བོད་ཀྱི་གསོ་བ་རིག་པའི་ལྷན་ཚོགས་ནས་ཉེ་སྔོན་མངའ་སྡེའི་ཨཱ་ཡུ་ཤའི་ངེས་སྟོན་པ་མཆོག་དང་མཇལ་ཕྲད་བཀའ་བསྡུར་རིམ་པ་ཞུས་པའི་རྗེས་ཕྱི་ལོ་༢༠༡༦ ཟླ་༢་ཚེས་༡༢ ཉིན་ཧི་མཱ་ཅལ་མངའ་སྡེའི་འདེམས་བསྐོ་ལྷན་ཁང་ནས་དེ་སྔ་མངའ་སྡེའི་ནང་གསོ་བ་རིག་པའི་སྨན་པའི་ས་དམིགས་བཞི་ཡོད་པ་ལས་གསུམ་བར་སྐབས་སྟོང་པ་ལྷག་པ་དེ་སླར་འདེམ་བསྐོ་གནང་རྒྱུའི་གསལ་བསྒྲགས་ཤིག་སྤེལ་འདུག ས་དམིགས་གསུམ་པོ་དེ་ཧི་མཱ་ཅལ་མངའ་སྡེའི་ནང་ཡོད་པའི་༡། རི་ཀོང་པིའོ། ༢། པུ། ༣། ཀཱ་ཛཱ་བཅས་རེད་འདུག བོད་ཀྱི་གསོ་བ་རིག་པའི་རྒྱུན་འཛིན་སྨན་པ་གང་ཞིག་ས་དམིགས་དེར་བཞུགས་བློ་མཆིས་ཚེ་གཤམ་གསལ་གྱི་དྲ་ཐོག་ནང་ལམ་སྟོན་གནང་གསལ་འགེངས་ཤོག་བསྐང་གནང་རོགས། དྲ་ཐོག་འགེངས་ཤོག་གི་དུས་བཀག་དེ་ཕྱི་ལོ་༢༠༡༦ ཟླ་༣ ཚེས་༡༤ ཆུ་ཚོད་༡༡།༥༩ བར་ཡིན་འདུག་པ་དེ་དོན་གསལ་བསྒྲགས་ཞུ།།
http://hp.gov.in/hppsc/file.axd?file=2016%2F2%2FAdvertisement+No.+2_2016.pdf