Circular to all the Registered College/Institution regarding Registration of Sowa-Rigpa Practitioner under CCIM.
ཆེད་རྩོམ་བསྡུ་སྤེལ་གྱི་གསལ་བསྒྲགས།
དགོངས་གསལ་བཞིན་ཕྱི་ལོ་༢༠༡༩ ནས་ལོ་ལྟར་གསོ་བ་རིག་པའི་ཉིན་མོ་སྲུང་རྩི་ཞུ་གཏན་འཁེལ་བ་དང་ཉིན་མོ་སྲུང་རྩིའི་ཐོག་གསོ་ རིག་ལྷན་ཚོགས་ནས་གསོ་རིག་ཆེད་རྩོམ་ཕྱོགས་བསྡུས་ཅེས་དེབ་ཕྲེང་རེ་འདོན་རྒྱུའི་འཆར་གཞི་ཡོད་པ་ལྟར་དེབ་ཐེངས་དང་པོ་དེ་ཕྱི་ལོ་༢༠༡༩ ཟླ་༩ ཚེས་༡༡ ཉིན་དབུ་འབྱེད་འགྲེམས་སྤེལ་གནང་ཡོད་པ་དང། འདོན་ཐེངས་གཉིས་པ་འདི་ཕྱི་ལོ་༢༠༢༠ ལོའི་ཟླ་༩ ནང་དཔར་བསྐྲུན་འགྲེམ་སྤེལ་ཞུ་རྒྱུ་ཡིན་ན་གསོ་རིག་ཆེད་རྩོམ་ཕྱོགས་བསྡུས་དེབ་གཉིས་པའི་ཆེད་དུ་བརྗོད་གཞི་གསོ་བ་རིག་པའི་གཞུང་ལུགས་དང་ལོ་རྒྱུས། བརྟག་དཔྱད་སྨན་བཅོས་དང་སྨན་རྒྱུ་སྨན་སྦྱོར་གྱི་ལག་ལེན། དེ་བཞིན་གསོ་བ་རིག་པའི་ཐོག་ཉམས་ཞིབ་དང་འཕྲོད་བསྟེན་སྤྱི་བཤད་བཅས་ཐོག་ཆེད་རྩོམ་བསྡུ་རྒྱུ་ཡིན་ན་འབྲེལ་ཡོད་སྨན་པ་རྣམས་ནས་སོ་སོའི་ཆེད་རྩོམ་༼སྐད་ཡིག བོད་ཨིན་གང་རུང་། བོད་ཡིག་སྨོན་ལམ་ཆེ་ཆུང་ཨང་༡༤ ཨིན་ཡིག་ Times Roman 12 དེ་ཕྱི་ལོ་༢༠༢༠ ཟླ་༦ ཚེས་༣༠ ནང་ཚུད་ལྷན་ཚོགས་སུ་བསྐུར་གནང་ཡོང་བ་ཞུ། ལྷན་ཚོགས་ནས་རྩོམ་སྒྲིག་ཚོགས་ཆུང་ཟུར་འཛུགས་ཀྱིས་ཆེད་རྩོམ་འདེམ་སྒྲུག་དང་མཐའ་མའི་ཆེད་རྩོམ་འདེམས་སྒྲུག་གནང་བ་རྣམས་དོ་བདག་ལ་འབྲེལ་ཞུས་ཀྱིས་དཔར་བསྐྲུན་ཞུ་རྒྱུ་ཡིན་པ་བཅས་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་༢༠༡༩ ཟླ་ ༡༢ ཚེས་༣༠ ལ་ཕུལ།། གསལ་བསྒྲགས།
Send Your Article for SORIG Journal
With the continuation of Sorig Journal (1st Edition), CCTM will publish its 2nd Edition in Sept. 2020. Thus we request all the Tibetan Medical Practitioner to send your Article on Sowa-Rigpa (Topic: History, Philosophy, Practice, Research) before 30th of June…
ཡིད་སྐྱོའི་གནས་ཚུལ།
