Central Council of Tibetan Medicine

  ཚོགས་མི་ལྷན་རྒྱས་ལ་ཞུ་རྒྱུར། ལྷན་ཚོགས་ཀྱི་དེ་སྔོན་ཆེས་མཐོའི་སྨན་པའི་ལྷན་ཚོགས་ཀྱི་མཚན་ཐོག་དངུལ་ཁང་ལག་དེབ་ཡོད་པ་དེ་Central Council of Tibetan Medicine ཞེས་དབྱིན་ཡིག་ཐོག་བསྒྱུར་བ་སོང་ཡོད་ན་འབྲེལ་ཡོད་ནས་གཤམ་གསལ་དངུལ་ཁང་ཁ་ཨང་དོ་སྣང་ཡོང་བ་དེ་དོན་མཁྱེན་རྟོགས་སླད་དུ།།   Account name: Central Council of Tibetan Medicine Account no.: 20590110016886 Swift code for bank-to-bank transfer: UCBAINBB001 Address: UCO Bank, CTS Dharamsala – 176215 Distt. Kangra (H.P.) India

བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༡༥ ཟླ་༦ ཚེས་༣༠ ཉིན་ལྷན་ཚོགས་ཀྱི་ཚོགས་མི་སྨན་པ་བསོད་ནམས་ཕུན་ཚོགས་ལགས་ཀྱི་གཙོ་སྐྱོང་འོག་དབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཀྱི་སྐུ་ཚབ་ཚོགས་མི་ངག་དབང་བསྟན་འཛིན་ལགས་དང་རྡ་ས་ས་གནས་འགོ་འཛིན་གྱི་སྐུ་ཚབ་ཚོགས་མི་སྐུ་ཞབས་འདུགས་དཀར་སྐྱབ་ལགས་བཅས་རྟོགས་ཞིབ་ཚོགས་མི་གསུམ་ལས་གྲུབ་པའི་རྟོགས་ཞིབ་ཚོགས་ཆུང་གི་ཚོགས་མི་རྣམས་རྡ་ས་ཁུལ་དུ་ཆགས་པའི་ཀུན་བདེ་ཁང་གསར་བོད་སྨན་བཟོ་གྲྭར་རྟོགས་ཞིབ་ཆེད་ཕེབས་གནང། ལྷན་ཚོགས་ནས་གཏན་འབེབ་གནང་བའི་བོད་ཀྱི་གསོ་བ་རིག་པའི་སྨན་དང་སྨན་སྦྱོར་ཚད་ལྡན་གྱི་རྩ་འཛིན་སྒྲིག་གཞི་དགོངས་དོན་ཀུན་བདེ་བོད་སྨན་བཟོ་གྲྭ་འདི་བཞིན་ཕྱི་ལོ་༢༠༡༢ ལོར་བོད་ཀྱི་གསོ་བ་རིག་པའི་སྨན་སྦྱོར་སྡེ་ཚན་ཚད་ལྡན་ཞིག་ཏུ་ལོ་གསུམ་གྱི་འཕྲལ་སེལ་དེབ་སྐྱེལ་ཞུས་སྤྲོད་གནང་ཡོད་པ་དང། དེ་རྗེས་ཕྱི་ལོ་༢༠༡༤ ལོར་སྨན་སྦྱོར་སྡེ་ཚན་དེར་སྤྱི་བཏང་རྟོགས་ཞིབ་ཞིག་གནང་བ་དང་འདི་ལོའི་ཟླ་༧ ཚེས་༡༩ ཉིན་གོང་གསལ་སྨན་སྦྱོར་ཁང་གི་དེབ་སྐྱེལ་དུས་བཀག་རྫོགས་བཞིན་པར་དེབ་སྐྱེལ་དུས་འགྱངས་ཆེད་ལྷན་ཚོགས་ནས་ད་ལན་རྟོགས་ཞིབ་ཚོགས་ཆུང་འདི་ཟུར་འཛུགས་གནང་ཐོག་སྨན་སྦྱོར་སྡེ་ཚན་དུ་སྨན་རྒྱུ་དང་སྨན་སྦྱོར་ཆེད་ལས། དེ་བཞིན་སྨན་བཟོ་བསྐྲུན་དང་སྨན་སྦྱོར་ལས་མི། ཉེ་འཁོར་ཁོར་ཡུག་དང་སྨན་སྐམ་གསེག་ཚོང་འགྲེམས་སོགས་ལ་ལེགས་པར་རྟོགས་ཞིབ་གནང་ཡོད། ད་ལན་རྟོགས་ཞིབ་འདི་རྟོགས་ཞིབ་ཐེངས་གསུམ་པ་དེ་ཆགས་ཀྱི་ཡོད།།  

