འཛམ་གླིང་འཕྲོད་བསྟེན་སྒྲིག་འཛུགས་ནས་ལོ་ལྟར་ཟླ་༧ ཚེས་༢༨ དེ་མཆིན་ནད་དུག་ཐབས་ཉིན་མོ་ཞེས་མཆིན་ནད་དུག་ཐབས་ཐོག་ གོ་རྟོགས་སྤེལ་བཞིན་པར་བོད་ཀྱི་གསོ་བ་རིག་པའི་ལྷན་ཚོགས་ནས་འདི་ལོ་ཟླ་༧ ཚེས་༢༨ ཉིན་གསོ་རིག་སྨན་པ་རྣམས་ལ་མཆིན་ནད་དུག་ཐབས་ནད་བཅོས་ཐོག་དྲ་ཐོག་ཟབ་སྦྱོང་ཞིག་གོ་སྒྲིག་ཞུས་ཡོད། ཟབ་སྦྱོང་འདིིའི་དམིགས་ཡུལ་གཙོ་བོ་ནི་འཛམ་གླིང་ནང་ནད་དུག་ འདིའི་རྐྱེན་གྱིས་སྐར་ཆ་སུམ་ཅུར་མི་རེ་འདས་གྲོངས་སུ་འགྲོ་བ་སྟེ་ལོ་རེར་མི་ས་ཡ་༡ ལྷག་འདས་གྲོངས་དང་ལོ་རེར་མི་གྲངས་ས་ཡ་༣ ཙམ་ནད་གཞི་གསར་པ་ཕོག་གི་ཡོད་པ་འཛམ་གླིང་འཕྲོད་བསྟེན་སྒྲིག་འཛུགས་ཀྱི་དྲ་རྒྱའི་ཐོག་གནས་ཚུལ་སྤེལ་ཡོད་ན། རང་རེ་བོད་མིའི་སྤྱི་ཚོགས་ཁྲོད་མཆིན་ནད་དུག་ཐབས་ཀྱི་ནད་པའི་གྲངས་ཚད་ཅུང་མཐོ་བོ་ཡོད་ན་ནད་གཞི་འདིར་དམིགས་ནས་ཟབ་སྦྱོང་ཕུལ་བ་རྒྱུད་ མང་ཚོགས་ནང་ནད་དུག་འདི་སྔོན་འགོག་དང་གསོ་བཅོས། ཟས་སྤྱོད་འཕྲོད་བསྟེན་དང་སྔོན་འགོག་སྨན་ཁབ་ཐོག་གོ་རྟོགས་སྤེལ་ནས་ ནད་གཞི་རྩ་མེད་གཏོང་ཐབས་བྱ་རྒྱུའི་དམིགས་ཡུལ་གཙོ་བོ་དེ་ཡིན། ད་ལན་དྲ་ཐོག་ཟབ་སྦྱོང་འདིའི་ཐོག་འདིའི་ཐོག་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་ནད་རིགས་སྔོན་འགོག་ཚན་པའི་འོག་མཆིན་ནད་དུག་ཐབས་ལས་གཞིའི་འབྲེལ་ཡོད་འཕྲོད་བསྟེན་དྲུང་གཞོན་བསྟན་འཛིན་སྒྲོལ་དཀར་ལགས་ནས་བོད་མིའི་སྤྱི་ཚོགས་ཁྲོད་མཆིན་ནད་དུག་ཐབས་ཐོག་ཉམས་ཞིབ་དང་ད་ལྟའི་གནས་སྟངས་ཐོག་གཏམ་བཤད་བགྲོ་གླེང་གནང་ཡོད་པ་དང་། དེ་རྗེས་ཕྱི་ལུགས་སྨན་པ་དོན་འགྲུབ་བཀྲ་ཤིས་ལགས་ནས་ཕྱི་ལུགས་སྨན་གྱི་ཐོག་ནས་གཙོ་བོ་ནད་གཞི་སྔོན་འགོག་ཆེད་བྱིས་པ་བཙས་ནས་ཆུ་ཚོད་༢༤ ནང་ཚུད་མཆིན་ནད་དུག་ཐབས་ཀྱི་སྔོན་འགོག་སྨན་ཁབ་རྒྱག་དགོས་ཐུབ་ན་དེས་འབྱུང་འགྱུར་སྤྱི་ཚོགས་ནང་ནད་གཞི་རྩ་མེད་གཏོང་ཐབས་ཡོད་པ་དེ་སྤྱི་ཚོགས་འཕྲོད་བསྟེན་ཐོག་འགན་འཁུར་སྨན་པ་གཙོས་སྨན་ཞབས་རྣམས་ནས་གོ་རྟོགས་སྤེལ་དགོས་གལ་གནད་དང་། གཞན་ཡང་མཆིན་ནད་དུག་ཐབས་ནད་མནར་བཞིན་པ་རྣམས་ལ་ཕྱི་ལུགས་སྨན་གྱི་ཐོག་ནས་བརྟག་དཔྱད་སྨན་བཅོས་ཀྱི་རིམ་པ་རྣམས་ངོ་སྤྲོད་དང་དེའི་ཐོག་བོད་ལུགས་དང་ཕྱི་ལུགས་ཟུང་འབྲེལ་ཐོག་སྨན་བཅོས་གནང་དགོས་པའི་གལ་གནད་ཐོག་གསུང་བཤད་དང་དེའི་ཐོག་དོགས་འདྲི་ཁག་ལ་ལན་འདེབས་གནང་ཡོད། མཆིན་ནད་དུག་ཐབས་ལ་བོད་སྨན་གྱིས་མཆིན་པའི་བྱེད་ནུས་གསོ་བར་བྱེད་པར་ཕན་ནུས་ཧ་ཅང་ཡག་པོ་ཐོན་བཞིན་པར་ འདིའི་ཐོག་སྨན་རམས་པ་རྡོ་རྗེ་རབ་བརྟན་ལགས་ནས་ལོ་མང་རྒྱ་གར་དང་བོད་མིའི་སྤྱི་ཚོགས་ཁྲོད་ནད་བཅོས་ཞབས་ཞུ་བསྒྲུབ་པའི་ཉམས་མྱོང་གསུང་བཤད་དང་དེའི་ཐོག་སྨན་པ་རྣམས་ནས་སྨན་གཏོང་ཚུལ་དང་ཟུང་འབྲེལ་གྱིས་སྨན་བཅོས་བྱེད་ཐབས་ཐོག་དྲི་བ་བགྲོ་གླེང་གནང་ཡོད། དྲ་ཐོག་ཟབ་སྦྱོང་འདིར་ཁྱོན་སྨན་པ་དང་སྨན་སློབ་གྲངས་༥༥ ཙམ་མཉམ་བཞུགས་གནང་ཡོད། མཆིན་ནད་དུག་ཉིན་མོ་བསྟུན་༸རྒྱལ་བའི་སྐུ་བཅར་སྨན་པ་བསྟན་འཛིན་ལྷ་སྒྲོན་མཆོག་ནས་གསོ་རིག་ལྷན་ཚོགས་ཀྱི་སྐད་འཕྲིན་ནང་གསོ་རིག་གཞུང་ལུགས་དཔལ་ལྡན་རྒྱུད་བཞི་གཞིར་བཞག་ཐོག་ནད་གཞི་འདིའི་རྒྱུ་རྐྱེན་དབྱེ་བ་དང་། ནད་རྟགས། ལོ་མང་བརྟག་དཔྱད་སྨན་བཅོས་དང་ཉམས་ཞིབ་གནང་བའི་གསོ་བཅོས་ཉམས་མྱོང་གི་གསུང་བཤད་དང་། དེའི་ཐོག་སྨན་པ་གཞོན་པ་རྣམས་ནས་དོགས་ འདྲི་ལན་འདེབས་དང་། ཆབས་ཅིག་སྐད་འཕྲིན་ནང་བཞུགས་སྨན་པ་བགྲེས་པ་ཁག་ཅིག་ནས་ཀྱང་སོ་སོའི་ནད་བཅོས་ཉམས་མྱོང་གསུང་བཤད་གནང་ནས་མཆིན་ནད་དུག་ཐབས་ཐོག་གསོ་རིག་སྨན་པ་རྣམས་ལ་ཟབ་སྦྱོང་དོན་སྨིན་ལྡན་པ་ཕུལ་ཐུབ་པ་བྱུང། ཉིན་མོ་འདི་བསྟུན་ལྷན་ཚོགས་ཚོགས་གཙོས་ཁྱབ་ཁོངས་སྨན་པ་རྣམས་ལ་སྤྱི་ཚོགས་འཕྲོད་བསྟེན་ཐོག་གསོ་རིག་སྨན་པ་རྣམས་ནས་ས་གནས་སུ་ཞབས་ཞུ་བསྒྲུབས་དང་སྒྲུབ་བཞིན་པར་ཡི་རངས་བསྔགས་བརྗོད་དང་འབྲེལ། འབྱུང་འགྱུར་བོད་མིའི་སྤྱི་ཚོགས་ནང་མཆིན་ནད་དུག་ཐབས་རྩ་མེད་གཏོང་རྒྱུར་ས་གནས་སྨན་པ་རྣམས་ནས་མང་ཚོགས་ལ་སྔོན་འགོག་གསོ་བཅོས་ཐོག་གོ་རྟོགས་ལམ་སྟོན་དང་། ནད་གཞི་འདིའི་རིགས་ལ་བོད་ལུགས་དང་ཕྱི་ལུགས་ཟུང་འབྲེལ་གྱི་ཐོག་ནས་གསོ་བཅོས་ཞབས་འདེགས་སྔར་ལྷག་འགན་འཁུར་བཞེས་གནང་དགོས་པའི་རེ་སྐུལ་ཞུས་པ་བཅས་གནས་ཚུལ་སྙིང་བསྡུས་སུ།།
