As of CCTM Legal Code and Regulations, an inspection team consists of member from CCTM smenpa Thokmay la, Dr. Ugen Gyatso la and Under Secretary Mr. Tsering la; representative from Dept. of Health, CTA and Mr. Namgyal Dhondup Under Secretary…
ལྷན་ཚོགས་སྐབས་དྲུག་པ་བདུན་པའི་ཚོགས་མིའི་རྩིས་སྤྲོད་རྩིས་ལེན་མཛད་སྒོ།
མགྲོན་ཤོག / ཚོགས་བརྡ། མཛད་རིམ་ཆེད་འདིར་བསྣུན། ༄༅། །བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ཕྱི་ལོ་༢༠༢༢ ཟླ་༡༠ ཚེས་༣༡ ཉིན་ལྷན་ཚོགས་སྐབས་ དྲུག་པའི་ལས་ཡུན་གཙང་སྟེ་ལྷན་ཚོགས་སྐབས་བདུན་པའི་ཚོགས་མིར་རྩིས་སྤྲོད་རྩིས་ལེན་གྱི་མཛད་སྒོ་ཞིག་འགྲོ་ཕན་སྨན་རྩིས་ མཐོ་སློབ་ཚོགས་ཁང་དུ་བསྐོང་ཚོགས་གནང་ཡོད། དེ་ཉིན་སྔ་དྲོ་ལྷན་ཚོགས་སྐབས་བདུན་པའི་ཚོགས་མི་རྣམས་ལྷན་ཚོགས་ཡིག་ ཚང་དུ་སྣེ་ལེན་དང་གསོལ་ཇ་འདེགས་འབུལ་ཞུས་རྗེས་ལྷན་ཚོགས་སྐབས་བདུན་པའི་འོས་བསྡུ་ཚོགས་ཆུང་གི་ཚོགས་མི་ཚང་འཛོམས་ཐོག་ཚོགས་གཙོ་ཚོགས་གཞོན་དྲུང་ཆེའི་འོས་བསྡུས་གནང་། ཚོགས་འདུར་དངོས་སུ་ཚོགས་བཅར་མ་ཐུབ་པའི་ཚོགས་མི་ རྣམས་ནས་གློག་འཕྲིན་བརྒྱུད་ཚོགས་གཙོ་ཚོགས་གཞོན་དྲུང་ཆེའི་འོས་བསྡུས་གནང་ཡོད། ཉིན་རྒྱབ་ཆུ་ཚོད་གཉིས་པའི་ཐོག་མཛད་སྒོའི་དངོས་གཞི་བསྐོང་ཚོགས་གནང་བས་མཛད་སྒོའི་ཐོག་མར་སྐུ་མགྲོན་གཙོ་བོ་དཔལ་ ལྡན་འཕྲོད་བསྟེན་དྲུང་འཕར་མཆོག་ནས་༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་མཇལ་དར་སྒྲོན་རྗེས་ཚོགས་བཅར་བ་རྣམས་ ནས་གཡུ་ཐོག་གསོལ་འདེབས་འདོན། དེ་རྗེས་ལྷན་ཚོགས་སྐབས་ལྔ་པའི་ཚོགས་གཙོ་སྨན་པ་ཚེ་རིང་མཚམས་གཅོད་ནས་མཛད་ སྒོའི་ངོ་སྤྲོད་དང་སྦྲགས་འདས་པའི་ལོ་གསུམ་གྱི་ལས་བསྡོམས་སྙན་སྒྲོན་ཞུས། དེ་རྗེས་ལྷན་ཚོགས་སྐབས་བདུན་པའི་འོས་བསྡུའི་ ཚོགས་ཆུང་ནས་འོས་བསྡུའི་ལས་རིམ་དང་འོས་འདེམས་བྱུང་བའི་ཚོགས་མིའི་མཚ་ན་གཞུང་གསལ་བསྒྲགས་དང་སྦྲགས་ལྷན་ཚོགས་སྐབས་བདུན་པའི་ཚོགས་གཙོར་སྨན་རམས་པ་ཚེ་རིང་ཐག་གཅོད་དྲུང་འཚོ། ཚོགས་གཞོན་སྨན་དགེ་རྡོ་རྗེ་དགྲ་འདུལ་དང་དྲུང་ཆེ་སྨན་པ་པ་སངས་སྟོབས་ཆེན་བཅས་འོས་འདེམས་བྱུང་བའི་གསལ་བསྒྲགས་གནང་། སྐུ་མགྲོན་གཙོ་བོ་མཆོག་ནས་ལྷན་ཚོགས་སྐབས་བདུན་པའི་ཚོགས་མི་རྣམས་ལ་འཚམས་འདྲིའི་མཇལ་དར་དང་འཕོ་བཞིན་པའི་སྐབས་དྲུག་པའི་ཚོགས་མི་རྣམས་ལ་ཐུགས་རྗེ་ལེགས་གསོལ་ཕྱག་འཁྱེར་གནང་། ལྷན་ཚོགས་སྐབས་བདུན་པའི་ཚོགས་གཙོ་མཆོག་ནས་ གསོ་བ་རིག་པའི་ལྷན་ཚོགས་ཀྱི་སྒྲོམ་གཞི་བརྟན་པོ་དགོས་རྒྱུ་གལ་ཆེ་བའི་སྐོར་གསུང་བཤད་གནང་བ་དང་། དེ་རྗེས་སྐུ་མགྲོན་གཙོ་བོ་དཔལ་ལྡན་འཕྲོད་བསྟེན་དྲུང་འཕར་མཆོག་ནས་གསོ་བ་རིག་པའི་ལྷན་ཚོགས་འདི་བོད་མི་མང་སྤྱི་འཐུས་ལྷན་ ཚོགས་ནས་ཁྲིམས་ཡིག་གཏན་ལ་འབེབས་པའི་འོག་ཆེད་འཛུགས་གནང་བའི་ལྷན་ཚོགས་གལ་ཆེ་ཞིག་ཡིན་པས་ཁྱབ་ཁོངས་སྨན་པ་དང་རིག་གཞུང་བསྟི་ཁང་ཚང་མས་འཕྱར་གྲུ་མཉམ་འདེགས་གནང་དགོས་པ་དང་། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་ཀྱང་གང་ཐུབ་མཐུན་འགྱུར་རྒྱབ་སྐྱོར་ཞུ་རྒྱུ་ཡིན་པའི་གསུང་བཤད་གནང་། མཛད་སྒོའི་མཐའ་མར་ལྷན་ཚོགས་ཀྱི་ཚོགས་མི་སྨན་པ་ཐོགས་མེད་ལགས་ནས་ལྷན་ཚོགས་ཀྱི་ལས་དོན་ཆེད་ད་བར་མཐུན་འགྱུར་ རྒྱབ་སྐྱོར་གནང་མཁན་ཚང་མར་ཐུགས་རྗེ་ཆེ་ཞུ་དང་སྐབས་བདུན་པའི་རྒྱུན་ལས་རྣམ་པར་མུ་མཐུད་རྒྱབ་སྐྱོར་གནང་སྐྱོང་ཡོང་བ་ཞུས་རྗེས་ཚོགས་བཅར་བ་རྣམས་ནས་སྨན་རྩིས་བསྟན་རྒྱས་འདོན་པ་དང་སྦྲགས་མཛད་སྒོ་ལེགས་པར་གྲུབ། ཕྱི་ཚེས་༣༡ ཉིན་ལྷན་ཚོགས་ཡིག་ཚང་དུ་ཚོགས་མི་གསར་རྙིང་དབར་ཡིག་ཆ་དང་ལས་དམ། ལས་ཁུངས་ཀྱི་འཛིན་ཆས་དང་དངུལ་ཁང་ལག་དེབ་སོགས་རྩིས་སྤྲོད་རྩིས་ལེན་གནང་ཡོད་པ་གནས་ཚུལ་སྙིང་བསྡུས་སུ་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས།། ལས་བསྡོམས་སྙིང་བསྡུས་ཆེད་འདིར་བསྣུན།
Handing over Ceremony of CCTM 6th Term Member
Invitation to handing over ceremony of CCTM 6th Term Executive Members Pls CLICK HERE for detail program. CLICK HERE FOR BRIEF REPORT
གསོ་བ་རིག་པའི་ཉིན་མོ་སྲུང་བརྩི་ཐེངས་བཞི་པ།
