• ཕྱི་ལོ་༢༠༠༧ ལོར་རྒྱ་གར་དབུས་གཞུང་འཕྲོད་བསྟེན་ལས་ཁུངས་ནས་ཆེད་ལས་མཁས་པའི་ཚོགས་ཆུང་ཟུར་འཛུགས་གནང།
  • ཕྱི་ལོ་༢༠༠༨ ལོར་མཁས་པའི་ཚོགས་ཆུང་ནས་ཚོགས་ཆུང་གི་ལས་བསྡོམས་ཤོག་གྲངས་༤༢༥ ཡོད་པ་ཞིག་བཀའ་ཤག་ལ་ཕུལ།
  • ཕྱི་ལོ་༢༠༠༩ ཟླ་༩ ཚེས་༡༠ ཉིན་བཀའ་ཤག་ནས་རྒྱ་གར་དབུས་སྨན་གྱི་ལྷན་ཚོགས་ཀྱི་ཁྲིམས་ཡིག་༡༩༧༠ ལ་མོས་མཐུན་གནང།
  • ཕྱི་ལོ་༢༠༡༠ ཟླ་༤ ཚེས་༢༣ ཉིན་འཕྲོད་བསྟེན་བཀའ་བློན་མཆོག་གིས་རྒྱ་གར་གྲོས་ཚོགས་གོང་མའི་ནང་གསོ་བ་རིག་པ་ངོས་ལེན་དང་འབྲེལ་བའི་ཁྲིམས་འཆར་སྙན་སྒྲོན་ཞུས།
  • ཕྱི་ལོ་༢༠༡༠ ལོར་གྲོས་ཚོགས་ནས་ཚོགས་ཆུང་ཟུར་འཛུགས་གནང།
  • ཕྱི་ལོ་༢༠༡༠ ཟླ་༧ ཚེས་༢༡ ཉིན་གྲོས་ཚོགས་གོང་མའི་ཚོགས་ཆུང་ནས་གསོ་བ་རིག་པའི་འཛིན་སྐྱོང་དང་འབྲེལ་བའི་ཆེད་ལས་བསྐོང་ཚོགས་གནང།
  • ཕྱི་ལོ་༢༠༡༠ ཟླ་༨ ཚེས་༡༡ ཉིན་གོང་གསལ་ཚོགས་ཆུང་ནས་གྲོས་ཚོགས་སུ་ལས་བསྡོམས་སྙན་སྒྲོན་ཞུས།
  • ཕྱི་ལོ་༢༠༡༠ ཟླ་༨ ཚེས་༢༥ ཉིན་རྒྱ་གར་གྲོས་ཚོགས་གོང་མའི་ནང་ཁྲིམས་འཆར་ཐོག་བགྲོ་གླེང་གནས་ནས་མཐར་ཁྲིམས་འཆར་ལ་མོས་མཐུན་རྒྱབ་སྐྱོར་གནང།
  • ཕྱི་ལོ་༢༠༡༠ ཟླ་༨ ཚེས་༣༡ ཉིན་རྒྱ་གར་གྲོས་ཚོགས་འོག་མའི་ནང་ཁྲིམས་འཆར་ལ་གྲོས་བསྡུར་གནང་ནས་མོས་མཐུན་རྒྱབ་སྐྱོར་གནང
  • དེ་ལྟར་གྲོས་ཚོགས་ནས་རྒྱ་གར་དབུས་སྨན་གྱི་ལྷན་ཚོགས་ཀྱི་ཁྲིམས་ཡིག་བསྐྱར་བཅོས་ལ་མོས་མཐུན་གནང་ནས་གྲོས་ཚོགས་ཀྱི་ཕྱི་ལོ་༢༠༡༠ ལོའི་ཁྲིམས་ཡིག་བསྐྱར་བཅོས་ཡིག་ཆ་༤༣ པ་དེ་ཆགས་ཡོད།
  • ཕྱི་ལོ་༢༠༡༠ ཟླ་༩ ཚེས་༢༦ ཉིན་རྒྱ་གར་སྲིད་བློན་མཆོག་ནས་ཆོག་མཆན་མཚན་རྟགས་བཀོད་གནང།
  • ཕྱི་ལོ་༢༠༡༠ ཟླ་༩ ཚེས་༢༧ ཉིན་ཁྲིམས་བཟོ་ལྷན་ཁང་ནས་གཞུང་འབྲེལ་གསལ་བསྒྲགས་ཡིག་ཆ་འདོན་སྤེལ་གནང་བ་དེ་ཉིན་ནས་གསོ་བ་རིག་པའམ་ཡོངས་གྲགས་བོད་སྨན་དུ་གྲགས་པ་འདི་རྒྱ་གར་གཞུང་ཁྲིམས་ནས་ངོས་ལེན་ཐོབ་པ་བྱུང་བརྒྱུད་རིམ་མདོར་བསྡུས་ཚུལ་དུ།།