World Hepatitis Day
Central Council of Tibetan Medicine has organized a workshop on Hepatitis, its prevalence in Tibetan Communities and role of doctors in eradicating and making Zero Hepatitis in target year 2030 on World Hepatits Day, 28th July 2021. For this, we…
རྩོམ་བསྡུའི་གསལ་བསྒྲགས།
རྩོམ་བསྡུའི་གསལ་བསྒྲགས། དགོངས་གསལ་བཞིན་ཕྱི་ལོ་༢༠༡༩ ནས་ལོ་ལྟར་ཟླ་༩ ཚེས་༡༡ དེ་གསོ་བ་རིག་པའི་ཉིན་མོ་སྲུང་རྩི་ཞུ་ བཞིན་ཡོད་ན་འདི་ལོ་༢༠༢༡ ཟླ་༩ ཚེས་༡༡ དེ་བཞིན་གསོ་བ་རིིག་པའི་ཉིན་མོ་སྲུང་རྩི་ཐེངས་གསུམ་པ་ དེ་ཆགས་ཀྱི་ཡོད། ཉིན་མོ་སྲུང་རྩི་དང་འབྲེལ་གསོ་རིག་ལྷན་ཚོགས་ནས་གསོ་རིག་ཆེད་རྩོམ་ཕྱོགས་ བསྡུས་དེབ་རེ་དཔར་བསྐྲུན་འགྲེམས་སྤེལ་ཞུ་བཞིན་ཡོད་ན་རྒྱ་ཆེ་གསོ་བ་རིག་པའི་སྨན་པ་རྣམས་ནས་ གསོ་བ་རིག་པའི་གཞུང་དང་ལག་ལེན། བརྟག་དཔྱད་སྨན་བཅོས། སྨན་རྒྱུ་སྨན་སྦྱོར། གསོ་རིག་ལོ་རྒྱུས། གཞན་ཡང་འཕྲོད་བསྟེན་སྤྱི་ཤེས་དང་འབྲེལ་ཆེད་རྩོམ་མམ་དཔྱད་རྩོམ་མཆིས་ཚེ་ལྷན་ཚོགས་ཀྱི་གློག་ འཕྲིན་ཁ་བྱང་འདིའི་<cctm2004@gmail.com>ཐོག་ཕྱི་ལོ་༢༠༢༡ ཟླ་༨ ཚེས་༡༥ འགྱངས་མེེད་བསྐུར་ གནང་ཡོང་བའི་གསལ་བསྒྲགས་ཞུ། ཆེད་རྩོམ་མམ་དཔྱད་རྩོམ་སྐད་ཡིག་བོད་ཨིན་གང་རུང་། བོད་ཡིག་སྨོན་ལམ་ཡིག་གཟུགས་ཆེ་ཆུང་ཨང་ ༡༤ ཨིན་ཡིག་ Times Roman 12 ཐོག་བསྐུར་གནང་ཡོང་བ་ཞུ། ལྷན་ཚོགས་ནས་རྩོམ་སྒྲིག་ཚོགས་ཆུང་ཟུར་འཛུག་གིས་མཐའ་མའི་རྩོམ་འདེམས་སྒྲུག་བྱུང་བ་རྣམས་དོ་བདག་ལ་འབྲེལ་ཞུས་ཀྱིས་འདོན་སྤེལ་ཞུ་རྒྱུ་ཡིན་པ་བཅས་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་༢༠༢༡ ཟླ་༦ ཚེས་༡ ལ།།
Call for Articles for SORIG Journal
