སྔོན་འགྲོའི་འོས་བསྡུའི་གསལ་བསྒྲགས།

Facebooktwittergoogle_plusredditpinterestlinkedinmail

བོད་ཀྱི་གསོ་བ་རིག་པའི་ལྷན་ཚོགས་སྐབས་ལྔ་པའི་ཚོགས་མིའི་འོས་བསྡུའི་གསལ་བསྒྲགས།

༡།         རྒྱབ་ལྗོངས

བོད་ཀྱི་གསོ་བ་རིག་པའི་ལྷན་ཚོགས་འདི་བཞིན་ཐོག་མར་ཕྱི་ལོ་༢༠༠༤ལོར་བཙན་བྱོལ་བོད་མིའི་བཅའ་ཁྲིམས་དོན་ཚན་༡༨པའི་འོག་བོད་ཀྱི་གསོ་བ་རིག་པའི་སྨན་པ་དང་།སྨན་སྦྱོར་ལག་ལེན་སོགས་གཞུང་མཐུན་ཚད་ལྡན་ཡོང་ཆེདབཙན་བྱོལ་བོད་མིའི་བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ཀྱི་ཁྲིམས་ཡིག་གཏན་འབེབས་ཀྱིས་ལྷན་ཚོགས་འདི་ཆེད་འཛུགས་གནང་བ་ཞིག་ཡིན།

ལྷན་ཚོགས་འདིའི་འོག་ད་བར་སྨན་པ་གྲངས་༤༥༨གསོ་བ་རིག་པའི་སློབ་གཉེར་ཁང་གྲངས་༥གསོ་བ་རིག་པའི་སྨན་སྦྱོར་ཁང་གྲངས་༥བཅས་ཁྲིམས་མཐུན་ངོས་ལེན་དེབ་སྐྱེལ་ཞུས་ཟིན་ཡོད།

བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དོན་ཚན་བརྒྱད་པའི་དགོངས་དོན་བཞིན་ལྷན་ཚོགས་ཀྱི་ཚོགས་

མིའི་ལས་འཁུར་ཡུན་ཚད་ལོ་ལྔ་ཡིན་རུང་།བོད་མི་དམངས་སྤྱི་འཐུས་སྐབས་༡༥པའི་གྲོས་ཚོགས་ཚོགས་དུས་༡༡ཐོག་ལས་འཁུར་ཡུན་ཚད་ལོ་གསུམ་རེ་ཁྲིམས་ཡིག་དོན་ཚན་དྲུག་པ་ཚོགས་མིའི་ཡོང་ཁུངས་ཐོག་བསྐྱར་བཅོས་

གཏན་འབེབས་ཟིན་པ་བཞིན།ད་ཡོད་བོད་ཀྱི་གསོ་བ་རིག་པའི་ལྷན་ཚོགས་སྐབས་བཞི་པའི་ཚོགས་མིའི་ལས་འཁུར་ཡུན་ཚད་ལོ་གསུམ་གཙང་ཟིན་པས།སྐབས་ལྔ་པའི་ཚོགས་མི་འོས་འདེམས་བྱ་དུས་གཏུགས་ལ་བརྟེན་ལྷན་ཚོགས་འདིའི་འོག་དེབ་སྐྱེལ་ཡོད་པའི་སྨན་པ་ཡོངས་ནས་འོས་བསྡུའི་ལས་རིམ་གལ་ཆེ་དོན་ཆེར་རྩིས་ནས་གཤམ་འཁོད་དུས་བཀག་ནང་ཚུད་ངེས་པར་དུ་འོས་འཕེན་གནང་གལ་ཆེ།

༢།       ཚོགས་མིའི་ཡོངས་ཁུངས།

བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དོན་ཚན་དྲུག་པའི་དགོངས་དོན་བཞིན།

ཀ༽༸གོང་ས་༸སྐྱབས་མགོན་ཆེན་པོའི་བོད་ཀྱི་གསོ་བ་རིག་པའི་སྐུའི་བླ་སྨན་པ་བགྲེས་པའམ་བླ་སྨན་ཞབས་ཞུ་བ་བགྲེས་པ།

༽       བོད་ཀྱི་སྨན་རྩིས་ཁང་གི་སྒྲིག་ཁོངས་ཚོགས་མི།

བོད་ཀྱི་སྨན་རྩིས་ཁང་གི་རིག་གཞུང་འགན་འཛིན་དང་། སྨན་རྩིས་མཐོ་སློབ་ཀྱི་སློབ་སྤྱི་སྨན་པ་ཡིན་ཚེ་སྨོས་མེད་ཐོག གཞན་གཉིས་སྨན་རྩིས་ཁང་ཁྱབ་ཁོངས་སྨན་པ་རྣམས་ཀྱིས་འོས་འདེམས་བྱེད་དགོས།

