བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་ ༢༠༠༦ ནས་གསོ་རིག་སྨན་པ་ རྣམས་དེབ་སྐྱེལ་ཞུ་སྤྲོད་འགོ་འཛུགས་ཀྱིས་ད་བར་ཁྱོན་སྨན་པ་གྲངས་ ༥༤༨ ལྷན་ཚོགས་འོག་དེབ་ སྐྱེལ་ཞུས་སྤྲོད་ཟིན། ཕྱི་ལོ་ ༢༠༡༥ ལོར་ལྷན་ཚོགས་ཀྱི་ཁྲིམས་ཡིག་བསྐྱར་བཅོས་སོང་བ་ལས་ལྷན་ ཚོགས་ཀྱི་མཚན་བྱང་དེ་སྔ་༼བཙན་བྱོལ་བོད་མིའི་བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ ཚོགས་༽ཅེས་པ་ལས་༼བོད་ཀྱི་གསོ་བ་རིག་པའི་ལྷན་ཚོགས་༽སུ་བསྐྱར་བཅོས་ཕྱིན་ཡོད་ན་ལྷན་ ཚོགས་ཀྱི་ཚོགས་འདུའི་གྲོས་ཆོད་དགོངས་དོན་འདི་ལོ་ནས་སྨན་པའི་དེབ་སྐྱེལ་ལག་འཁྱེར་རྙིང་པའི་ དུས་ཚོད་དེའང་གཙང་བ་བསྟུན་འདི་ནས་དེབ་སྐྱེལ་ལག་འཁྱེར་གསར་པ་བཟོ་གཏན་འཁེལ་བ་བཞིན་ བཟོས་བསྐྲུན་ཟིན་ཡོད་ན་དེབ་སྐྱེལ་སྨན་པ་རྣམས་ནས་དེབ་སྐྱེལ་ལག་འཁྱེར་གསར་པ་དེ་ཕྱི་ལོ་ ༢༠༢༢ ཟླ་ ༧ ཚེས་ ༡ ནང་ཚུད་བཟོ་གནང་ཡོང་བའི་གསལ་བསྒྲགས་ཞུ།། དེབ་སྐྱེལ་ལག་འཁྱེར་གསར་བཟོའི་དོད་སོགས་གཤམ་གསལ་དྲ་རྒྱའི་ཁ་བྱང་ཐོག་གཟིགས་གནང་ཡོང་བ་ཞུ་བ་དང་ལག་འཁྱེར་གསར་བཟོ་དང་འབྲེལ་དོགས་འདྲི་ཡོད་ཚེ་ལྷན་ཚོགས་སུ་ཁ་པར་ ༼༠༡༨༩༢་་་ ༢༢༦༤༦༢༽ དང་གློག་འཕྲིན་བརྒྱུད་འབྲེལ་བ་གནང་སྐྱོང་ཡོང་བ་ཞུ། བོད་ཀྱི་གསོ་བ་རིག་པའི་ལྷན་ ཚོགས་ཀྱི་ཡིག་ཚང་ནས་ཕྱི་ལོ་ ༢༠༢༢ ཟླ་ ༥ ཚེས་ ༢༤ ལ་ཕུལ།། Website link: དེབ་སྐྱེལ་གནང་སྟངས།
Announcement – New Registration Certificate
As of regulation of Registration of Tibetan Medical Practitioners, CCTM issued a QMP registration certificate to all the graduated doctors of registered medical colleges and RMP certificate to those who fulfilled the criteria laid by the CCTM. The validity of…
ཐོན་རྒྱུགས་ཆེན་མོར་རྟོགས་ཞིབ་ཆེད་བསྐྱོད།
བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་ཕྱི་ལོ་ ༢༠༢༢ ཟླ་ ༥ ཚེས་ ༢༥ ཉིན་ལྷན་ཚོགས་ཀྱི་ཚོགས་གཙོ་ ཉིན་གྲངས་ཅིག་རིང་གསོ་རིག་འབུམ་བཞིའི་མཐོ་སློབ་སྨན་རིའི་གླིང་དུ་དེ་གའི་སྐབས་གསུམ་པའི་སྨན་སློབ་རྣམས་ཀྱི་ཐོན་རྒྱུགས་ ཆེ་མོར་བལྟ་ཞིབ་ཆེད་དུ་བསྐྱོད། བལྟ་ཞིབ་སྐབས་གཙོ་བོ་མཐོ་སློབ་ཏུ་ཡིག་རྒྱུགས་ཚོགས་ཆུང་ཟུར་དུ་ཡོད་མེད། ཡོད་ཚེ་ཚོགས་ཆུང་གི་ཚོགས་མིའི་མཚན་གཞུང་། ༼ཟུར་འཛར།༡༽ཐོན་རྒྱུགས་ཀྱི་དྲི་ཤོག་བཟོ་མཁན།༼དྲི་ཤོག་ཆ་ཚང། ཟུར་འཛར།༢༽ དཀའ་བཅུ་པའི་གཞུང་ཚད་ནང་གསལ་ སློབ་ཚན་ཆ་ཚང་ཡོད་མེད། ཐོན་རྒྱུགས་ཡིག་རྒྱུགས་མ་འཕྲོད་མཁན་རྣམས་བསྐྱར་རྒྱུགས་གཏོང་ཕྱོགས། ཐོན་རྒྱུགས་སྐབས་རྒྱུད་ གསུམ་ལྟ་བུ་འབུམ་གསུམ་ངག་རྒྱུགས་ཕུལ་སྲོལ་དང་ད་བར་ཕུལ་བ་བྱུང་ཡོད་མེད། གཞན་ཡང་ཐོན་རྒྱུགས་སྐབས་སྲོལ་རྒྱུན་བྱེད་ སྒོ་གཞན་ཡོད་མེད། ཐོན་རྒྱུགས་སྐབས་ཕྱི་མི་གཞན་ གཟིགས་ཞིབ་ལ་ཕེབས་ཀྱི་ཡོད་མེད་སོགས་དྲི་རྩད་རྒྱུད་ལོན་བྱས། སྐབས་ འདིའི་ཐོན་རྒྱུགས་སུ་བཞུགས་མཁན་སྨན་སློབ་གྲངས་བཞི་ཡོད་པ་དང་། ཁྱོན་དྲི་ཤོག་དང་ངག་རྒྱུགས་བཅས་བསྡོམས་གྲངས་ ༡༤ ཐོན་རྒྱུགས་ཀྱི་དྲི་ཤོག་གཅིག་ཕུད་གཞན་རྣམས་བལ་ཡུལ་སྔར་སྲོལ་གསོ་རིག་འབུམ་བཞིའི་སློབ་གྲྭ་ནས་བཟོ་སྒྲིག་གནང་། སློབ་ ཚན་རྩ་འཛིན་སྒྲིག་གཞི་ནང་བསྐྱར་རྒྱུགས་གཏོང་ཕྱོགས་དང་འབྲེལ་དམིགས་བསལ་གསལ་ཁ་མེད་པ་དེ་དོན་མཐོ་སློབ་སྒྲིག་གཞི་ ནང་གསལ་ཁ་སྟོན་གལ་ཆེ་བ་ཞུས། དེ་གའི་སློབ་ཁང་ནས་ད་བར་རྒྱུད་གསུམ་ལྟ་བུ་འབུམ་གསུམ་རྒྱུགས་ཕུལ་མཁན་བྱུང་མེད་ ལུགས་བརྗོད། ཐོན་རྒྱུགས་ཆེན་མོའི་སྐབས་དེ་གའི་འགན་འཛིན་ལྷན་ཚོགས་ཀྱི་ཚོགས་མི་དང་གསོ་རིག་ལྷན་ཚོགས་ཀྱི་ཚོགས་ མི་ཕུད་གཞན་ཕྱི་མི་གཟིགས་ཞིབ་ཏུ་ཕེབས་ཀྱི་མེད་པ་གསུངས། ཡིག་རྒྱུགས་ཀྱི་དུས་ཡུན་མཐོ་སློབ་གཅིག་མཚུངས་ཆུ་ཚོད་ ༣ དགོས་གལ་ཆེ། ཡིག་རྒྱུགས་ལྟ་ཞིབ་རྗེས་མཐོ་སློབ་འགན་འཛིན་དང་སློབ་དགེ་བཅས་མཉམ་བཀའ་བསྡུར་དང་སྦྲགས་དགེ་སློབ་དང་འཛིན་སྐྱོང་ནས་སློབ་མའི་ཤེས་ཡོན་སྤུས་ཚད་གོང་མཐོར་གཏོང་སླད་མཐུན་འགྱུར་དང་དུས་ནས་དུས་སུ་སློབ་སྟོན་གནང་གལ། གཞན་ཡང་མཐོ་སློབ་ ཀྱི་སློབ་དུས་རྫོགས་མཚམས་དགེ་སློབ་རྣམས་རྗེས་ལོའི་སློབ་ཚན་བཀོད་སྒྲིག་དང་སློབ་ཚན་ནང་གསལ་སྨན་སྦྱོར་དང་གཏར་སྲེག་སོགས་དཔྱད་བཅོས་རྣམས་དམར་འཁྲིད་ལག་ལེན་འཁེལ་བ་ཡོང་རྒྱུར་ཆེད་མཁས་གདན་ཞུ་དང་།…
Invigilation to Menriling Sorig Bum-bZhi Medical College(MSBMC)
The Central Council of Tibetan Medicine has established a rules and regulation for recognizing Sowa-Rigpa; Tibetan Medical College in year 2006. According to this rules, Chairperson Dr. Tsering Tsamchoe has made an official visit to Menriling Sorig Bum-bZhi Medical College…
རྩོམ་བསྡུའི་གསལ་བསྒྲགས།
རྩོམ་བསྡུའི་གསལ་བསྒྲགས། དགོངས་གསལ་བཞིན་ཕྱི་ལོ་༢༠༡༩ ནས་ལོ་ལྟར་ཟླ་༩ ཚེས་༡༡ དེ་གསོ་བ་རིག་པའི་ཉིན་མོ་ཞེས་སྲུང་ རྩི་ཞུ་བཞིན་ཡོད་ན་འདི་ལོ་༢༠༢༢ ཟླ་༩ ཚེས་༡༡ དེ་བཞིན་གསོ་བ་རིིག་པའི་ཉིན་མོ་སྲུང་རྩི་ཐེངས་བཞི་ པ་དེ་ཆགས་ཀྱི་ཡོད། ཉིན་མོ་སྲུང་རྩི་དང་འབྲེལ་གསོ་རིག་ལྷན་ཚོགས་ནས་གསོ་རིག་ཆེད་རྩོམ་ཕྱོགས་ བསྡུས་དེབ་རེ་དཔར་བསྐྲུན་འགྲེམས་སྤེལ་ཞུ་བཞིན་ཡོད་ན་རྒྱ་ཆེ་གསོ་བ་རིག་པའི་སྨན་པ་རྣམས་ནས་ གསོ་བ་རིག་པའི་གཞུང་དང་ལག་ལེན། བརྟག་དཔྱད་སྨན་བཅོས། སྨན་རྒྱུ་སྨན་སྦྱོར། གསོ་རིག་ལོ་རྒྱུས། ནད་བཅོས་ཉམས་ཞིབ། གཞན་ཡང་འཕྲོད་བསྟེན་སྤྱི་ཤེས་དང་འབྲེལ་ཆེད་རྩོམ་མམ་དཔྱད་རྩོམ་མཆིས་ཚེ་ ལྷན་ཚོགས་ཀྱི་གློག་འཕྲིན་ཁ་བྱང་འདིའི་<cctm2004@gmail.com>ཐོག་ཕྱི་ལོ་ ༢༠༢༢ ཟླ་ ༨ ཚེས་ ༡༥ འགྱངས་མེེད་བསྐུར་གནང་ཡོང་བའི་གསལ་བསྒྲགས་ཞུ། ཆེད་རྩོམ་མམ་དཔྱད་རྩོམ་སྐད་ཡིག་བོད་ཨིན་གང་རུང་། བོད་ཡིག་སྨོན་ལམ་ཡིག་གཟུགས་ཆེ་ཆུང་ཨང་ ༡༤ ཨིན་ཡིག་ Times Roman 12 ཐོག་བསྐུར་གནང་ཡོང་བ་ཞུ། ལྷན་ཚོགས་ནས་རྩོམ་སྒྲིག་ཚོགས་ཆུང་ ཟུར་འཛུག་གིས་མཐའ་མའི་རྩོམ་འདེམས་སྒྲུག་བྱུང་བ་རྣམས་དོ་བདག་ལ་འབྲེལ་ཞུས་ཀྱིས་འདོན་སྤེལ་ཞུ་རྒྱུ་ཡིན་པ་བཅས་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་༢༠༢༢ ཟླ་༥ ཚེས་༢༤ ལ།།
Call for articles for Sorig Journal
Central Council of Tibetan Medicine officially publish a Sorig Journal on the occasion of Sowa-Rigpa Day celebration Since Sept. 11, 2019. For the 4th Volume of this journal , CCTM invite an article on the Sowa-Rigpa (theory, practice, research) from interested Tibetan…
ལྷན་ཚོགས་ཚོགས་ཐེངས་༣༦ པ་བསྐོང་ཚོགས་ཞུས་པ།
བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༢༢ ཟླ་༥ ཚེས་༡༡ ནས་ཚེས་༡༣ བར་ཉིན་ གསུམ་རིང་ལྷན་ཚོགས་ཚོགས་ཐེངས་༣༦ པ་དེ་བསྐོང་ཚོགས་ཞུས། ཚོགས་འདུའི་གྲོས་གཞི་གཙོ་བོ་བོད་ཀྱི་གསོ་བ་ རིག་པའི་ལྷན་ཚོགས་ཀྱི་གནས་བབ་དང་། དེ་བཞིན་ཁྲིམས་སྒྲིག་དགོངས་དོན་ལས་དོན་བསྐྱར་ཞིབ། ཁྲིམས་ཡིག་བསྐྱར་ བཅོས་འཆར་འབུལ། གཡུ་ཐོག་གཟེངས་རྟགས་འདེམ་སྒྲུག་ཚོགས་ཆུང་གི་ཚོགས་མི་དང་ལས་རིམ། གསོ་བ་རིག་པའི་ ཉིན་མོ་སྲུང་བརྩི་ཐེངས་བཞི་དང་རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་བཞི་པ་བསྐོང་འཚོག་ དང་འབྲེལ། དཔལ་སྤུངས་རིག་གནས་མཐོ་སློབ་དོན་གཉིས་ནོར་བུའི་དགའ་ཚལ་དུ་རྟོགས་ཞིབ་གནང་བའི་ལས་བསྡོམས་ སྙན་ཐོར་གཟིགས་ཞིབ་ཐག་གཅོད། དེ་བཞིན་ཝཱ་ཎ་བོད་ཀྱི་གཙུག་ལག་སློབ་གཉེར་ཁང་དུ་རྟོགས་ཞིབ་གནང་བའི་ལས་ བསྡོམས་སྙན་ཐོར་གཟིགས་ཞིབ་ཐག་གཅོད། ལྷན་ཚོགས་སྐབས་བདུན་པའི་ཚོགས་མིའི་འོས་བསྡུ་དང་འབྲེལ་ལས་རིམ་ དང་རྩིས་སྤྲོད་རྩིས་ལེན་དུས་ཚེས། གཞན་ཡང་ལྷན་ཚོགས་ཀྱི་ཚོགས་མི་དང་ལས་བྱེད་རྣམ་པའི་འཚོ་སྣོན་དང་ཚོགས་དོད། འགྲུལ་ཁང་གླ་དོད་སོགས་ལས་དོན་བྱེད་ཕྱོགས་ཀྱི་སྒྲིག་གཞིར་བསྐྱར་ཞིབ་བསྐྱར་བཅོས་ཞུས་ཡོད། ལྷན་ཚོགས་ཚོགས་ ཐེངས་༣༦ པ་འདིའི་ཐོག་ལྷན་ཚོགས་ཀྱི་ཚོགས་གཙོ་དང་ཚོགས་གཞོན། མཐོ་སློབ་ཁག་གི་སློབ་སྤྱི། གསོ་རིག་འབུམ་བཞིའི་ སྨན་པའི་སྐུ་ཚབ་དང་བོད་རིགས་མ་ཡིན་པའི་སྨན་པའི་སྐུ་ཚབ་བཅས་ངོ་བཅར་མཉམ་བཞུགས་གནང་ཡོད། ཚོགས་འདུའི་ མཇུག་སྡོམ་དུ་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་དྲུང་ཆེ་མཆོག་དང་བོད་ཀྱི་སྨན་རྩིས་ཁང་གི་འགན་འཛིན་ གདན་ཞུས་ཀྱིས་ལྷན་ཚོགས་ཀྱི་ལས་དོན་སྙན་གསེང་དང་བཀའ་བསྡུར་ཞུ་སྒོ་ཁག་ལ་བཀའ་བསྡུར་ཞུས་པ་བཅས་ལྷན་ཚོགས་ཚོགས་ཐེངས་༣༦ པ་ལེགས་པར་མཇུག་སྒྲིལ།།
དཔལ་སྤུངས་གསོ་རིག་མཐོ་སློབ་ཏུ་རྟོགས་ཞིབ་གནང་བ།
བོད་ཀྱི་གསོ་བ་རིག་པའི་ལྷན་ཚོགས་ཁྲིམས་སྒྲིག་དགོངས་དོན་ཕྱི་ལོ་༢༠༢༢ ཟླ་༥ ཚེས་༧ ཉིན་འདི་ནས་རྟོགས་ཞིབ་ཚོགས་ཆུང་ཟུར་འཛུགས་ཀྱིས་ཚོགས་ཆུང་གི་ཚོགས་མི་རྣམས་དཔལ་སྤུངས་རིག་གནས་མཐོ་སློབ་དོན་གཉིས་ནོར་བུའི་དགའ་ཚལ་དུ་རྟོགས་ཞིབ་ཆེད་བསྐྱོད་གནང་། ཚོགས་ཆུང་གི་ཚོགས་མིར་ལྷན་ཚོགས་ཀྱི་ཚོགས་གཞོན་སྨན་རམས་པ་ཆོས་ལོ་ཐར་ལགས་དང་༼གཙོ་སྐྱོང་༽ ལྷན་ཚོགས་ཚོགས་མི་སྨན་པ་ཐོགས་མེད་ལགས། སྦིར་འཕྲོད་བསྟེན་སྨན་ཁང་གི་སྨན་པ་ཡོན་ཏན་མཚོ་མོ་ལགས། སྦིར་སྡེ་དགེ་ས་གནས་འགོ་འཛིན་སྐུ་ཞབས་ཚེ་རིང་ཕུན་ཚོགས་ལགས་བཅས་ཡིན། རྟོགས་ཞིབ་ལས་རིམ་གྱི་ཐོག་མར་ལྷན་ཚོགས་ཀྱི་ཚོགས་གཞོན་མཆོག་ནས་རྟོགས་ཞིབ་ཀྱི་དམིགས་ཡུལ་དང་ཚོགས་མི་རྣམས་ངོ་སྤྲོད་ཞུས། དེ་རྗེས་མཐོ་སློབ་སློབ་སྤྱི་སྨན་རམས་པ་ཨེ་པ་བསོད་ནམས་རིན་ཆེན་ལགས་ནས་མཐོ་སློབ་ཀྱི་ངོ་སྤྲོད་དང་དེབ་སྐྱེལ་འགེངས་ཤོག་ནང་གསལ་ཡིག་ཆ་རྣམས་གསལ་དཀྲོལ་དང་འབྲེལ་སློབ་འཁྲིད་སློབ་ཚན་དང་བྱེད་སྒོ་ཁག་ངོ་སྤྲོད་ཞུས། དེ་ནས་ཚོགས་མི་རྣམས་མཐོ་སློབ་ཀྱི་བརྟག་དཔྱད་