Central Council of Tibetan Medicine officially publish a Sorig Journal on the occasion of Sowa-Rigpa Day celebration Since Sept. 11, 2019. For the 3rd Volume of this journal , CCTM invite an article on the Sowa-Rigpa (theory, practice, research) from…
སྨན་པ་ཨོ་རྒྱན་རྒྱ་མཚོ་ལགས་ལྷན་ཚོགས་ཀྱི་འཛིན་སྐྱོང་ཚོགས་མིར་བསྐོས་གཞག་གནང་བ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་འཛིན་སྐྱོང་ཚོགས་མི་སྨན་པ་བསྟན་འཛིན་ནོར་བཟང་ལགས་དགོངས་པ་ཞུས་རྗེས་འདི་ནས་འཕྲོད་བསྟེན་ལས་ཁུངས་སུ་སྙན་གསན་ཞུས་རྗེས་ཕྱི་ལོ་༢༠༢༡ ཟླ་༣ ཚེས་༢༦ ཉིན་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དོན་ཚན་༦།༡།ང་ དགོངས་དོན་ཕྱི་ལུགས་སྨན་པ་ཨོ་རྒྱན་རྒྱ་མཚོ་ལགས་ལྷན་ཚོགས་ཀྱི་འཛིན་སྐྱོང་ཚོགས་མིར་བསྐོས་གཞག་གནང་། སྨན་པ་ཨོ་རྒྱན་རྒྱ་མཚོ་ལགས་ནི་བོད་ནང་བཙས་པའི་བོད་ཕྲུག་ཞིག་ཏེ་ཁོང་ལོ་གཅིག་ལ་སོན་དུས་ཨ་ལགས་ཀྱིས་རྒྱ་གར་དུ་འཁྲིད་གནང་། ཆུང་དུས་གོ་པཱལ་པུར་བོད་ཕྲུག་ཁྱིམ་སྡེའི་སློབ་གྲྭར་གཞི་རིམ་སློབ་སྦྱོང་གནང་། དེ་རྗེས་སཱེ་ལ་ཀུད་བོད་ཁྱིམ་ནས་འབྲིང་རིམ་སློབ་ཐར་ཕྱིན། བོད་མིའི་སྒྲིག་འཛུགས་ཀྱི་ཤེས་རིག་སློབ་ཡོན་འོག་ཁོང་རྒྱ་གར་བྱང་ཕྱོགས་སིམ་ལ་ཨིན་དཱ་རཱ་གཱན་དྷི་སྨན་གྱི་མཐོ་སློབ་ནས་ཕྱི་ལུགས་སྨན་གྱི་རིག་པར་སློབ་སྦྱོང་ (MBBS) སློབ་ཐར་ཕྱིན། སྨན་པ་རྒྱ་མཚོ་ལགས་ཁོང་ཉིད་བོད་མིའི་སྤྱི་ཚོགས་འཕྲོད་བསྟེན་ཡར་རྒྱས་ཐོག་ཞབས་ ཞུ་བསྒྲུབ་འདོད་པ་བཞིན་ཕྱི་ལོ་༢༠༡༨ ཟླ་༢ ནས་རྡ་ས་བོད་ཀྱི་བདེ་ལེགས་སྨན་ཁང་དུ་སྨན་པའི་ལས་སྣེར་བསྐོས་གཞག་གིས་ད་ཆ་སྨན་པའི་ ལས་འཁུར་ཞུ་བཞིན་པ་བཅས་ངོ་སྤྲོད་མདོར་བསྡུས་སུ།།
CCTM New Executive Member
As of Clause 6.1.D of TMCC Act., Dr. Ugen Gyatso from Delek Hospital, Dharamsala has been appointed as an Executive Member of Central Council of Tibetan Medicine from 26th March 2021 after resignation of Dr. Tenzin Norsang. Dr. Ugen Gyatso…
དྲ་ཐོག་ཟབ་སྦྱོང་།