ད་ཉིན་བོད་རྒྱལ་ལོ་༢༡༤༦ རབ་གནས་ས་ཕག་ལོའི་དབྱུག་ཟླ་བའི་ཚེས་༣༠ སྤྱི་ལོ་༢༠༡༩ ཟླ་༡༡ ཚེས་༢༦ སྔ་དྲོའི་ཆུ་ཚོད་༢།༥༣ ཐོག་༸རྒྱལ་བའི་བླ་སྨན་ཟུར་པ་རྔོག་རིགས་དགེ་སློང་ཡེ་ཤེས་དོན་མཆོག་སྐུ་ཚེའི་འཕེན་པ་རྫོགས་པའི་ཡིད་སྐྱོའི་གནས་ཚུལ་ཐོན་པར་བོད་ཀྱི་གསོ་བ་རིག་པའི་རྗེས་འཛིན་སྨན་པ་ཡོངས་ནས་མྱ་ངན་རྗེས་དྲན་ཞུ་བ་དང་ཆབས་ཅིག་ཤུལ་ལུས་ནང་མི་ཉེ་འབྲེལ་ཡོངས་ལ་ཐུགས་གསོ་ཞུ། དམ་པ་མཆོག་སྐུ་ཉིད་ནམ་ཡང་བསླུ་བ་མེད་པའི་མཆོག་གསུམ་ཐུགས་རྗེའི་སྟོབས་ཀྱིས་མཐར་ཐུག་རྡོ་རྗེ་འཆང་གི་གོ་འཕང་འཐོབ་པ་དང་གནས་སྐབས་བདེ་འགྲོ་ལྷ་མི་དང་ཡང་སྒོས་དལ་འབྱོར་མི་ལུས་རིན་ཆེན་བདེ་བླག་ཏུ་རྙེད་ཅིང་དམ་པ་ཁོང་གིས་རྟག་ཏུ་སྙིང་གི་ཞེན་དོན་གསོ་བ་རིག་པའི་སྒོ་ནས་འགྲོ་དོན་བསྐྱངས་པའི་མཛད་པ་འདི་ཉིད་རྣམ་བྱང་ས་ཡི་བར་དུ་འགྲུབ་པའི་གསོལ་འདེབས་དང་། འགྲོ་བ་ནད་པའི་མགོན་སྐྱབས་དམ་པར་མྱུར་དུ་འབྱོན་པའི་སྨོན་ལམ་ཞུ་བ་བཅས་བོད་ཀྱི་གསོ་བ་རིག་པའི་ལྷན་ཚོགས་ནས་ཕྱི་ལོ་༢༠༡༩ ཟླ་༡༡ ཚེས་༢༦ ལ།། ༸རྒྱལ་བའི་བླ་སྨན་ཟུར་པ་ཡེ་ཤེས་དོན་ལྡན་མཆོག་གི་སྐུ་ཚེ་ལོ་རྒྱུས་སྙིང་བསྡུས། ༸རྒྱལ་བའི་བླ་སྨན་ཟུར་པ་ཡེ་ཤེས་དོན་ལྡན་མཆོག་ནི་བོད་རབ་བྱུང་བཅུ་དྲུག་པའི་མེ་ཡོས་ཕྱི་ལོ་༡༩༢༧ ཟླ་༥ ཚེས་༡༥ ཉིན་བོད་ཀྱི་རྒྱལ་ས་ལྷ་སའི་ལྷོ་ངོས་སུ་ཆགས་པའི་ལྷོ་ཁ་ཡར་འབྲོག་སྣ་དཀར་རྩེ་རྫོང་ཁོངས་ལྷུན་པོ་གཞོལ་གྲོང་ཚོའི་ཁང་གསར་གོང་མ་ཞེས་པར་རྔོག་ཆོས་སྐུ་རྡོ་རྗེ་དང་རྔོག་ལོ་ཙཱ་བ་བློ་ལྡན་ཤེས་རབ་གཉིས་ཀྱི་གདུང་བརྒྱུད་ལས་མཆེད་པའི་ཁྱིམ་བརྒྱུད་ཆེན་པོ་ཞིག་ཏུ་ཡབ་བཀྲ་ཤིས་ཚེ་རིང་དང་ཡུམ་མེ་ཏོག་སྒྲོལ་དཀར་གཉིས་ཀྱི་སྲས་སུ་སྐུ་འཁྲུངས། དགུང་གྲངས་དྲུག་ཙམ་ནས་སློབ་གཉེར་གསན་མགོ་གནང་བ་དང་། དགུང་ལོ་༡༢ ཐོག་ལྷན་ལྡན་སྨན་རྩིས་ཁང་ཁང་དུ་༸རྒྱལ་བ་སྐུ་ཕྲེང་བཅུ་གསུམ་པའི་༸སྐུའི་བླ་སྨན་མཁས་དབང་མཁྱེན་རབ་ནོར་བུ་སོགས་བསྟེན་ནས་སྨན་རྩིས་རིག་གནས་མཐའ་དག་ལ་སྦྱང་བརྩོན་གནང་ནས་དགུང་ལོ་ཉི་ཤུའི་ཐོག་བསླབ་པ་མཐར་ཕྱིན་མཛད། ཕྱི་ལོ་༡༩༤༧ལོར་སློབ་མཐར་སོན་རྗེས་བོད་ལྷོ་ཁ་ལྷོ་བྲག་ཁུལ་དུ་སྨན་པའི་ཕྱག་ལས་ཐོག་མ་གནང། དེ་ཚེ་ལྷོ་ཁ་ཁུལ་དུ་བཅོས་དཀའི་ནད་ཡམས་ཤུགས་ཆེ་ཁྱབ་ནས་རིམས་ནད་ཀྱིས་འཆི་རྐྱེན་མང་པོ་བྱུང་བར་བརྟེན་རང་རིག་ རྩལ་བཏོན་གྱི་སྨན་གསར་བཟོ་མཛད་དེ་ནད་པ་མང་པོར་སྨན་བཅོས་གནང་བར་ཕན་འབྲས་བཟང་པོ་ཐོབ་ནས་སྨན་པ་མཁས་པའི་མཚན་སྙན་རྒྱ་ཆེར་ཁྱབ། ཕྱི་ལོ་༡༩༥༩ ལོར་རྒྱ་གར་དུ་བཙན་བྱོལ་ལ་ཕེབས་རྗེས་༸གོང་ས་སྐྱབས་མགོན་ཆེན་པོ་མཆོག་གི་བཀའ་དགོངས་བཞིན་ཕྱི་ལོ་༡༩༦༡ ལོར་བཞུགས་སྒར་རྡ་རམ་སཱ་ལཱར་བོད་གཞུང་སྨན་རྩིས་ཁང་ཐོག་མར་གསར་འཛུགས་བསྐྱངས་པ་དང་སྦྲགས། སྨན་རྩིས་ཁང་གི་བརྟག་དཔྱད་སྨན་པའི་ཐུགས་འགན་བཞེས་ཏེ། སྨན་སྦྱིན་ཁང་ཞེས་པའི་སྨན་དགེ་དང་འགན་འཛིན་གཅིག་ལྕོག་མཛད། དེ་རྗེས་༸གོང་ས་ལྷ་མིའི་རྣམ་འདྲེན་སྐྱབས་མགོན་རྒྱལ་བ་ཡིད་བཞིན་ནོར་བུའི་༸སྐུའི་བླ་སྨན་མཛད་པར་མ་ཟད། ༸རྒྱལ་བའི་ཡོངས་འཛིན་རྣམ་གཉིས་དང་རྒྱལ་ཡུམ་ཆེན་མོ་སོགས་ལའང་བརྟག་དཔྱད་སྨན་བཅོས་ཀྱི་ཞབས་ཞུ་མཛད་པ་དང་། འབྲེལ་ཡོད་རྒྱ་གར་གྱི་ས་གནས་དཔོན་རིགས་ཁག་དང་ལྷག་པར་སྐབས་དེའི་རྒྱ་གར་གྱི་སྲིད་བློན་ལྕམ་སྐུ་ཨིན་དར་གྷན་དྷི་སོགས་ལ་བརྟག་དཔྱད་སྨན་བཅོས་མཛད་དེ་བླ་སྨན་པའི་མཚན་སྙན་རྒྱ་ཆེར་ཁྱབ་སྟེ་སྨན་རྩིས་ཁང་ཡར་རྒྱས་གོང་འཕེལ་གཏོང་ཐུབ་པ་བྱུང་ཡོད། ཕྱི་ལོ་༡༩༦༧ ལོར་༸གོང་ས་མཆོག་གི་བཀའ་དགོངས་ལྟར་སི་པན་རྒྱལ་ཁབ་ཁག་༧༥ འཐུས་མི་ལྷན་འཛོམས་ཀྱི་སྲོལ་རྒྱུན་སྨན་གྱི་ཚོགས་འདུའི་ཐོག་ཆེད་ཕེབས་གནང་སྟེ། བོད་ཀྱི་གསོ་བ་རིག་པའི་གཞུང་ལུགས་ངོ་སྤྲོད་སོགས་ཀྱི་གསུང་བཤད་དང། ནད་པར་བརྟག་དཔྱད་སྨན་བཅོས་གནང་བར་རྒྱལ་ཁབ་དེའི་གསེར་གྱི་རྟགས་མའི་བྱ་དགའ་ཐོབ། ལྷག་པར་སི་པན་རྒྱལ་པོ་སྐུ་འཁོར་བཅས་པར་བརྟག་དཔྱད་སྨན་བཅོས་གནང་བ་མ་ཟད། ཁུལ་དེར་ བོད་ཀྱི་རྒྱལ་དར་ཐོག་མ་བསྒྲེངས་འཛུགས་ཀྱིས་བོད་དོན་ཁྱབ་སྤེལ་རྒྱ་ཆེར་གནང་། སྤྱི་ལོ་༡༩༦༩…
Obituary: Former Personal Visiting Physician to His Holiness the Dalai Lama, Dr. Yeshi Dhondhen Passes Away