གསོ་རིག་འབུམ་བཞིའི་སློབ་ཚན་བཀོད་སྒྲིག་གི་དམིགས་བསལ་ཚོགས་འདུ། ཕྱི་ལོ་༢༠༡༥ ཟླ་༤ ཚེས་༢༩།༣༠ ཉིན་གཉིས་ཀྱི་རིང་ལྷན་ཚོགས་ནས་གསོ་རིག་འབུམ་བཞིའི་སློབ་ཚན་བཀོད་སྒྲིག་ཆེད་དམིགས་བསལ་ཚོགས་འདུ་བསྐོང་ཚོགས་གནང། ཚོགས་འདུའི་ཐོག་དེབ་སྐྱེལ་ཡོད་པའི་གསོ་རིག་སློབ་ གཉེར་ཁང་གི་སློབ་སྤྱིའམ་སྐུ་ཚབ་རེ་གདན་ཞུས་གནང་བ་ལྟར་བོད་ཀྱི་སྨན་རྩིས་མཐོ་སློབ་ཁང་ནས་སྨན་དགེ་ཡེ་ཤེས་དགེ་ལེགས་ལགས་དང། ལྕགས་པོ་རི་དྲན་རྟེན་བོད་སྨན་སློབ་གཉེར་ཁང་ནས་སྨན་པ་རབ་དགའ། གཞན་ཡང་གསོ་རིག་འབུམ་བཞིའི་མཐོ་སློབ་ཁང་གི་དགེ་ཆེ་དགེ་བཤེས་ཚུལ་ཁྲིམས་དབང་གྲགས་ལགས་དང་ལྷན་ཚོགས་ཀྱི་རྒྱུན་ལས་དྲུང་ཆེ་བཅས་ཆེད་ལས་མི་སྣ་བཞི་ལས་གྲུབ་པའི་ཚོགས་ཆུང་གིས་ཉིན་གཉིས་ཀྱི་རིང་ གསོ་རིག་འབུམ་བཞིའི་སློབ་ཚན་དང་ཟུར་བལྟའི་དཔེ་ཆ། རྩིས་དང་ཚན་རིག་ནང་དོན་རིག་པ་སོགས་ཡན་ལག་སློབ་ཚན་བཅས་ལོ་ལྔའི་ནང་གི་བསླབ་གཞི་རྩ་འཛིན་གྱི་སློབ་ཚན་རགས་ཟིན་བཀོད་སྒྲིག་གནང་ཡོད། རགས་ ཟིན་འདི་བཞིན་ལྷན་ཚོགས་ཚོགས་ཐེངས་ཉེར་བཞི་པའི་ཐོག་སླར་གཟིགས་ཞིབ་གྲོས་བསྡུར་གནང་ནས་མཐའ་མའི་གཏན་འབེབ་གནང་རྒྱུ་ཡིན།།  

འཛམ་གླིང་འཕྲོད་བསྟེན་ཉིན་མོ་བསྲུང་རྩི་ཞུས་པ། ཕྱི་ལོའི་ཟླ་༤ ཚེས་༧ ནི་འཛམ་གླིང་འཕྲོད་བསྟེན་ཉིན་མོ་ཞེས་འཛམ་གླིང་ནང་འཕྲོད་བསྟེན་ཆེད་ལས་པ་ཚོས་འཕྲོད་བསྟེན་དང་འབྲེལ་བའི་གཏམ་བཤད་དང་གོ་རྟོགས་ལས་འགུལ་སྤེལ་གྱི་ཡོད། ལྷན་ཚོགས་ནས་འདི་ལོའི་ འཕྲོད་བསྟེན་ཉིན་མོར་ལྡི་ལི་བསམ་ཡས་གླིང་དང་སྒང་ཏོག་ས་གནས་འགོ་འཛིན་གཉིས་ལ་འབྲེལ་བ་ཞུས་ནས་ས་གནས་སུ་འཕྲོད་བསྟེན་ཉིན་མོ་བསྲུང་བརྩི་དང་འབྲེལ་ད་གའི་ས་གནས་འབྲེལ་མཐུན་སྨན་རམས་པ་ ལྷུན་ཁང་ཉི་མ་ཚེ་རིང་ལགས་དང་སྨན་རམས་པ་བསོད་ནམས་ཚེ་རིང་ཟུར་ཁང་གཉིས་ནས་ས་གནས་མི་མང་ལ་བོད་ཀྱི་གསོ་བ་རིག་པའི་ཐོག་ནས་ཟས་སྤྱོད་ཚུལ་བཞིན་བསྟེན་ཚུལ་དང་ནད་གཞི་སྔོན་འགོག་ཐོག་གསུང་ བཤད་བརྩལ་གནང་ཡོད།        

བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དང་བསྐྱར་བཅོས་ཁག བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག ༢༠༠༣ བསྐྱར་བཅོས་ཁག བསྐྱར་བཅོས་དང་པོ། ༢༠༠༧ བསྐྱར་བཅོས་གཉིས་པ། ༢༠༡༠ བསྐྱར་བཅོས་གསུམ་པ། ༢༠༡༡ བསྐྱར་བཅོས་བཞི་པ། ༢༠༡༢  

བོད་ཀྱི་གསོ་བ་རིག་པ་རྒྱ་གར་གཞུང་ཁྲིམས་ནས་ངོས་ལེན་གནང་ཕྱོགས་དང་ཡིག་ཆ། ཕྱི་ལོ་༢༠༠༧ ལོར་རྒྱ་གར་དབུས་གཞུང་འཕྲོད་བསྟེན་ལས་ཁུངས་ནས་ཆེད་ལས་མཁས་པའི་ཚོགས་ཆུང་ཟུར་འཛུགས་གནང། ཕྱི་ལོ་༢༠༠༨ ལོར་མཁས་པའི་ཚོགས་ཆུང་ནས་ཚོགས་ཆུང་གི་ལས་བསྡོམས་ཤོག་གྲངས་༤༢༥ ཡོད་པ་ཞིག་བཀའ་ཤག་ལ་ཕུལ། ཕྱི་ལོ་༢༠༠༩ ཟླ་༩ ཚེས་༡༠ ཉིན་བཀའ་ཤག་ནས་རྒྱ་གར་དབུས་སྨན་གྱི་ལྷན་ཚོགས་ཀྱི་ཁྲིམས་ཡིག་༡༩༧༠ ལ་མོས་མཐུན་གནང། ཕྱི་ལོ་༢༠༡༠ ཟླ་༤ ཚེས་༢༣ ཉིན་འཕྲོད་བསྟེན་བཀའ་བློན་མཆོག་གིས་རྒྱ་གར་གྲོས་ཚོགས་གོང་མའི་ནང་གསོ་བ་རིག་པ་ངོས་ལེན་དང་འབྲེལ་བའི་ཁྲིམས་འཆར་སྙན་སྒྲོན་ཞུས། ཕྱི་ལོ་༢༠༡༠ ལོར་གྲོས་ཚོགས་ནས་ཚོགས་ཆུང་ཟུར་འཛུགས་གནང། ཕྱི་ལོ་༢༠༡༠ ཟླ་༧ ཚེས་༢༡ ཉིན་གྲོས་ཚོགས་གོང་མའི་ཚོགས་ཆུང་ནས་གསོ་བ་རིག་པའི་འཛིན་སྐྱོང་དང་འབྲེལ་བའི་ཆེད་ལས་བསྐོང་ཚོགས་གནང། ཕྱི་ལོ་༢༠༡༠ ཟླ་༨ ཚེས་༡༡ ཉིན་གོང་གསལ་ཚོགས་ཆུང་ནས་གྲོས་ཚོགས་སུ་ལས་བསྡོམས་སྙན་སྒྲོན་ཞུས། ཕྱི་ལོ་༢༠༡༠ ཟླ་༨ ཚེས་༢༥ ཉིན་རྒྱ་གར་གྲོས་ཚོགས་གོང་མའི་ནང་ཁྲིམས་འཆར་ཐོག་བགྲོ་གླེང་གནས་ནས་མཐར་ཁྲིམས་འཆར་ལ་མོས་མཐུན་རྒྱབ་སྐྱོར་གནང། ཕྱི་ལོ་༢༠༡༠ ཟླ་༨ ཚེས་༣༡ ཉིན་རྒྱ་གར་གྲོས་ཚོགས་འོག་མའི་ནང་ཁྲིམས་འཆར་ལ་གྲོས་བསྡུར་གནང་ནས་མོས་མཐུན་རྒྱབ་སྐྱོར་གནང། དེ་ལྟར་གྲོས་ཚོགས་ནས་རྒྱ་གར་དབུས་སྨན་གྱི་ལྷན་ཚོགས་ཀྱི་ཁྲིམས་ཡིག་བསྐྱར་བཅོས་ལ་མོས་མཐུན་གནང་ནས་གྲོས་ཚོགས་ཀྱི་ཕྱི་ལོ་༢༠༡༠ ལོའི་ཁྲིམས་ཡིག་བསྐྱར་བཅོས་ཡིག་ཆ་༤༣ པ་དེ་ཆགས་ཡོད། ཕྱི་ལོ་༢༠༡༠ ཟླ་༩ ཚེས་༢༦ ཉིན་རྒྱ་གར་སྲིད་བློན་མཆོག་ནས་ཆོག་མཆན་མཚན་རྟགས་བཀོད་གནང།…