ག༽       གཞན་ཡོང་ཁུངས་ནས་ཚོགས་མི།

༡།         ལྕགས་པོ་རི་དྲན་རྟེན་བོད་སྨན་མཐོ་སློབ་ཀྱི་སློབ་སྤྱི། ༡

༢།         ཝཱ་ཎ་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་སྨན་རྩིས་སྡེ་ཚན་གྱི་འགན་འཛིན། ༡

༣།       གསོ་རིག་འབུམ་བཞིའི་རྒྱུན་འཛིན་སྨན་པ་རྣམས་ཀྱིས་འོས་འདེམས་བྱས་པའི་སྨན་པ།

༤།        སྒྲིག་ཁོངས་གང་དུ་ཡང་མེད་པའི་སྨན་པ་རྣམས་ཀྱིས་འོས་འདེམས་བྱས་པའི་སྨན་པའི་སྐུ་ཚབ།

ང༽     ཕྱི་ལུགས་ཀྱི་སྨན་པ་གཅིག་འཕྲོད་བསྟེན་ལས་ཁུངས་ནས་དམིགས་འཛུགས་བྱ་རྒྱུ།

ཅ༽     གསོ་རིག་ལྷན་ཚོགས་འོག་དེབ་སྐྱེལ་ཡོད་པའི་བོད་མི་མ་ཡིན་པའི་སྨན་པ་རྣམས་ནས་རང་ཁོངས་འོས་འདེམས་བྱས་པའི་སྨན་པ།

ཚོགས་མིའི་འོས་ཆོས།

༡།       བོད་མིའི་སྐུ་ཚབ།

ཀ          དང་བླངས་དཔྱ་དངུལ་འབུལ་ཆད་ཡོད་པ་མ་ཡིན་པ།

ཁ          གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོད་པ།

ག          ཁྲིམས་ཁང་ངམ་སྨན་པ་ཚད་ལྡན་གྱིས་རིག་འཚོ་མ་ཟིན་པར་གསལ་བསྒྲག་བྱས་པ་མ་ཡིན་པ།

ང          བུ་ལོན་བསྒྲུབ་མཇལ་མ་ཐུབ་པ་མ་ཡིན་པ།

ཅ          ཁྲིམས་ཁང་ནས་ནག་ཉེས་ཕོག་ཟིན་པ་མ་ཡིན་པ།

༢།         བོད་མི་མ་ཡིན་པའི་སྐུ་ཚབ།

ཀ          གསོ་བ་རིག་པའི་ལྷན་ཚོགས་འོག་དེབ་སྐྱེལ་ཡོད་པ།

ཁ          ཁྲིམས་ཁང་ངམ་སྨན་པ་ཚད་ལྡན་གྱིས་རིག་འཚོ་མ་ཟིན་པར་གསལ་བསྒྲགས་བྱས་པ་མ་ཡིན་པ།

ང          བུ་ལོན་བསྒྲུབ་མཇལ་མ་ཐུབ་པ་མ་ཡིན་པ།

ཅ          རྒྱལ་ཁབ་དང་ཡུལ་མིའི་ངོ་སྤྲོད་ལག་འཁྱེར་ཡོད་པ།

འོས་བསྡུའི་ལས་རིམ།

༡།         འོས་བསྡུ་ཚོགས་ཆུང་གིས་འོས་བསྡུ་གསལ་བསྒྲགས་སོང་ཉིན་ནས་ཉིན་གྲངས་༣༠ནང་ཚུད་འོས་བསྡུ་ཚོགས་ཆུང་གི་ཚོགས་གཙོའི་མཚན་ཐོགགློག་ཡིག་

E-mail-cctmelection2016@gmail.comསྦྲག་ཐོགElection Committee, C/o Central Council of Tibetan Medicine, Department of Health (CTA) GangchenKyishongDharamsala, DisttKangra (H.P) 176215 མྱུར་འཕྲིན་fax-01892#226462གང་རུང་བརྒྱུད་འོས་འཕེན་པ་སྨན་པ་སོ་སོའི་དེབ་སྐྱེལ་ཨང་གྲངས་མཉམ་འཁོད་ཐོག་སྔོན་འགྲོའི་འོས་གཞི་འབུལ་དགོས།

