Central Council of Tibetan Medicine

གསལ་བསྒྲགས།

Facebooktwittergoogle_plusredditpinterestlinkedinmail

གལ་ཆེའི་གསལ་བསྒྲགས། 

༄༅། །རྒྱ་ཆེ་བོད་ཀྱི་གསོ་བ་རིག་པའི་རྒྱུན་འཛིན་འཚོ་བྱེད་སྨན་པ་ཡོངས་ཀྱི་སྙན་ལམ་དུ།

ཆེད་ཞུ།

བཙན་བྱོལ་བོད་མིའི་བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ནས་གསལ་བསྒྲགས་ཞུ་དོན།

དང་པོ།མཁྱེན་གསལ་ལྟར་སྐབས་བཅོ་ལྔ་པའི་དཔལ་ལྡན་བོད་མི་མང་སྤྱི་འཐུས་གྲོས་ཚོགས་ཚོགས་དུས་དགུ་པའི་ཐོག་

གྲོས་ཆོད་བྱུང་དོན་བཞིན་གྲོས་ཚོགས་ནས་རིང་མིན་བསྐྱར་ཞིབ་ཚོགས་ཆུང་ཞིག་ཟུར་འཛུགས་ཐོག་གསོ་བ་རིག་པའི་སྲིད་བྱུས་དང་ལྷན་ཚོགས་ཀྱི་ཁྲིམས་སྒྲིག་ལས་དོན་བྱེད་ཕྱོགས་བཅས་སྤྱི་ཡོངས་ལ་བསྐྱར་ཞིབ་ཞིག་གནང་

གཏན་འཁེལ་ཡོད་ན་གསོ་བ་རིག་པའི་རྒྱུན་འཛིན་སྨན་པ་རྣམས་ནས་གོང་གསལ་སྲིད་བྱུས་དང་ལས་དོན་བྱེད་ཕྱོགས་གང་ཅིར་ཕན་པའི་དགོངས་འཆར་ཡོད་ན་འདི་ལས་སུ་༢༠༡༥།༦།༣༠ འགྱངས་མེད་གནང་རོགས་ཞུ།

གཉིས་པ། ལྷན་ཚོགས་ཀྱི་ཁྲིམས་སྒྲིག་དགོངས་དོན་བོད་ཀྱི་གསོ་བ་རིག་པའི་སློབ་ཚན་དང་རྩ་འཛིན་སྒྲིག་གཞི་རྣམས་གཏན་འབེབ་ཀྱིས་གསོ་བ་རིག་པའི་སློབ་གཉེར་ཁང་ཚང་མར་ཅིག་མཐུན་ལག་བསྟར་ཡོང་རྒྱུ་དེ་ཡིན་ན་

འདས་པའི་ལོ་ཤས་ནང་ཆེད་ལས་མཁས་པའི་ཚོགས་ཆུང་ཟུར་འཛུགས་ཐོག་བོད་ཀྱི་གསོ་བ་རིག་པའི་སྨན་པ་རབ་འབྱམས་པའམ་སྨན་རམས་པའི་སློབ་ཚན་བཀོད་སྒྲིག་གི་དམིགས་བསལ་ཚོགས་འདུ་ཐེངས་གསུམ་ཙམ་

བསྐོང་ཚོགས་གནང་ཐོག་གྲོས་བསྡུར་རིམ་པ་གནང་ནས་སྨན་རམས་པའི་སློབ་ཚན་རྩ་འཛིན་སྒྲིག་གཞི་བཀོད་སྒྲིག་གནང་། ཉེ་བའི་ལྷན་ཚོགས་ཚོགས་ཐེངས་ཉེར་གསུམ་པའི་ཐོག་རྩ་འཛིན་དེར་སླར་གཟིགས་ཞིབ་ཀྱིས་

ཕྱི་ལོ་༢༠༡༥ ཟླ་༡ ཚེས་༨ ཉིན་ཐ་མའི་གཏན་འབེབས་གནང་ནས་འདི་ལོ་༢༠༡༥ ནས་རྩ་འཛིན་སྒྲིག་གཞི་འདི་ལག་བསྟར་ཞུ་རྒྱུ་ཡིན།

གསུམ་པ། ཕྱི་ལོ་༢༠༡༢ ལོར་ལྷན་ཚོགས་ནས་སྨན་པའི་དེབ་སྐྱེལ་ལག་འཁྱེར་གསར་བཟོས་གནང་བ་དེ་བཞིན་ལོ་གསུམ་ནས་དུས་བཀག་རྫོགས་བཞིན་ཡོད་ན་ཕྱི་ལོ་༢༠༡༢ ལོར་ལག་འཁྱེར་བཟོས་གནང་བ་རྣམས་འདི་ལོ་

༢༠༡༥ ཟླ་༤ ཚེས་༡ ནས་སླར་ལོ་གསུམ་རིང་ལག་འཁྱེར་དུས་བཀག་འཕར་འགྱངས་གནང་དགོས་ཀྱི་ཡོད་ན་འབྲེལ་ཡོད་ནས་དེ་དོན་སྨན་ལྷན་ཡིག་ཚང་དུ་འབྲེལ་བ་གནང་རོགས་ཞུ།

བཞི་པ། ཕྱི་ལོ་༢༠༡༠ ལོར་བོད་ཀྱི་གསོ་བ་རིག་པའི་སྨན་དང་སྨན་སྦྱོར་ཚད་ལྡན་གྱི་རྩ་འཛིན་སྒྲིག་གཞི་གཏན་འབེབས་ལག་བསྟར་གནང་ནས་ད་ཆ་སྒྲིག་གཞི་དེའི་དཔར་ཐེངས་གཉིས་པ་བརྒྱབ་འཆར་ཡོད་ན་ཆེད་ལས་པ་

རྣམས་ནས་གོང་གསལ་སྒྲིག་གཞི་དེའི་ཐོག་བསྣོན་འཕྲིའི་དགོངས་འཆར་མཆིས་ཚེ་ལྷན་ཚོགས་སུ་ཕྱི་ལོ་༢༠༡༥ཟླ་༦ ཚེས་༣༠ འགྱངས་མེད་གནང་འབྱོར་ཡོང་བ་ཞུ།

ལྔ་པ། ལྷན་ཚོགས་འོག་དེབ་སྐྱེལ་ཡོད་པའི་སྨན་པ་རྣམས་ནས་ད་བར་གྱི་སོ་སོའི་ཆེད་ལས་ལོ་རྒྱུས་བོད་དབྱིན་

སྐད་གཉིས་ཀྱི་ཐོག་ཡོད་པ་ཞིག་ལྷན་ཚོགས་གློག་འཕྲིན་ཁ་བྱང་ ([email protected]/[email protected]yahoo.com) འདིའི་ཐོག་བསྐུར་གནང་ཡོང་བ་དེ་དོན་ཡོངས་ཁྱབ་གསལ་བསྒྲགས་སུ་སྨན་ལྷན་ཡིག་ཚང་

ནས་ཕྱི་ལོ་༢༠༡༥ ཟླ་༤ ཚེས་༡ ལ་ཕུལ།།