འདི་ལོ་བོད་ཀྱི་གསོ་བ་རིག་པའི་ལྷན་ཚོགས་དབུ་བརྙེས་ཏེ་མི་ལོ་ཉི་ཤུ་ཧྲིལ་པོ་འཁོར་བ་དང་བསྟུན་འདི་ག་བོད་ཀྱི་གསོ་བ་རིག་པའི་ལྷན་ཚོགས་ཀྱི་གོ་སྒྲིག་འོག་ཕྱི་ལོ་ ༢༠༢༤ ཟླ་ ༦ ཚེས་ ༡༠ ཉིན་གྱི་ཞོགས་པ་ཕྱག་ཚོད་ ༡༠:༠༠ པ་ནས་ཕྱག་ཚོད་ ༡:༠༠ བར་མེག་གྷན་རྡ་ས་བོད་ཀྱི་གསོལ་མགྲོན་ཁང་གི་ཚོགས་ཁང་དུ་དཔལ་ལྡན་དབུས་བོད་མིའི་སྒྲིག་འཛུགས་ཀྱི་སྐོུ་སྲིད་སྐྱོང་མཆོག་དབུ་བཞུགས་ཐོག་བོད་ཀྱི་གསོ་བ་རིག་པའི་ལྷན་ཚོགས་ཀྱི་བྱུང་རབས་དང་གལ་ཆེའི་ལས་དོན་ཇི་བྱས་ཀྱི་ལོ་རྒྱུས་ཕྱོགས་བསྒྲིགས་དཔེ་དེབ་ཀྱི་དབུ་འབྱེད་དང་ལྷན་ཚོགས་ཀྱི་ངོ་སྤྲོད་ཚོགས་འདུ་བསྐོང་འཚོགས་གནང་རྒྱུ་དང་ཚོགས་འདུའི་སྐབས་༧རྒྱལ་བའི་སྐྱུ་བཅར་བླ་སྨན་པ་ཚེ་དབང་རྟ་མགྲིན་མཆོག་དང། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཚོགས་གཙོ་ཚོགས་གཞོན། ཚོགས་གཙོ་ཟུར་པ་བཅས་ནས་གཏམ་བཤད་གནང་གཏན་འཁེལ་ཡོད་པས་བརྟན་བཞུགས་ཆེད་ཕེབས་ཀྱི་སྨན་པ་རྣམས་དང་གཞན་ཡང་ས་གནས་ཀྱི་དེབ་སྐྱེལ་སྨན་པ། རྡ་ས་འགྲོ་ཕན་བོད་ཀྱི་སྨན་རྩིས་ཁང་གི་དེབ་སྐྱེལ་སྨན་པ་གང་མང་ཚོགས་བཅར་གནང་སྐྱོང་ཡོང་བ་མཁྱེན།།
བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་ ༢༠༢༤ ཟླ་ ༦ ཚེས་ ༤ ལ།།