སྨན་ཁང་དང་འཇམ་དཔྱད་སྡེ་ཚན། ཡིད་འཕྲོག་སྨན་གྱི་ལྡུམ་ར་བདུད་རྩིའི་གཏེར་མཛོད་དབུས་ཕྱོགས་ལྟ་ན་སྡུག་གི་ཚལ། ཡིད་འཕྲོག་ལྡུམ་ར་བདུད་རྩི་གཏེར་མཛོད་ཤར་ཕྱོགས་བི་མ་ལའི་ཚལ། གསོ་རིག་གཡོས་སྦྱོར་ཁང་དང་ལུས་རྩལ་རྩེད་ཐང་། གདན་སའི་དཔེ་མཛོད་ཆེན་མོ། རིག་དངོས་འགྲེམས་སྟོན་ཁང་། ཡིད་འཕྲོག་ལྡུམ་ར་བདུད་རྩིའི་གཏེར་མཛོད་ནུབ་ཕྱོགས་མ་ལ་ཡའི་ཚལ། གསོ་རྩིས་འགྲེམས་སྟོན་ཁང་། མཐོ་སློབ་ཡིག་ཚང་། སྨན་སྦྱོར་ཁང་། འཛིན་ཁང་། གཡུ་ཐོག་མཆོད་ཁང་། སྡེ་ཚན་གྱི་དཔེ་མཛོད་དང་དཔེ་ཆ་བལྟ་ཀློག་ཁང་བཅས་ཁྱོན་ཡོངས་ལ་གཟིགས་ཞིབ་ལེགས་པར་གནང་ནས་ཕྱི་དྲོ་ཆུ་ཚོད་༤།༣༠ ཙམ་ལ་མཇུག་བསྡོམས་གནང་། བོད་ཀྱི་གསོ་བ་རིག་པའི་སྨན་པ་དཀའ་བཅུ་པའི་སློབ་གཉེར་ཁང་ངོས་ལེན་བྱེད་ཕྱོགས་ཀྱི་རྩ་འཛིན་སྒྲིག་གཞི་དགོངས་དོན་རྟོགས་ཞིབ་ཚོགས་ཆུང་གི་ལས་བསྡོམས་དང་རྒྱབ་གཉེར་ཡིག་ཆ། དེ་བཞིན་རྟོགས་ཞིབ་ཚོགས་མི་རང་ངོས་ཀྱི་དགོངས་ཚུལ་འགེངས་ཤོག་བཅས་ལྷན་ཚོགས་ཀྱི་ཡིག་ཚང་དུ་གནང་འབྱོར་བྱུང་བར་ལྷན་ཚོགས་ཚོགས་ཐེངས་༣༦ པའི་ཐོག་གོང་གསལ་ཡིག་ཆ་ཁག་ལ་གཟིགས་ཞིབ་གྲོས་བསྡུར་གྱིས་ཐག་གཅོད་ཞུ་རྒྱུ་བཅས།།
CCTM 36th Board Meeting
Central Council of Tibetan Medicine held its 36th Board Meeting at CCTM Office from 11th till 13th May 2022. During the meeting, the member has discussed on strengthening CCTM, agenda of CCTM special meeting to be held in July 2022,…
Inspection to Sowa-Rigpa College, PUBS
As of rules and regulation of recognizing Sowa-Rigpa Medical College of CCTM, an inspection team consist of member from CCTM (Vice Chairman sMenrampa (Dr.) Choelothar – team leader, Executive member sMenpa (Dr.) Thokmay), Dr. Yonten Tsomo; Medical Officer, TPHC Bir…