On behalf of all the Tibetan Medical Practitioners, we the executive members of CCTM deeply condoles the demise of Dr. Yeshi Dhondhen; (Reg. No. – CCTM/QMP/3382/2010) formal personal visiting physician to His Holiness the 14th Dalai Lama. The 93 years…
ལྷན་ཚོགས་ཚོགས་ཐེངས་༣༢ པ་བསྐོང་ཚོགས།
ཕྱི་ལོ་༢༠༡༩ ཟླ་༡༡ ཚེས་༤ ་་་ ༨ བར་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཚོགས་ཐེངས་༣༢ པ་དེ་བསྐོང་ཚོགས་གནང་ཡོད། ཚོགས་ཐེངས་འདི་ནི་སྐབས་དྲུག་པའི་གསོ་རིག་ལྷན་ཚོགས་ཀྱི་ཚོགས་ཐེངས་དང་པོ་དེ་ཆགས་ཀྱི་ཡོད། ཕྱི་ལོ་༢༠༡༩ ཟླ་༡༠ ཚེས་༡༥ ཉིན་ལྷན་ཚོགས་ཀྱི་སྐབས་དྲུག་པའི་འོས་བསྡུའི་ཚོགས་ཆུང་ནས་ལྷན་ཚོགས་སྐབས་དྲུག་པའི་ཚོགས་གཙོ་ཚོགས་གཞོན་དྲུང་ཆེ་གསུམ་འོས་འདེམས་ཀྱིས་སྒྲིག་གཞི་དགོངས་དོན་འོས་བསྡུའི་ཡིག་ཆ་ཆ་ཚང་ལྷན་ཚོགས་སུ་ཕུལ་གནང་། ལྷན་ཚོགས་སྐབས་དྲུག་པའི་ཚོགས་མི་གཤམ་གསལ། བསྐོས་གཞག་ཚོགས་མི། ཚོགས་མི། ༸སྐུ་བཅར་སྨན་པ་ཚེ་དབང་རྟ་མགྲིན། ཚོགས་མི། སྨན་པ་བསྟན་འཛིན་ནོར་བཟང་། ༼འཕྲོད་བསྟེན་ལས་ཁུངས་ནས་དམིགས་འཛུགས་གནང་བའི་ཕྱི་ལུགས་སྨན་པ།༽ མཐོ་སློབ་སྐུ་ཚབ་ཚོགས་མི། ཚོགས་མི། སྨན་རམས་པ་བསྟན་པ་ཆོས་འཕེལ། ཚོགས་མི། སློབ་དཔོན་རག་རྡོ་བློ་བཟང་བསྟན་འཛིན། ཚོགས་མི། སྨན་རམས་པ་འཕྲིན་ལས་གཡང་འབྱོར། ཚོགས་མི། སྨན་པ་བྱམས་པ་མཁས་གྲུབ། འོས་འདེམས་ཚོགས་མི། ཚོགས་གཙོ། སྨན་པ་ཚེ་རིང་མཚམས་གཅོད། ཚོགས་གཞོན། སྨན་རམས་པ་ཆོས་ལོ་ཐར། དྲུང་ཆེ། སྨན་རམས་པ་ངག་དབང་སྦྱིན་པ། ཚོགས་མི། སྨན་པ་ཐོགས་མེད། ཚོག་སམི། སྨན་རམས་པ་རྣམ་རྒྱལ་ཁྱུ་གསར། ཚོགས་མི།…
CCTM 32nd Board Meeting
Central Council of Tibetan Medicine (CCTM) held its 32nd Board Meeting at Conference Hall, Dept. of Health, CTA Dharamsala from dated 4th till 8th of November, 2019. This is the first board meeting of CCTM 6th Term Executive Member, after…
༸སྐུ་བཅར་སྨན་པ་ཚེ་དབང་རྟ་མགྲིན་མཆོག་ལ་གཡུ་ཐོག་གཟེངས་རྟགས་ཕུལ་བཞེས་གནང་བ།
