞུས་པ་གཤམ་གསལ། ༡། དབུས་གཞུང་ནང་པའི་མཐོ་རིམ་སློབ་གཉེར་ཁང་གི་སྨན་སློབ་རྣམས་ནས་ཚེ་ཡི་རིག་བྱེད་ཀྱི་མཁས་དབང་སློབ་དཔོན་སན་ཇི་བ་ར་ས་ཏོ་གི་ལ་བཅར་འདྲི་ཞུས་པ། ༢། ལྕགས་པོ་རི་བོད་སྨན་སློབ་གཉེར་ཁང་གི་སྨན་སློབ་རྣམས་ནས་སྨན་རམས་པ་རྡོ་རྗེ་རབ་བརྟན་ལགས་སུ་བཅར་འདྲི་ཞུས་པ། ༣། བོད་ཀྱི་སྨན་རྩིས་མཐོ་སློབ་ཁང་གི་སྨན་སློབ་ནས་སྐུ་ཞབས་ཧ་བཊ་ཤཻ་བལ་དང་གླེང་མོལ་ཞུས་པ། ༤། བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་སྨན་སློབ་རྣམས་ནས་ཉམས་ཞིབ་པ་བསྟན་འཛིན་ཆོས་སྒྲོན་ལགས་ དང་གླེང་མོལ་ཞུས་པ། ༥། སྨན་རི་གླིང་འབུམ་བཞིའི་མཐོ་སློབ་ཀྱི་སྨན་སློབ་ནས་ཊོག་ཌར་ཨེ་ཌ་ཝ་ཌ་ལགས་དང་གླེང་མོལ་ཞུས་པ། བཅས་སྨན་སློབ་དང་བཅར་འདྲི་གླེང་མོལ་ལ་མཉམ་བཞུགས་གནང་མཁན་མཁས་དབང་རྣམ་པ་པ་ཚང་མར་ཐུགས་རྗེ་ཆེ་ཞེས་ཞུ།།
Short Communications
As a part of 3rd International Conference on Tibetan Medicine, CCTM publish here a short communications with student and scholar on professional carrier, their experience and future challenges. Student of Central Institute of Buddhist Studies interaction with Dr. Prof. Sanjeev…
གསོ་རིག་འབུམ་བཞིའི་མཐོ་སློབ་ཏུ་རྟོགས་ཞིབ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༡༨ ཟླ་༡༡ ཚེས་༢ ཉིན་ལྷན་ཚོགས་ནས་ཆེད་བསྐོས་རྟོགས་ཞིབ་ཚོགས་ཆུང་གི་ཚོགས་མི་རྣམས་གསོ་རིག་འབུམ་བཞིའི་མཐོ་སློབ་སྨན་རིའི་གླིང་དུ་རྟོགས་ཞིབ་ཆེད་བསྐྱོད་གནང། རྟོགས་ཞིབ་ཚོགས་ཆུང་གི་ཚོགས་མིའི་ཁོངས་ལྷན་ཚོགས་ཀྱི་རྒྱུན་ལས་དྲུང་ཆེ་སྨན་པ་ཚེ་རིང་མཚམས་གཅོད་དང་བོན་གཞིས་ས་གནས་འགོ་འཛིན་སྐུ་ངོ་བློ་ལྡན་ཉི་མ་ལགས། ལྷན་ཚོགས་འོག་དེབ་སྐྱེལ་ཚོགས་མི་སྨན་རམས་པ་སྐྱིད་ལུས་ལགས་བཅས་ཡིན། ཚོགས་ཆུང་གི་ཚོགས་མི་རྣམས་ཟླ་༡༡ ཚེས་༡ སྔ་དྲོ་རྡ་ས་ནས་ཐོན་ནས་དེ་ཉིན་གྱི་དགོངས་མོ་ཕྱག་ཚོད་༧།༤༠ ཐོག་གསོ་རིག་འབུམ་བཞིའི་མཐོ་སློབ་དུ་འབྱོར་ཞིང་དེར་མཐོ་སློབ་སློབ་མ་དང་དགེ་ལས་རྣམས་ནས་སྣེ་ལེན་ཞུས་གནང། ཕྱི་ཚེས་༢ སྔ་དྲོ་ཕྱག་ཚོད་༨།༤༥ ཐོག་ མཐོ་སློབ་ཀྱི་འགན་འཛིན་མཆོག་ནས་རྟོགས་ཞིབ་ཚོགས་མི་རྣམ་པ་༸སྐྱབས་རྗེ་སྨན་རི་ཁྲི་འཛིིན་མཆོག་གི་དམིགས་བསལ་མཇལ་ཁ་གོ་སྒྲིག་གནང་བརརིན་པོ་ཆེ་མཆོག་ལ་ད་ལན་རྟོགས་ཞིབ་ཀྱི་ལས་དོན་དང་རྒྱ་གར་དབུས་གཞུང་ནས་གསོ་བ་རིག་པའི་བསླབ་གཞི་རྩ་འཛིན་གཏན་འབེབས་དང་མཐོ་སློབ་དེབ་སྐྱེལ། དེ་བཞིན་གསོ་རིག་མཐོ་སློབ་ བཞི་ནས་སློབ་ཐོན་སྨན་པ་རྣམས་དེབ་སྐྱེལ་སྒོ་འཛུགས་བཅས་ཀྱི་སྐོར་སྙན་གསེང་དང་ལྷན་ཚོགས་ནས་དཔར་བསྐྲུན་དུས་དེབ་ཁག་བཅས་ཕུལ་བཞེས་གནང། ༸སྐྱབས་རྗེ་སྨན་རི་ཁྲི་འཛིན་མཆོག་ནས་ཀྱང་༸སྐྱབས་རྗེ་གོང་མ་སྨན་རི་ཁྲི་འཛིན་སོ་གསུམ་པ་མཆོག་ནས་གསོ་རིག་འབུམ་བཞིའི་སློབ་གཉེར་མི་ཉམས་རྒྱུན་སྤེལ་གྱི་ཐུགས་དགོངས་ཆེ་ བཞེས་ཡོད་པ་བཞིན་ཕྱི་ལོ་༢༠༡༤ ལོར་མཐོ་སློབ་འདི་དངོས་སུ་སྒོ་འཛུགས་ཀྱིས་ད་ལྟ་རྒྱུན་མཐུད་འགྲོ་བཞིན་ཡོད་པ་གསུངས། དེ་རྗེས་ཕྱག་ཚོད་༩།༡༥ཐོག་རྟོགས་ཞིབ་ཚོགས་མི་རྣམ་པ་མཐོ་སློབ་ཀྱི་འཛིན་སྐྱོང་ཡིག་ཚང་དུ་ཚང་འཛོམས་ཐོག་རྟོགས་ཞིབ་གཙོ་སྐྱོང་ནས་ད་ལན་རྟོགས་ཞིབ་ཀྱི་དམིགས་ཡུལ་དང་འབྲེལ་རྟོགས་ཞིབ་ལས་རིམ་ངོ་སྤྲོད་ཞུས། ཆབས་ཅིག་མཐོ་སློབ་ཀྱི་འགན་འཛིན་དང་སྨན་རི་དགོན་པའི་འཛིན་སྐྱོང་གི་འགན་འཛིན་ལྷན་ཚོགས་ཀྱི་ཚོགས་གཞོན་དང་ཚོགས་མི་ལྷན་འཛོམས་ཡོད་སྟབས་བསྟུན་ལྷན་ཚོགས་ནས་ཉེ་འཆར་རྒྱ་གར་དབུས་གཞུང་ནས་གསོ་བ་རིག་པའི་བསླབ་གཞི་རྩ་་འཛིན་དང་གསོ་རིག་སློབ་གཉེར་ཁང་གི་ཉུང་མཐའི་དགོས་མཁོའི་ཆ་རྐྱེན་སྒྲིག་གཞི། གསོ་རིག་སློབ་གཉེར་ཁང་བཞི་ནས་སློབ་ཐོན་སྨན་པ་རྣམས་དེབ་སྐྱེལ་སྒོ་འཛུགས། མ་འོངས་པ་གསོ་རིག་འབུམ་བཞིའི་མཐོ་སློབ་འདིའང་རྒྱ་གར་དབུས་གཞུང་གི་སྒྲིག་གཞི་གཏན་འབེབས་དེའི་འོག་འགྲོ་དགོས་པས་མཐོ་སློབ་འཛིན་སྐྱོང་ནས་ད་ལྟ་ནས་སྒྲིག་གཞི་དེར་གཟིགས་རྟོགས་ཀྱིས་གྲ་སྒྲིག་གནང་གལ་ཆེ་བ། དེ་ལྟར་གསོ་རིག་སློབ་གཉེར་ཁང་དེབ་སྐྱེལ་ཆེད་མཐོ་སློབ་དེ་མངའ་སྡེའི་ནང་གི་གཙུག་ལག་སློབ་གཉེར་ཁང་ཞིག་ནས་ཚད་འཛིན་ (Affiliation) གནང་དགོས་པ། དེ་བཞིན་མཐོ་སློབ་ཀྱི་ཆ་རྐྱེན་དུ་ནད་གསོ་ཁང་དགོས་པ། ནད་པ་བརྟག་དཔྱད་ཀྱི་སྒོ་བསྟེན་སྨན་ཁང་འཛུག་འཆར་ཡོད་ན་སྒོ་བསྟེན་སྨན་ཁང་མངའ་སྡེའམ་རྫོང་གི་འཕྲོད་བསྟེན་ལས་ཁུངས་ནས་དེབ་སྐྱེལ་ལག་འཁྱེར་ཞུ་དགོས་པ་སོགས་ཡུལ་ཁྲིམས་དང་མཐུན་པའི་གནང་སྒོ་ཁག་འགྲེལ་བརྗོད་ལམ་སྟོན་ཞུས། དེ་རྗེས་རྟོགས་ཞིབ་དངོས་གཞིའི་བརྒྱུད་རིམ་ནང་མཐོ་སློབ་ཀྱི་འཛིན་ཁང་དང་དཔེ་མཛོད། བརྟག་དཔྱད་སྨན་ཁང་དང་དཔྱད་བཅོས་ཁང། སློབ་མའི་ཉལ་ཁང་དང་རང་སྦྱོང་ཁང། ཚོགས་ཁང་དང་གསོལ་ཚིགས་ཁང། སྨན་རྒྱུ་དང་སྨན་སྦྱོར་ཁང་བཅས་ལ་རྟོགས་ཞིབ་གནང་། གསོ་རིག་འབུམ་བཞིའི་མཐོ་སློབ་སྨན་རི་གླིང་འདི་བཞིན་ཐོག་མར་ཕྱི་ལོ་༢༠༡༤ ཟླ་༥ ཚེས་༡༣ ཉིན་དངོས་སུ་སྒོ་འཛུགས་ཀྱིས་ད་ལྟའི་འཆར་སྨན་དགེ་གཉིས་འོག་སྨན་སློབ་སྐབས་དང་པོ་སྟེ་ལོ་རིམ་ལྔ་པའི་ནང་སློབ་མ་བུ་གྲངས་གསུམ་དང་བུ་མོ་གྲངས་ཅིག་བཅས་ཁྱོན་གྲངས་༤ སྨན་སློབ་སྐབས་གཉིས་པ་སྟེ་ལོ་རིམ་བཞི་པའི་ནང་སྨན་སློབ་བུ་གྲངས་གཉིས་དང་བུ་མོ་གྲངས་གསུམ་བཅས་བསྡོམས་གྲངས་༥སྐབས་གསུམ་པ་སྟེ་ལོ་རིམ་གཉིས་པའི་ནང་བུ་གྲངས་བཞི་དང་བུ་མོ་གྲངས་ཅིག་བཅས་བསྡོམས་༥ སྨན་སློབ་སྐབས་བཞི་པ་སྟེ་ལོ་རིམ་དང་པོའི་ནང་སྨན་སློབ་བུ་གྲངས་གཉིས་དང་བུ་མོ་གྲངས་ཅིག་བཅས་༣ ཁྱོན་བསྡོམས་སྨན་སློབ་གྲངས་༡༧…
Inspection to Menri Ling Sorig Bumzhi College
An inspection team consist of member from CCTM, Dr Tsering Tsamchoe with registered member Dr. Kyilu and Mr. Loden Nyima, Settlement Officer Tibetan Bonpo Foundation, Dholanji visited the Menri Ling Sorig Bumzhi Medical college dated 2nd November 2018. Members have submitted…