ཕྱི་ལོ་༢༠༢༢ ཟླ་༩ ཚེས་༡༡ ཉིན་བོད་ཀྱི་གསོ་བ་རིག་པའི་ལྷན་ཚོགས་ནས་གསོ་བ་རིག་པའི་ཉིན་མོ་སྲུང་ རྩི་ཐེངས་བཞི་པ་དེ་རྡ་ས་འགྲོ་ཕན་སྨན་རྩིས་མཐོ་སློབ་ཚོགས་ཁང་དུ་བསྐོང་ཚོགས་ཞུས་ཅིང་མཛད་སྒོའི་སྐུ་མགྲོན་གཙོ་བོར་དཔལ་ལྡན་འཕྲོད་བསྟེན་དྲུང་ཆེ་མཆོག་དང་དམིགས་བསལ་སྐུ་མགྲོན་ཀངྒ་ར་རྫོང་གི་ཨཱ་ཡུ་ཤའི་ངེས་སྟོན་པ་གཞོན་པ་ Dr. Anil Kumar Garg མཆོག་གཙོས་༸སྐུའི་བླ་སྨན་པ་དང་༧སྐུ་བཅར་སྨན་ པ། གཞན་ཡང་གསོ་བ་རིག་པའི་སྨན་པ་དང་སྨན་སློབ་བཅས་མི་གྲངས་སུམ་ཅུ་ཙམ་ཚོགས་འཛོམས་ཐོག་ མཛད་སྒོ་སྲུང་བརྩི་ཞུས། མཛད་སྒོའི་ཐོག་ལྷན་ཚོགས་ཀྱི་ཚོགས་གཙོ་སྨན་པ་ཚེ་རིང་མཚམས་གཅོད་ ནས་གསོ་བ་རིག་པའི་ཉིན་མོར་བོད་ཀྱི་གསོ་རིག་མེས་པ་རྣམས་དང་། ལྷག་པར་༸སྤྱི་ནོར་༸གོང་ས་ སྐྱབས་མགོན་ཆེན་པོ་མཆོག་ནས་བཙན་བྱོལ་དུ་གསོ་རིག་བསྟན་པ་སླར་གསོའི་མཛད་རྗེས་བཀའ་དྲིན་ བསྐྱངས་པའི་སྐུ་དྲིན་དྲན་པའི་སྒོ་ནས་གསོ་བ་རིག་པའི་ཉིན་མོར་གསོ་རིག་རྗེས་འཛིན་སྨན་པ་ཡོངས་ལ་ འཚམས་འདྲི་བཀྲ་ཤིས་བདེ་ལེགས་ཞུས། ཉིན་མོ་སྲུང་བརྩི་འདིར་བོད་ཀྱིཆོས་རྒྱལ་རིམ་བྱོན་དང་གསོ་ རིག་མེས་པོ་གོང་མ་རྣམས་དང་། གསོ་རིག་སྨྲ་བའི་དབང་པོ་རྣམས་ཀྱི་བཀའ་དྲིན་དྲན་པ་ཙམ་མིན་པར་ གསོ་རིག་མཁས་པའི་གསུང་རྩོམ་ལ་བསླབ་པ་སློབ་གཉེར་དང་དངོས་ཐོག་ལག་ལེན་དུ་འཁེལ་ཐབས་བྱ་རྒྱུ་གལ་ཆེ་བ་དང་། ལྷག་པར་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་སྔ་རྗེས་བཀའ་སློབ་ལམ་ སྟོན་གནང་བར་ཡང་ནས་ཡང་དུ་ལྟ་ཀློག་དང་ལག་ལེན་འཁེལ་མིན་བསམ་བློ་གཏོང་རྒྱུའི་ཉིན་མོ་ཞིག་ཀྱང་ཆགས་ཀྱི་ཡོད་པ་གསུངས། ཉིན་མོ་སྲུང་བརྩི་བསྟུན་ད་བར་གསོ་རིག་བསྟན་དོན་ཆེད་ཞབས་འདེགས་ བསྒྲུབ་མཁན་རྣམས་ལ་ཐུགས་རྗེ་བཀའ་དྲིན་ཆེ་ཞེས་ཞུས། དེ་རྗེས་དམིགས་བསལ་སྐུ་མགྲོན་མཆོག་ནས་གསོ་བ་རིག་པ་འདི་སྲོལ་རྒྱུན་སྨན་ལུགས་ཤིག་ཡིན་པས་ དེ་ནི་ལོ་ངོ་སྟོང་ཕྲག་སྔོན་ནས་ཉམས་མྱོང་ལ་གཞི་རྐང་བཞག་ནས་སྨན་བཅོས་ལྟ་གྲུབ་དང་ལག་ལེན་ཚད་ ལྡན་ཞིག་ཡོད་ཀྱང་། དུས་དང་བསྟུན་ནས་སྲོལ་རྒྱུན་སྨན་ལུགས་དག་ཚན་རིག་དང་མཐུན་པའི་སྒོ་ནས་ ཉམས་ཞིབ་བྱ་རྒྱུ་ཤིན་ཏུ་གལ་ཆེ་ཡིན་པས་གསོ་བ་རིག་པའི་སྨན་ལུགས་འདི་ཡང་ཚན་རིག་དང་མཐུན་ པའི་ཉམས་ཞིབ་བྱེད་ནས་དར་སྤེལ་གནང་རྒྱུ་ཤིན་ཏུ་གལ་ཆེ་བའི་བཀའ་སློབ་གནང་། དེ་རྗེས་སྐུ་མགྲོན་ གཙོ་བོ་དཔལ་ལྡན་འཕྲོད་བསྟེན་དྲུང་ཆེ་མཆོག་ནས་ད་ཉིན་བོད་ཀྱིག་གསོ་བ་རིག་པའི་ལྷན་ཚོགས་ནས་ གསོ་བ་རིག་པའི་ཉིན་མོ་སྲུང་བརྩི་ཞུ་བཞིན་པ་འདི་གཙོ་བོ་དྲན་གསོའི་ཉིན་མོ་ཞིག་ཆགས་ཡོད། དེ་ཡང་ ཕྱི་ལོ་ ༡༩༥༩ བར་བོད་ཀྱི་ཆོས་རྒྱལ་དང་རྒྱལ་དབང་རིམ་བྱོན་གྱི་སྐུ་དྲིན་ལ་རྟེན་ནས་བསླབ་པ་སློབ་…
Invitation to 4th Sowa-Rigpa Day Celebration
To, All the Sowa-Rigpa Medical Practitioners and Members of Friends of Tibetan Medicine, Greetings to you from office of Central Council of Tibetan Medicine, Dharamsala. Members of CCTM would like to invite you all to the 4th Sowa-Rigpa Day Celebration…
Actual Election
To, All the registered practitioners, please find below an announcement of CCTM 7th Term Actual Election by the Election Committee. Last date of actual election is on 5th Sept. 2022. OFFICIAL ANNOUNCEMENT IN TIBETAN LANGUAGE LIST OF CANDIDATES
ལྷན་ཚོགས་སྐབས་བདུན་པའི་ཚོགས་མིའི་འོས་བསྡུའི་གསལ་བསྒྲགས།
བོད་ཀྱི་གསོ་བ་རིག་པའི་ལྷན་ཚོགས་ཀྱི་སྐབས་བདུན་པའི་ཚོགས་མིའི་འོས་བསྡུའི་གསལ་བསྒྲགས། ༡། སྔོན་གླེང་། བོད་ཀྱི་གསོ་བ་རིག་པའི་སྨན་པ་དང་སྨན་སྦྱོར་ལག་ལེན་སོགས་ཚུལ་མཐུན་ཡོང་རྒྱུའི་ཆེད་ཕྱི་ལོ་ ༢༠༠༤ ལོར་བཙན་བྱོལ་བོད་མིའི་བཅའ་ཁྲིམས་དོན་ཚན་ ༡༨ པའི་འོག་ ” བཙན་བྱོལ་བོད་མིའི་བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ཀྱི་ཁྲིམས་ཡིག ” ཅེས་ཁྲིམས་ཡིག་གཏན་འབེབས་ཀྱིས་ལྷན་ཚོགས་འདི་ཆེད་འཛུགས་གནང་བ་ཞིག་ཡིན། ལྷན་ཚོགས་འདིའི་འོག་ད་བར་སྨན་པ་གྲངས་ ༥༦༣ གསོ་བ་རིག་པའི་སློབ་གཉེར་ཁང་གྲངས་ ༦ གསོ་བ་རིག་པའི་སྨན་སྦྱོར་ཁང་གྲངས་ ༥༮༮༯༯ བཅས་ཁྲིམས་མཐུན་ངོས་ལེན་དེབ་སྐྱེལ་ཞུས་ཟིན་པ་ཡིན། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དོན་ཚན་བརྒྱད་པའི་དགོངས་དོན་བཞིན་ལྷན་ཚོགས་ཀྱི་ཚོགས་མིའི་ལས་འཁུར་དུས་ཡུན་ལོ་གསུམ་རེ་དང་ཁྲིམས་ཡིག་དོན་ཚན་དྲུག་པ་ཚོགས་མིའི་ཡོང་ཁུངས་ཐོག་བསྐྱར་བཅོས་གཏན་འབེབས་ལག་བསྟར་གྱིས་ད་ཡོད་བོད་ཀྱི་གསོ་བ་རིག་པའི་ལྷན་ཚོགས་སྐབས་ ༦ པའི་ཚོགས་མིའི་ལས་འཁུར་དུས་ཡུན་གཙང་བཞིན་ཡོད་ན། སྐབས་བདུན་པའི་ཚོགས་མི་འོས་འདེམས་བྱ་དགོས་པར་བརྟེན། ལྷན་ཚོགས་འདིའི་འོག་དེབ་སྐྱེལ་ཡོད་པའི་སྨན་པ་ཡོངས་ནས་ཐུགས་ཁུར་ཆེ་བཞེས་ཀྱིས་དུས་བཀག་ནང་ཚུད་འོས་འཕེན་གནང་གལ་ཆེ། ༢། ཚོགས་མིའི་ཡོངས་ཁུངས། བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དོན་ཚན་དྲུག་པའི་དགོངས་དོན་བཞིན། ཀ ༸གོང་ས་༸སྐྱབས་མགོན་ཆེན་པོའི་བོད་ཀྱི་གསོ་བ་རིག་པའི་༸སྐུའི་བླ་སྨན་པ་བགྲེས་པའམ་བླ་སྨན་ཞབས་ ཞུ་བ་བགྲེས་པ་གཅིག་དགའ་ལྡན་ཕོ་བྲང་ཡིག་ཚང་ནས་བསྐོ་བཞག་གནང་རྒྱུ། ཁ བོད་ཀྱི་སྨན་རྩིས་ཁང་གི་སྒྲིག་ཁོངས་ཚོགས་མི། ༤ བོད་ཀྱི་སྨན་རྩིས་ཁང་གི་རིག་གཞུང་འགན་འཛིན་དང་། སྨན་རྩིས་མཐོ་སློབ་ཀྱི་སློབ་སྤྱི་སྨན་པ་ཡིན་ཚེ་སྨོས་མེད་ཐོགགཞན་སྨན་རྩིས་ཁང་ཁྱབ་ཁོངས་སྨན་པ་རྣམས་ཀྱིས་འོས་འདེམས་བྱེད་དགོས། ག གཞན་ཡོང་ཁུངས་ནས་ཚོགས་མི། ༦ ༡། …
CCTM ELECTION 2022
The Term duration of 6th Executive Board Members of the Central Council of Tibetan Medicine (CCTM) has come to an end and it is hereby required to elect the 7th term Executive Board Members of CCTM as per date scheduled…
དམིགས་བསལ་ཚོགས་འདུ།
༄༅། །བོད་ཀྱི་གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོད་པའི་གསོ་རིག་སྨན་པ་ཡོངས་ལ། ཆེད་དོན། དགོངས་གསལ་བཞིན་བོད་ཀྱི་གསོ་བ་རིག་པའི་ལྷན་ཚོགས་ནི་ཕྱི་ལོ་ ༢༠༠༤ ལོར་བཙན་བྱོལ་བོད་མིའི་བཅའ་ཁྲིམས་དགོངས་དོན་ཆེད་འཛུགས་གནང་བའི་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་ཁྱབ་ཁོངས་རང་སྐྱོང་ཚན་པའམ་ལྷན་ཚོགས་ཤིག་ཆགས་ཀྱི་ཡོད་ན་འདས་པའི་ལོ་ ༡༨ ལྷག་ཙམ་རིང་སྐབས་སོ་སོའི་ཚོགས་མི་ནས་ལྷན་ཚོགས་ཀྱི་ཁྲིམས་སྒྲིག་དགོངས་དོན་སྒྲིག་གཞི་གཏན་འབེབས་འོག་བོད་ཀྱི་གསོ་བ་རིག་པའི་སློབ་གཉེར་ཁང་དང་སློབ་ཐོན་སྨན་པ། སྨན་སྦྱོར་ཁང་བཅས་དེབ་སྐྱེལ་དང་དུས་དུས་སུ་རྟོགས་ ཞིབ་སྟངས་འཛིན་ཞུས་དང་ཞུ་མུས་ཡིན། སྐབས་བབ་ཞུ་སྙིང་། ལྷན་ཚོགས་་ཀྱི་གནས་བབ་དང་ལས་དོན་བྱེད་ཕྱོགས། དེ་བཞིན་སྨན་པ་དང་བརྟག་དཔྱད་སྨན་ཁང་། སྨན་སྦྱོར་ཁང་དང་སྨན་སྦྱོར་ཐོན་བསྐྱེད། འབྱུང་འགྱུར་གསོ་རིག་སྨན་རྒྱུའི་གནས་བབ་ཐོག་གསོ་བ་རིག་པའི་ལྷན་ཚོགས་ནས་གཙོ་འགན་འཁུར་བའི་ཐོག་ཚོགས་འདུ་ཞིག་བསྐོང་འཚོག་གནང་གལ་ཆེ་དོན་དཔལ་ལྡན་སྲིད་སྐྱོང་མཆོག་ནས་བཀའ་སློབ་ལམ་སྟོན་ཕེབས་སོང་ན་གོང་གསལ་ ཚོགས་འདུ་དེ་བཞིན་ཕྱི་ལོ་༢༠༢༢ ཟླ་ ༧ ཚེས་ ༡༡་་༡༢ ཉིན་གཉིས་རིང་རྡ་ས་སྣེ་ལེན་ཁང་འཛིན་སྐྱོང་སྦྱོང་བརྡར་བསྟི་གནས་ཁང་དུ་བསྐོང་འཚོག་གནང་གཏན་འཁེལ་ཡོད་ན་དེབ་སྐྱེལ་ཡོད་པའི་གསོ་རིག་སྨན་པ་རྣམས་ནས་གོང་གསལ་ཚོགས་འདུའི་གྲོས་གཞིའི་ཐོག་དགོངས་འཆར་དང་། ལྷག་པར་གསོ་རིག་བསྟན་པ་སྤྱི་དང་ཡང་སྒོས་ལྷན་ཚོགས་ཀྱི་ཁྲིམས་སྒྲིག་དང་ལས་དོན་བྱེད་ཕྱོགས་ཐད་དགོངས་ཚུལ་ཡོད་ཚེ་ཕྱི་ལོ་ ༢༠༢༢ ཟླ་ ༧ ཚེས་ ༥ གོང་ལྷན་ཚོགས་སུ་ཡིག་ཐོག་ནས་འབུལ་གནང་ཡོང་བ་ཞུ། གོང་གསལ་བརྗོད་གཞི་དང་འབྲེལ་ས་གནས་འབྲེལ་མཐུད་(༦)མཉམ་དྲ་ཐོག་གྲོས་བསྡུར་བྱུང་སོང་ན་ས་གནས་སྨན་པ་རྣམས་ནས་དགོངས་འཆར་རྣམས་ས་གནས་འབྲེལ་མཐུད་བརྒྱུད་བསྐུར་ནའང་འགྲིག་འཐུས་ཞུ་རྒྱུ་བཅས་བོད་ཀྱི་གསོ་བ་རིག་པའི་ལྷན་ཚོགས་ཀྱི་ཡིག་ཚང་ནས་ཕྱི་ལོ་ ༢༠༢༢ ཟླ་ ༦ ཚེས་ ༢༠ ལ་ཕུལ།།
Send your suggestion
Special Meeting of CCTM will held at Dharamsala from 11th – 12th July 2022. If any of registered member have suggestions are requested to send their suggestion in written to CCTM before 5th of July 2022. CLICK HERE TO READ…