༄༅། །གཡུ་ཐོག་གཟེངས་རྟགས་འདི་བཞིན་ཐོག་མར་བོད་རབ་བྱུང་བཅུ་བདུན་པའི་ས་གླང་ཕྱི་ལོ་ ༢༠༠༩ ལོར་བོད་ཀྱི་གསོ་བ་རིག་པའི་ལྷན་ཚོགས་ནས་༼བོད་ཀྱི་གསོ་བ་རིག་པའི་གཟེངས་ཐོན་མི་སྣར་འབུལ་རྒྱུའི་གཡུ་ཐོག་གཟེངས་རྟགས་ཀྱི་སྒྲིག་གཞི་༽ཞེས་གཟེངས་རྟགས་འབུལ་ཕྱོགས་ཀྱི་སྒྲིག་གཞི་ཟུར་དུ་གཏན་ འབེབས་ཀྱིས་ལག་བསྟར་མགོ་གཙུགས་གནང་བ་ཞིག་ཡིན། གཟེངས་རྟགས་འདི་ཉིད་འབུལ་དགོས་པའི་དམིགས་ཡུལ་གཙོ་བོ་ནི། བོད་ཀྱི་གསོ་བ་རིག་པའི་ལས་དོན་ཐོག་དམིགས་བསལ་ཧུར་བརྩོན་དང་ལྷག་བློ་ཆེ་བསྐྱེད་ཀྱིས་བྱས་རྗེས་རྩེ་ཕུད་ཐོན་མཁན་རྣམས་ངོས་འཛིན་དང་གཟེངས་བསྟོད་བྱ་རྒྱུའི་ཆེད་དུ་ཡིན་པས། དུས་ཡུན་ལོ་གསུམ་རེའི་མཚམས་སུ་གཟེངས་རྟགས་ཐེངས་རེ་འབུལ་དགོས་པ་ཡིན། གཡུ་ཐོག་གཟེངས་རྟགས་ཀྱི་འོས་འདེམས་བྱེད་ཕྱོགས་ནི། བོད་ཀྱི་གསོ་བ་རིག་པའི་ལྷན་ཚོགས་ནས་ཚོགས་མི་ལྔ་ལས་གྲུབ་པའི་འདེམས་སྒྲུག་ཚོགས་ཆུང་ཟུར་འཛུགས་གནང་རྗེས་ཚོགས་ཆུང་དེས་འོས་ཆོས་ཚང་བའི་འོས་གཞི་གྲངས་གསུམ་ནས་ལྔ་བར་འདེམས་སྒྲུག་གནང་སྟེ་འོས་གཞི་དེ་དག་གི་ལོ་རྒྱུས་དང་རྒྱབ་གཉེར་སྙན་ཐོ་བཅས་ལྷན་ཚོགས་སུ་འབུལ་དགོས་པ་དང་། འདེམས་སྒྲུག་ཚོགས་ཆུང་གིས་ཕུལ་བའི་འོས་གཞི་དང་རྒྱབ་གཉེར་སྙན་ཐོ་བཅས་ལ་སླར་གསོ་རིག་ལྷན་ཚོགས་ཀྱི་ཚོགས་མི་རྣམས་ནས་གྲོས་བསྡུར་གནང་རྗེས་སྤྱི་མོས་སམ་མང་མོས་ཀྱིས་འོས་འདེམས་བྱ་དགོས་པ་ཡིན། ཐེངས་འདིའི་གཡུ་ཐོག་གཟེངས་རྟགས་ཀྱི་འོས་གཞིར་སྨན་པ་བཞི་ཡོད་པ་ལས་༸སྐུ་བཅར་སྨན་པ་ཚེ་དབང་རྟ་མགྲིན་མཆོག་ལ་སྤྱི་མོས་ཀྱིས་གཟེངས་རྟགས་འབུལ་རྒྱུར་ཐག་གཅོད་བྱུང་ཡོད། ༸སྐུ་བཅར་སྨན་པ་ཚེ་དབང་རྟ་མགྲིན་མཆོག་གི་ལོ་རྒྱུས་མདོར་བསྡུས། ༸སྐུ་བཅར་སྨན་པ་ཚེ་དབང་རྟ་མགྲིན་མཆོག་ནི་བོད་ཀྱི་སྟོད་དིང་རི་ཡུལ་ན་སྐུ་འཁྲུངས་ཤིང་ཕྱི་ལོ་༡༩༥༩ ལོར་བོད་དུ་དུས་ གྱུར་བྱུང་ནས་རྒྱ་གར་དུ་སྐྱབས་བཅོལ་དུ་ཕེབས། ཕྱི་ལོ་༡༩༦༣ ནས་ཕྱི་ལོ་༡༩༧༢བར་རྒྱ་གར་བྱང་ཕྱོགས་ཌལ་ཧོར་གཏན་ སློབ་ནས་གཞི་རིམ་དང་འབྲིང་རིམ་སློབ་གྲྭ་ཐོན། དེ་རྗེས་བོད་ཀྱི་སྨན་རྩིས་ཁང་དུ་འཛུལ་བཞུགས་ཀྱིས་སྨན་རྩིས་སློབ་སྦྱོང་ཐར་ཕྱིན་བསླབ་ནས་ལོ་གཅིག་ལྷག་སྨན་པ་བཀྲ་ཤིས་རྒྱལ་མཚན་དྲུང་ནས་ཉམས་གསོག་གནང་རྗེས་ཕྱི་ལོ་༡༩༧༨ ལོར་སྨན་པ་དཀའ་བཅུ་པའི་སློབ་ཐར་སོན། དེ་རྗེས་སྦེལ་ཀོབ་ཡན་ལག་སྨན་ཁང་དུ་ཐོག་བརྟག་དཔྱད་སྨན་པ་གནང་བ་དང་དེ་ནས་ལྡི་ལི་ ནི་ཛཱ་མུ་དྷིན་ཡན་ལག་སྨན་ཁང་དུ་ལོ་༡༨ རིང་བརྟག་དཔྱད་སྨན་པའི་ཕྱག་ལས་གནང། དེ་ནས་ཕྱི་ལོ་༡༩༨༧ དང་ ༡༩༩༩ ལོར་སྨན་རམས་པ་ཆུང་བ་དང་འབྲིང་བའི་ལག་འཁྱེར་བཞེས། ཕྱི་ལོ་༢༠༠༡ ནས་༢༠༠༤ བར་བོད་ཀྱི་སྨན་རྩིས་ཁང་གི་སྨན་ སྦྱོར་འགན་འཛིན་གནང། སྐབས་དེ་དུས་༸གོང་ས་མཆོག་གི་སྐུ་བཅར་སྨན་པའི་ལས་གནད་ཐོག་བསྐོ་བཞག་མཛད་ནས་ད་བར་གནང་མུས་དང་། གཞན་ཡང་བོད་ཀྱི་སྨན་རྩིས་མཐོ་སློབ་ཁང་གི་སློབ་སྤྱིའི་ལས་འཁུར་ཞུས་ཡོད་པ་དང། དེ་བཞིན་བོད་ ཀྱི་སྨན་རྩིས་ཁང་གི་འགན་འཛིན་གཞོན་པ་དང་འགན་འཛིན་གྱི་ཕྱག་ལས་ཀྱང་གནང་ཡོད། ད་ལྟའི་ཆར་བོད་ཀྱི་སྨན་རྩིས་ཁང་ གི་སྨན་རྩིས་ལྷན་ཚོགས་ཀྱི་ཚོགས་གཞོན་དང་གསོ་རིག་ལྷན་ཚོགས་ཀྱི་འཛིན་སྐྱོང་ཚོགས་མི་ལས་འཁུར་གནང་བཞིན་པ་མ་ཟད་ཉིན་ལྟར་ཞོགས་པ་ཆུ་ཆོད་༥ ནས་ཉིན་དགུང་ཆུ་ཚོད་༡བར་ནད་པ་བརྟག་དཔྱད་གནང་བཞིན་ཡོད་པ་དང། འདས་པའི་ལས་ཡུན་རིང་ཕྱི་རྒྱལ་དང་རྒྱ་གར་གྱི་ཡུལ་གྲུ་ཁག་ཏུ་སྨན་གྱི་ཚོགས་ཆེན་ནང་གཏམ་བཤད་དང་སྨན་སྐོར་ཆེད་བསྐྱོད་ཀྱིས་ཁྱོན་མི་ལོ་༤༠…
CCTM presents its 4th Yuthog Award to Dr. Tsewang Tamdin
YUTHOG AWARD Awarding of ‘Yuthok Award’ was started in the year 2009 after passing the law on the ‘Rules and Regulations of Yuthok Award’ by the Central Council of Tibetan Medicine. Aim and objective of giving this award is to…
གསོ་བ་རིག་པའི་ཉིན་མོ་སྲུང་རྩི་ཞུས་པ།
ཕྱི་ལོ་༢༠༡༩ ཟླ་༩ ཚེས་༡༡ ཉིན་རྒྱ་གར་གྱི་རྒྱལ་ས་ལྡི་ལིར་བོད་ཀྱི་གསོ་བ་རིག་པའི་ལྷན་ཚོགས་ཀྱི་གོ་སྒྲིག་འོག་གསོ་བ་རིག་པའི་ཉིན་མོ་སྲུང་རྩི་ཐེངས་དང་པོ་གོ་སྒྲིག་གནང་ཡོད། ཉིན་མོ་སྲུང་རྩིའི་མཛད་སྒོའི་ཐོག་སྐུ་མགྲོན་གཙོ་བོ་རྒྱ་གར་དབུས་ཨཱ་ཡུ་ཤའི་དྲུང་ ཆེ་ལས་འཕར་སྐུ་ཞབས་ Pramod Kumar