༢།         འོས་གཞི་གསལ་བསྒྲགས་གནང་ནས་ཉིན་གྲངས་བཅོ་ལྔ་ནང་ཚུད་འོས་འཕེན་པ་རྣམས་ནས་སོ་སོའི་དེབ་སྐྱེལ་ཨང་གྲངས་འཁོད་ཐོག་དངོས་གཞིའི་འོས་ཤོག་འོས་བསྡུ་ཚོགས་ཆུང་གི་ཚོགས་གཙོའི་མཚན་ཐོག་གོང་འཁོད་གློག་ཡིག་སྦྲག་ཐོག་གམ།མྱུར་འཕྲིན་གང་རུང་བརྒྱུད་འོས་འཕེན་པ་སྨན་པ་སོ་སོའི་དེབ་སྐྱེལ་ཨང་གྲངས་མཉམ་འཁོད་ཐོག་སྔོན་འགྲོའི་འོས་གཞི་འབུལ་དགོས།

དང་བླངས་འོས་དམིགས་གསལ་བསྒྲགས།

གལ་ཏེ་གོང་གི་ཁུངས་སོ་སོའི་ཐོག་དང་བླངས་ཀྱིས་ལྷན་ཚོགས་ཀྱི་འཛིན་སྐྱོང་ཚོགས་མིར་བཞུགས་བློ་ཡོད་ཚེ་དསྐྱེལ་ཡོད་པའི་སྨན་པ་བཅུའི་རྒྱབ་གཉེར་ཡོད་ཐོག་ཧིན་སྒོར་༡༠༠༠།༠༠འབུལ་ནས་དངོས་གཞིའི་འོས་ནང་ཞུགས་ཆོག

འོས་བསྡུའི་དུས་ཚེས།       སྔོན་འགྲོའི་འོས་བསྡུ་ཕྱི་ལོ་༢༠༡༦ཟླ་༥ཚེས་༡༣ནས་ཟླ་༦ཚེས་༡༡བར།

དངོས་གཞིའི་འོས་བསྡུ་ཕྱི་ལོ་༢༠༡༦ཟླ་༦ཚེས་༡༧ནས་ཟླ་༧ཚེས་༡བར།

འོས་བསྡུའི་འགེངས་ཤོག  འོས་བསྡུའི་འགེངས་ཤོག་ཆེད་འདིར་བསྣུན།

 

ཟུར་སྦྱར་དང་པོ།               བོད་ཀྱི་སྨན་རྩིས་ཁང་གི་ཁྱབ་ཁོངས་སུ་ཡོད་པའི་སྨན་པའི་མཚན་ཐོ།

ཟུར་སྦྱར་གཉིས་པ།             སྒྲིག་ཁོངས་གང་དུ་མེད་པའི་བོད་པའི་སྨན་པ་རྣམས་ཀྱི་མཚན་ཐོ།

ཟུར་སྦྱར་གསུམ་པ།             བོད་མི་མ་ཡིན་པའི་སྨན་པ་རྣམས་ཀྱི་མཚན་ཐོ།

ཟུར་སྦྱར་བཞི་པ།               འབུམ་བཞིའི་སྨན་པའི་མཚན་ཐོ།

ཐུགས་གནང་དགོས་རྒྱུ།

བོད་ཀྱི་གསོ་བ་རིག་པའི་ལྷན་ཚོགས་ཀྱི་ཁྲིམས་ཡིག་དང་འོས་བསྡུའི་སྒྲིག་གཞི་ལྷན་ཚོགས་ཀྱི་གཞུང་འབྲེལ་དྲ་རྒྱའི་ཁ་བྱང་ཐོག་གཟིགས་རྒྱུ་ཡོད་པས་དགོངས་འཇགས་ཞུ།

Contact detail: E-mail: cctmelection2016@gmail.com

Postal address :

Chairman; Election Committee

C/o Central Council of Tibetan Medicine

Department of Health (CTA)

Gangchen Kyishong Dharamsala,

Distt Kangra (H.P) 176215

Contact number: 01892-226462/223483/9459147377

བོད་ཀྱི་གསོ་བ་རིག་པའི་ལྷན་ཚོགས་སྐབས་ལྔ་པའི་ཚོགས་མིའི་འོས་བསྡུ་ཚོགས་ཆུང་ནས་ཕྱི་ལོ་༢༠༡༦ཟླ་༥ཚེས་༡༢ ལ།།