ཕྱི་ལོ་༢༠༡༩ ལོའི་ལོ་མཇུག་ནས་རྒྱ་གར་གྲོང་ཁྱེར་ཝུ་ཧན་ནས་མཆེད་པའི་གཉན་རིམས་ཀོ་ཝིཌ་༡༩ ད་ཆ་འཛམ་གླིང་རྒྱལ་ཁབ་དང་ཡུལ་ཕྲན་གྲངས་༢༢༣ ཙམ་ནང་ཁྱབ་གདལ་ཆེ་ཆེར་སོང་ནས་འགྲོ་བ་འབུམ་ཕྲག་མང་པོའི་ཚེ་སྲོག་ཕྱིན་ཡོད། བོད་ཀྱི་གསོ་བ་རིག་པའི་ལྷན་ཚོགས་ནས་སྔ་ལོ་༢༠༢༠ ཟླ་༤ ནས་ཁྱབ་ཁོངས་སྨན་པ་རྣམས་ལ་ཀོ་ཝིཌ་༡༩ ནད་གཞི་གཙོས་གསོ་རིག་གཞུང་དང་ལག་ལེན་ཐོག་ཁྱོན་བརྗོད་གཞི་གྲངས་༣༥ ཐོག་དྲ་ཐོག་ཟབ་སྦྱོང་གོ་སྒྲིག་ཞུས་ཡོད། རྒྱ་གར་ནང་ད་ཆ་ཀོ་ཝིཌ་༡༩ ནད་རླབས་གཉིས་པའི་རྐྱེན་གྱིས་མི་མང་པོར་འཕྲོད་བསྟེན་དཀའ་ངལ་ཆེན་པོ་འཕྲད་བཞིན་སྨན་ཁང་ནང་མལ་ཁྲི་དང་ཆེད་ལས་སྨན་པ་དང་སྨན། སྨན་གྱི་ཡོ་བྱད་མ་འདེང་བའི་དཀའ་ངལ་ཆེ་ཆེར་འཕྲད་བཞིན་ཡོད། ཐེངས་འདིར་རྒྱ་གར་རྒྱལ་ས་ལྡི་ལི་ནང་ཀོ་ཝིཌ་༡༩ ནད་གཞིར་སྨན་བཅོས་བྱེད་མཁན་ཕྱི་ལུགས་སྨན་པ་བསྟན་འཛིན་སྙན་གྲགས་གདན་ཞུས་ཀྱིས་གཉན་རིམས་ཀོ་ཝིཌ་༡༩ སྨན་བཅོས་ཉམས་མྱོང་ལས་ཁྲོད་པའི་གལ་ཆེའི་གནད་དོན་ཐོག་གཏམ་བཤད་བགྲོ་གླེང་དང་། ཉམས་ཞིབ་པ་བསྟན་འཛིན་ཆོས་འཕེལ་ལགས་ནས་ཀོ་ཝིཌ་༡༩ སྔོན་འགོག་སྨན་ཁབ་དང་འབྲེལ་བའི་ཏོག་གཏམ་བཤད་དང་དྲི་བ་དྲི་ལན་གནང་ཡོད།
ཡིད་སྐྱོའི་གནས་ཚུལ།
ཕྱི་ལོ་༢༠༢༡ ཟླ་༥ ཚེས་༡༦ སྔ་དྲོ་ཆུ་ཚོད་༧།༥༠ ཙམ་ལ་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཚོགས་མི་སྨན་རམས་པ་བསྟན་འཛིན་ ནོར་བུ་ལགས་སྐུ་ཚེའི་འཕེན་པ་རྫོགས་པའི་ཡིད་སྐྱོའི་གནས་ཚུལ་ཐོས་པར་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཚོགས་མི་ཡོངས་ཀྱི་ ཚབ་ཞུས་ཏེ་མྱ་ངན་རྗེས་དྲན་དང་སྦྲགས་གསོལ་བ་སྨོན་ལམ་ཤུགས་དྲག་ཞུ་བ་དང་ཆབས་ཅིག་ཚེ་འདས་ཁོང་གི་ནང་མི་སྤུན་མཆེད་རྣམས་ ལ་ཐུགས་གསོ་དང་གདུང་སེམས་མཉམ་སྐྱེ་ཞུ། སྨན་རམས་པ་བསྟན་འཛིན་ནོར་བུ་མཆོག་ནི་ཕྱི་ལོ་༡༩༦༠ ལོར་རྒྱ་གར་ནུབ་སྦེང་གཱལ་མངའ་ཁོངས་ཀ་ལོན་སྦུག་ཏུ་སྐུ་འཁྲུངས། ཕྱི་ལོ་ ༡༩༨༢ ལོར་རྡ་ས་བོད་ཀྱི་སྨན་རྩིས་མཐོོ་སློབ་ཁང་གི་སྐབས་ལྔ་པའི་སློབ་ཁོངས་སློབ་བཞུགས་ཀྱིས་ལོ་ལྔའི་རིང་བོད་ཀྱི་གསོ་རྩིས་རིག་ པའི་གཞུང་ལ་སློབ་སྦྱོང་གནང་ནས་ཕྱི་ལོ་༡༩༨༦ ལོར་སྨན་པ་དཀའ་བཅུ་པའི་སློབ་པ་མཐར་སོན། ཐོག་མར་༡༩༨༦ ནས་སྐུ་ཚེའི་འཕེན་པ་ མ་རྫོགས་ཀྱི་བར་བོད་ཀྱི་གསོ་བ་རིག་པའི་བསྟན་དོན་སྤྱི་དང་ཡང་སྒོས་བོད་ཀྱི་སྨན་རྩིས་ཁང་དུ་མི་ལོ་༣༣ ཙམ་རིང་སྦོམ་དྷི་ལ་དང་སཱ་ལུ་ གཱ་ར། ཤི་ལོང་། ཀོལ་ཀ་ཏ། ཀོ་ལེ་གལ་དོན་ལྡན་གླིང་། ལྡི་ལི་རོ་ཧི་ནི་དང་བསམ་ཡས་གླིང་ཡན་ལག་སྨན་ཁང་བཅས་ནང་བརྟག་དཔྱད་སྨན་ པའི་འགན་འཁུར་གཙོ་བོ་བཞེས་ནས་ཉམས་ཐག་ནད་མནར་མང་པོར་སྨན་བཅོས་དང་ཟས་སྤྱོད་འཕྲོད་བསྟེན་གྱི་སློབ་གསོ་ལམ་སྟོན་རྒྱ་ཆེ་ གནང་ནས་མང་ཚོགས་ཀྱི་འཕྲོད་བསྟེན་ཐོག་ཞབས་འདེགས་བླ་ལྷག་ཞུས་གནང་། ཕྱི་ལོ་༡༩༩༩ ལོར་བོད་ཀྱི་སྨན་རྩིས་མཐོ་སློབ་ཁང་ནས་སྨན་རམས་པ་ཆུང་བའི་ཕྱག་འཁྱེར་མཚན་གནས་བཞེས། ཕྱི་ལོ་༢༠༠༦ ཟླ་༡ ཚེས་༤ ཉིན་ཁོང་ཉིད་ཀྱི་གསོ་བ་རིག་པའི་ལྷན་ཚོགས་སུ་ཚད་ལྡན་སྨན་པའི་ཁོངས་དེབ་སྐྱེལ་གནང་ཞིང་ལྷན་ཚོགས་ ཀྱི་ཚོགས་ཆེན་དང་ཟབ་སྦྱོང་ལ་མཉམ་བཞུགས་གནང་། ཕྱི་ལོ་༢༠༡༡་་༢༠༡༣ བར་ལོ་གསུམ་རིང་བོད་ཀྱི་གསོ་བ་རིག་པའི་ལྷན་ཚོགས་ ཀྱི་ཀ་རྡོར་སྒང་གསུམ་དང་སཱ་ལུ་གཱ་ར་ཁུལ་གྱི་ས་གནས་ འབྲེལ་མཐུད་པར་བསྐོས་གཞག་གིས་ཕྱག་ལས་འགན་འཁུར་དང་། ས་གནས་དེ་…
Obituary
We the member of CCTM are deeply saddened to hear the demise of sMenrampa Tenzin Norbu la on 16th May 2021 around 7:50am at Indresh Hospital, Dehradun. sMenrampa (Dr) Tenzin Norbu was one of the senior most consultan doctor who…
Webinar on Clinical Management of Covid-19
Since March 2020, CCTM has organized a series of talk on Covid-19 to the registered practitioners. On 14th March 2021, we have invited Dr. Tenzin Nyendak la, consultant physician at Jivodaya hospital, Delhi and delivered a talk on Clinical Management…