Pathak མཆོག་དང་དམིགས་བསལ་སྐུ་མགྲོན་བོད་མི་མང་སྤྱི་འཐུས་ལྷན་ཚོགས་ཀྱི་ ཚོགས་གཙོ་སྐུ་ཞབས་པདྨ་འབྱུང་གནས་མཆོག དམིགས་བསལ་སྐུ་མགྲོན་གཞན་བོད་མིའི་སྒྲིག་འཛུགས་འཕྲོད་བསྟེན་བཀའ་བློན་སྐུ་ཞབས་ཆོས་སྐྱོང་དབང་ཕྱུག་མཆོག་ཆེད་ཕེབས་གནང་ཡོད། ད་ལན་བོད་ཀྱི་གསོ་བ་རིག་པའི་ལྷན་ཚོགས་ནས་གསོ་བ་རིག་པའི་ཉིན་མོ་སྲུང་རྩི་ཞུ་དགོས་ཀྱི་དམིགས་ཡུལ་གཙོ་བོ་ནི་ཕྱི་ལོ་ ༡༩༥༩ ལོར་བོད་དུ་དུས་གྱུར་བྱུང་རྗེས་༸སྤྱི་ནོར་གོང་ས་སྐྱབས་མགོན་ཆེན་པོ་སྟོན་འཁོར་འགའ་ཞིག་རྒྱ་གར་དུ་བཙན་བྱོལ་དུ་ འབྱོར་ཞིང་བཙན་བྱོལ་དུ་བོད་མིའི་གཞིས་སྒར་དང་སློབ་གྲྭ གདན་ས་དང་བཤད་གྲ་དུ་མ་གསར་འཛུགས་བཀའ་དྲིན་བསྐྱངས་པ་ སོགས་རླབས་ཆེན་གྱི་མཛད་པ་དེ་དག་གི་ཡ་གྱལ་རིས་མེད་སྐྱེ་དགུའི་ཕན་བདེའི་རྩ་ལག་བོད་ཀྱི་ཐུན་མོང་མིན་པའི་སྨན་རྩིས་ཀྱི་རིག་པ་འདི་ཉིད་སྐྱར་གསོའི་སླད་སྐྱབས་བཅོལ་དུ་ཞབས་ཕྱིར་འབྲངས་པའི་སྨན་རྩིས་མཁས་པ་རྣམས་རྡ་རམ་སཱ་ལཱར་བསྡུས་བསྐོང་མཛད་དེ་༡༩༦༡ ཟླ་༩ ཚེས་༡༡ ཉིན་འཕགས་ཡུལ་དུ་བོད་ཀྱི་སྨན་རྩིས་བསྟན་པ་སླར་གསོའི་མཛད་འཆར་བཀའ་དྲིན་བསྐྱངས་པས་རྒྱལ་བའི་སྐུ་དྲིན་རྗེས་དྲན་གཙོས་གསོ་བ་རིག་པ་འདི་ཉིད་བོད་ཀྱི་ཐུན་མོང་མ་ཡིན་པའི་རིག་གནས་ཤིག་ཡིན་པ་དང་བོད་གངས་ཅན་ལྗོངས་བརྒྱུད་ནས་རྒྱལ་བལ་འབྲུག་གཙོས་རུ་སོག་དང་ཡུ་རོབ་རྒྱལ་ཁབ་ཁག་ཏུ་དར་འཕེལ་བྱུང་བ་ཁྱབ་བསྒྲགས་སྤེལ་ཆེད་ཡིན། ཉིན་མོ་སྲུང་རྩི་ཐེངས་དང་པོའི་ལས་རིམ་ཐོག་གསོ་བ་རིག་པ་མི་ཉམས་དར་སྤེལ་བྱེད་ཕྱོགས་དང། དེ་བཞིན་གསོ་བ་རིག་པའི་སྨན་བཅོས་ཕན་བསྐྱེད་དང་ཉེན་སྲུང་། གཞན་ཡང་ཉེ་བའི་ཆར་ཡུ་རོབ་རྒྱལ་ཁབ་སུད་སི་ནང་ཨེ་ཤ་ཡའི་སྔོ་སྨན་གྱི་སྦྱོར་བ་ཁྲིམས་མཐུན་ངོས་ལེན་གནང་བའི་ཁོངས་བོད་ཀྱི་གསོ་བ་རིག་པའི་སྔོ་སྨན་སྦྱོར་བ་ཁྲིམས་མཐུན་ངོས་ལེན་བྱུང་སྐོར་དང་། དེ་བཞིན་གསོ་རིག་སྨན་པ་བགྲེས་གཞོན་དབར་ནད་བཅོས་ལག་ལེན་ཐོག་དངོས་ཐོག་དཀའ་ངལ་ཐོག་སྤྱི་སྨན་དྲི་བ་བགྲོ་གླེང་གནང་ཡོད། ལས་རིམ་འདི་དང་འབྲེལ་གསོ་བ་རིག་པའི་ལྷན་ཚོགས་ནས་མདོ་ལུགས་ལྟར་སངས་རྒྱས་སྨན་བླའི་དཀྱིལ་འཁོར་བཞེངས་སྒྲུབ། གསོ་རིག་འགྲེམས་སྟོན། རིན་མེད་ནད་པ་བརྟག་དཔྱད་དང་གསོ་རིག་ཆེད་རྩོམ་ཕྱོགས་བསྡུས་དེབ་དབུ་འབྱེད། དེ་བཞིན་༸སྐུ་བཅར་སྨན་པ་ཚེ་དབང་རྟ་མགྲིན་མཆོག་ལ་བོད་ཀྱིི་གསོ་བ་རིག་པའི་ལྷན་ཚོགས་ནས་གཡུ་ཐོག་གཟེངས་རྟགས་ཕུལ་བཞེས་ཡང་གནང་ཡོད། ལྷག་པར་འདི་ལོ་ནི་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་དགུང་ཀེག་དངོས་གཞིའི་ཚུལ་བསྟན་སྐུ་གེགས་ཀྱི་མཚན་མ་ཅི་མཆིས་རྨེག་མེད་དུ་ཞི་ནས་༸སྐུ་ཚེ་རྒྱལ་བ་ཚེ་མཐའ་ཡས་པའི་ངོ་བོར་བརྟན་པར་བཞུགས་སླད་འདི་ལོ་༢༠༡༩ ཟླ་༩ ཚེས་༡༦སྔ་དྲོ་༸སྐྱབས་མགོན་རྒྱལ་བའི་ཕོ་བྲང་དུ་ཟུར་མཇལ་ཞུས་ཅིང་ཁྱབ་ཁོངས་སྨན་པ་རྣམས་ཀྱི་ཚབ་ཞུས་ཏེ་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་སངས་རྒྱས་སྨན་བླའི་སྐུ་བརྙན་མཚན་དཔེ་འབར་བ་ཞིག་དང་བརྟན་བཞུགས་བསྟར་འབུལ་ཚུལ་མཎ་ཌལ་རྟེན་དོད་ཧིན་སྒོར་༡༥༥༥༥༥།༠༠ ༼ཆིག་འབུམ་ལྔ་ཁྲི་ལྔ་སྟོང་ལྔ་བརྒྱ་ལྔ་བཅུ་ང་ལྔ་༽ཐམ་པ་དང་། སངས་རྒྱས་སྨན་བླའི་མཚན་སྔགས་གྲངས་༦༢༡༧༤༣ ༼དྲུག་འབུམ་ཉི་ཁྲི་ཆིག་སྟོང་བདུན་བརྒྱ་བཞི་བཅུ་ཞེ་གསུམ་༽གསོག་སྒྲུབ་ཞུས་པ་བཅས་སྙན་གསེང་ཞུ་ཡིག་ཕུལ། ༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་ཀྱང་བོད་ཀྱི་གསོ་བ་རིག་པ་འདི་ བོད་ཀྱི་རིག་གནས་ཆེ་བ་ལྔའི་གྲས་ཤིག་ཡིན་པ་དང་དོན་དངོས་བོད་སྨན་འདིས་ནད་རིགས་འགའ་ཞིག་ལ་འཕྲོད་ཆེ་བ་ཡོད་པས་མི་མང་པོར་ཞབས་འདེགས་སྒྲུབ་པ་དང་ནད་པ་ལ་ཡང་ཁ་ཐུག་ཕན་ཐོགས་ཡོད་པ་གསུངས། གཞན་ཡང་བོད་སྨན་དང་བོད་ཀྱི་གསོ་བ་རིག་པ་ཟེར་དུས་བོད་ཀྱི་མཚན་མཐོང་ལ་ཡང་ཕན་གྱི་ཡོད་པ་དང། བོད་ཀྱི་གསོ་བ་རིག་པ་འདི་དེང་དུས་བརྟག་དཔྱད་སྨན་བཅོས་དང་མཐུན་པའི་ཉམས་ཞིབ་བྱེད་ཡས་དང་རྒྱ་གར་ནང་ཨཱ་ཡུ་ཝེ་དའི་མཁས་པ་མཉམ་དུ་གོ་བསྡུར་མང་ཙམ་དང་ཕན་ཚུན་ལེགས་བཤད་སློབ་རེས་བྱེད་ན་ཡར་རྒྱས་འགྲོ་རྒྱུར་ཕན་ཐོགས་ཡོད་པས་ཚང་མས་ཧུར་ཐག་དང་གཟབ་གཟབ་བྱེད་དགོས་པའི་བཀའ་སློབ་ཕེབས་ཡོད། གསོ་བ་རིག་པའི་ཉིན་མོ་སྲུང་རྩི་ཐེངས་དང་པོའི་ཐོག་རྒྱ་གར་དང་ཨ་རི།…